سكاكين بالدماء ملطخه

part"33"

تصويت وتعليق بين الفقرات
فضلاً وليس أمراً

بسم الله الرحمن الرحيم

والعتب بشفافهم ود وحنين
مدللين احباب كلبي مدللين.

قراءه ممتعه

~~~~~~~~~~~~~~~~~~¥¥

غيداء &&

اندكت الباب وتحرير طلعت فتحتها وبعد ما رجعت مرت عشر دقايق وطلعنه انا وعمتي انا واكفه بالباب وهيَ لبست عبايتها وطلعت وايديها على گلبها مرتعبه لان هاي الحاله اول مره تصير

والحجيه من جوه تصيح ها وينها ، ارسلان جانت بالحمام وعمتي تمشي وتسأل لگت جهال ثنين كالوا استونه طلعنه ماشفنه شي

راحت لبيت جوارينه وتسألهم كالوا مندري احنه جوه ماطلعنه طلعت من عندهم تلطم وتصيح بنتي وين راحت من الخوف طبيت اركض لبست عباية الحجيه وطلعت ويه عمتي نمشي ونسأل ومحد بيهم شاف شي

رجعت طبيت ارسلان طلعت من الحمام مهبوطه اخذت الجهاز اتصلت على غياث وفؤاد ، عُسر ما حصلته كتلهم على تحرير واسمع بس الصياح غياث كام يعيط يكول ليش وره عشر دقايق يله استفقدتوها

واحنه عبالنا صديقتها بنت الجيران اجتها دائماً يبقن بالباب يسولفن وين يله تطب تحرير ، هاي صار ساعه وهيَ مختفيه ساعه ضبط وگلبي وكع بين رجليه ولساني ينطق بأدعيه بدون ما افكر يادعاء يجي ببالي ادعيه

اجوا غياث وفؤاد وثنينهم ما سووا سواية عُسر من اجه صياحه المنطقه كلها سمعته مفرفح وجهه احمرررر يصيح ويضرب بالبيبان

:-اختيييييييييي وييننننن راحتتتتتت ولجننننن تحريرررررررر وينهااااا ، وييين انطيييي وجهيييي اذا مأذيهااا ، اكتللللل روحيييييي اذا ثلاثتهنن يتأذذذذذن

عمتي تخربطت من الخوف والحجيه بس تبجي وسكرها معلگ رغم انا مو اهون كُميل اجه ركضت عليه اخذته على جهه واهمسله

:-هجيج هجيج وره اخفائهااا متأكده انااا
كُميل:-اتصل عليه ما يرد انا هم متأكد بس اصبري مستحيل يأذيها جسدياً تلكين شي براسه يريدها توافق عليه

غيداء:-والقرآن اذا سوالها شي وجبرها توافق احط كلشي بحلك عُسر وبهذيج الساعه خل يكتله يستاهل الموت

شفت عُسر انتبهلنا سويت روحي احجي طبيعي شويه و طلعوا كلهم الوِلد ماعندي غير حل اخذت جهازي ودزيت رساله لـ هجيج

:-هسه الساعه ١٢ الظهر ، للوحده يعني ساعه بس اذا ما رجعت تحرير وترجع كون صاغ سليم كلشي سويته عُسر راح يعرف بي وتهاون ما اتهاون وياك ما اعترف بيك ابن خالي ولا اهتم لأمرك عسما تنكتل يا عار يا كسرة وجه

دزيتها ودمي محروووووك بقيت انتظر نص ساعه وشافها وما دز شي ، صعدت فوك واتصلت رد عليً يضحك