تصويت وتعليق بين الفقرات
فضلاً وليس أمراً
بسم الله الرحمن الرحيم..
بوية چَذابين ، محَد مِستَعز بينا .
قراءه ممتعه
~~~~~~~~~~~~~~~~~¥¥
ارسلان&&
كلامه وحضنته الحسيتها كسرت ضلوعي ، رجفتنه ثنينه
كل هذا ما اهتميت اله من تذكرت اني ردت احضنه بالحلال مو هيج بهاي الطريقه وبالحرام !!
دفعته وعيوني دمعن باوعتله بخزره رفعت اصبعي السبابه بوجهه
:-كلشي الا الحرام ، عشت طول عمري نظيفه لا تخليني احس روحي وسخه بسببك كُميل
كُميل:-اه ؟ تمام اعتذر بس كلامج اوزنيي
ارسلان:-انتَ تفتهمني.؟؟؟
صار يلتفت يمين يسار والصدمه محتلته ما متوقع ردة فعلي ، حط ايده على صدره منزل راسه ورافع عيونه بغضب ويحجي
كُميل:-اني اوسخج ، اي افتهمتج ارسلان
ارسلان:-اليسوي حرام لعد شعبالك نظيف داخلياً ؟
اقصد داخلك داخلك كُميل اني داخلي نظيف بعمري رجال ما لازمني مو هيج تجي بدون سبق انذار وتحضني ! وحرامات الي وصلك الكلام طلع مو كفو
كُميل:-محد وصلي كلام زلت لسان صارت ، اعتذر مره ثانيه من رخصتج
:-زعلت لان كتلك هيج ؟
كُميل:-كلامج صحيح انا مضروب على راسي وسويتها وحضنت
بقيت ساكته وهوَ راح ومقهور كلش من عيونه بين قهره ، كعدت بالكاع ايدي على حلكي ابجي بدون صوت الزم بروحي اشتم بنفسي عطره الاعشقه بقى بيه
حضنّـي الاحبه يمة حضنّـي
طبيت لازمه الشَكر وايدي بعدها ترجف احترت شلون اخليها طبيعيه ، ضميتها جوه الشال خليت الشَكر عَ الكاونتر وصعدت اركض ، حاضنه المخده وابجي اوكف على المرايه اگلها حبيبي حضنّي لعد ما دريتي ، وهوَ اني احاجي روحي
غيداء &&
مرت ايام وانا احاول ابوك الفديو من جهاز عُسر بس هوَ چان اذكى مني ومن عشيرتي والله احسه ضامه بغير جهاز خاف عنده واحد بالسياره
وهم فتشت سيارته وملگيت كلشيييي ، كلت ماكو غير ابلج همَ ثنيهم شياطين اذا مو عند هذا عند هذا
طبيت للغرفه وثبرته لعُسر اريد اروح البيت اهلي مشتاقه لجدتي ولكُميل يوم واحد وارجع وبعد يوم ضبط يله قنعته بس مو كلش قانع وداني وچافي وجهه مغندب وما يحاجيني ، من جاي انزل بسته وطفرت خليته يسب بروحه ويضحك
دكيت الباب حيل حيل رگع فتحها ابن حازم لزمته بسته وطبيت صارت بوجهي حسنه واجت وراها ايمان رفعتلهن حاجبي وصحت
:-سلااااام
حسنه:-هلا
ايمان صاحت على جهالها اخذتهم وطبت اباوع البيت حتى بيبي ماكو طلعت رايحه لبيت عمو قاسم مصادقه مرت عمي ، وخالو عباس وولده ماكو كُميل بالشغل
أنت تقرأ
سكاكين بالدماء ملطخه
General Fictionتلطخت السكاكين بدماء المساكين فإني رأيتهم سفاكين وفي داخلي هاجت البراكين براكين ها قد ذوِبت عظامهُم فقالوا لي "مجنونه" فما الممتع في الانتقام إن لم تقفز من حافة التعقّل ؟ قلوب بريئه تنكسر فلا اريد سوى أن تنجبر وطائـرٌ يحلق في سماء الحق وفي سماء ا...
