سكاكين بالدماء ملطخه

part"10

تصويت وتعليق بين الفقرات
فضلاً وليس أمراً

بسم الله الرحمن الرحيم..

انا بلياك مدري شبيه مابيه
زلف وبلايه ترچيه

قراءه ممتعه...

~~~~~~~~~~~~~~~~~~~~¥¥

مرام &&

ارجع شويه من اجت ايناس شنو الصار

**دخلتها فريت بيها واحس بروحي احبها رغم اي حديث سابقآ ماجمعنه ولحد هسه الف علامة استفهام على سبب جيتها وادري مو جيه عاديه ..كعدنا يم امي شويه وكالت ماما أخذي الضيافه وصعدن فوك اخذن راحتجن واني ماكلت لا

صعدتها وهيَ أصلاً مبينه رايده نكعد وحدنه سديت الباب اباوعلها تصفن شويه وتحجي عبالك مجبوره تجاملني ولحد هسه مافتت بالموضوع الرئيسي لحد ما تجرئت وسألتها

:-انوسه الله عليج اخوج الي دزج عليه ؟
باوعتلي شويه ياله جاوبت
:-لا انا الطلبت منه يجيبني وهوَ يشهد الله ماقبل ابد

مرام:-بس احس..

قاطعتني
:-انا اعرف تحسين جيتي مو طبيعيه واحساج صحيح خيه..حمحمت بهدوء وكملت

إن شاء الله جيتي يحصل بيها كل خير ..شو تعالي بصفي مرومه

توترت رغم اني اجتماعيه بس هاي البنيه غريبة الأطوار توتر الواحد گوه ..كعدت بصفها اخذت ايدي لزمتهه وابتسمت

:-يلوگ لچف اخوي هل چف
مرام:-ايناس ..

ايناس:-عاينيلي حبيبه ، اخوي حبچ ورادچ على سنة الله ورسوله وماغلط ابد عبنه يعرف يختار بدقه واختارج أنتِ

وهذاك اليوم يا عيني اول مره يسويها اجه گالي رايد اتزوج وأنتِ التخطبيلي.. شسولف من الفرحه بچيت وسجدت اشكر ربي هيج يا مرام ابوس الكاع ودموعي الماينزلن نزلن وفرشت سجادتي ومن ربي دعيت يتمم على خير بس

رفضج كسر أبوي من جديد ورجعه لنقطة الصفر

مرام:-ابوج؟
ايناس:-هوَ الرباني

مرام:-شسوه
ايناس:-بظرف شهرين علمودج منع نفسه من السم الجان يشربه بهمجيه ومن النسوان الجان مرافگهن اربعه وعشرين ساعه واخوي الماجنت اشوفنه بس من يوديني للمدرسه صار ماتمر ليله اذا مايبات بيها يمي وعلى نفس المخده نحط روسنه ، الا بهذاك اليوم بهذلتي احواله ورجعتي للبداية عبن كلشي بيدج

مرام:-كلشي بيده مو بيدي اني معليه ايناس اخوج يكدر يمنع روحه من السم الياخذه ومن النسوان اليرافگهن على كولتج بس هوَ الاختار يبقى وياهن لتكوليلي أنتِ

ايناس:-واذا اكلج بيدج مو بيده
مرام:-ايناااس مدا تفتهميني أنتِ

ايناس:-افتهمج وحگ عيونه ، الجاي تحجيلي عنه ابوي واخوي نفسه ما اتوقع وحده غيري تعرفه اكثر مني