تصويت وتعليق بين الفقرات
فضلاً وليس أمراً
بسم الله الرحمن الرحيم
من گد ما عليها الدمع يعبر جان
بدة يقل السواد الجان بلشامة
قراءه ممتعه
~~~~~~~~~~~~~~~~~~¥¥
مرام&&
انصدمت واني اشوف غيوده خشمها كله دم كاعده بالكاع وشعرها مال واحد كافشها من الصدمه ردت اعيط ومنعتني من جرتني
:-اشششش ولا حرررف
مرام:-ددددم عززززه شبيج غيووووده ضاربيج منو ضربج عليج القررررآن ولج كلبي راح يووكف
غيداء:-تسكتين احجيلج ما تسكتين والكعبه بعد ما احاجيج ابد وتدرين بيه من احلف
ارجف واهز راسي بخوف واباوع منا ومنا بلكي المح السوه هيج بيها
غيداء:-عينج عليّ ، اندزتلي رساله اطلعي وره البيت سكرنت بسرعه بس الرقم ماكو مجهول انوب الرساله انحذفت وراحت المحادثه طلعت لكيت ثنين متلثمين ويه ما طلعت واحد سد حلكي وكفشني معش شعري والثاني لكمني بوكس ما اكدر اعيط الجلب الضربني حط ورقه بأيدي وتركوني وطفروا من السياج
مرام:-ليششش ما عيطتي غيووووده ليش
غيداء:-مُسلحين مرام ، مخبله اعيط ؟
:-زين زين الورقه شكاتبين بيها ؟؟؟!!
فتحتها وحطتها بأيدي ولازمه خشمها ، اقراها وعاكده حاجبي
:-مستمره السكاكين تتلطخ بالدماء البريئه ، يا ترى من الضحيه القادمه ؟
بلعت ريكي بخوف گلبي يرررعش وغيوده ما لمحت ذرة خوف بعيونها جانت مجرد هيَ متوجعه من الضربه
مرام:-كوليي لعُسر ولكُميل غيوووده احجيلهم
غيداء:- مرام راح اكول على ضربهم بس عَ الورقه ما احجي وأنتِ اذا فتحتي حلكج وحجيتي اشكه
مرام:-ليش بسسس فهمينييي لمن يروحلج بعد واحد وساعتها تموووتين أنتِ
غيداء:-شكوك بداخلي جبيرررره اريد اتأكد منها بعدها ابدء باللعب
مرام:-والله خايفه غيوده
غيداء:-هذااا الخوف اريد انهي منج اصطبريلي ناويه عليج أنتِ ، ممنوع تحجين خوش
مرام:-تمام يله كومي اغسلج حسبي الله ونعم الوكيل عليهم الانذال هذوله
لزمتها ودخلنا غسلتلها الضربه مجانت كلش قويه يعني ما تضررت مجرد خشمها نزف ، مشطت شعرها ونزلنا وفاتحة اهلها الي جانت متحلفه راح تلطم بيها وتخرمش خدودها وتمش شعرها وتشك ثوبها علمودهم كل هذا ما سوته
البرود الي تولد عندها خله الكل يتطمن عليها اذا هيَ بخير بيها شي تعبانه وهيَ حتى جواب متقبل تجاوب حيرتهم كلهم واولهم اختها
جانت ريتاج من كل كلبها تلطم وتبجي وتعيط يبوو بعلو صوتها ملخت روووحها وغيوده ما تأثرت ولو شويه وسوت مثل اختها بقت طول الفاتحه هيَ هادئه بس اكيد هذا هدوء ما قبل العاصفه
أنت تقرأ
سكاكين بالدماء ملطخه
General Fictionتلطخت السكاكين بدماء المساكين فإني رأيتهم سفاكين وفي داخلي هاجت البراكين براكين ها قد ذوِبت عظامهُم فقالوا لي "مجنونه" فما الممتع في الانتقام إن لم تقفز من حافة التعقّل ؟ قلوب بريئه تنكسر فلا اريد سوى أن تنجبر وطائـرٌ يحلق في سماء الحق وفي سماء ا...
