قراءة ممتعة ✨🔥
عند الحريم
اول ما شافوا ليان قاموا يرحبون فيها وكان وجهها يبين علامه المتضايق
ام نايف: وش فيك ي بنتي
ليان تبلع غصتها: لا ي خاله مافيني شيء
ام سعود: حي الله عروستنا
ليان: الله يسلمك
اخذوا البنات ليان عشان يجلسون يسولفون معها
رولا : عاد ماتوقعت تجين
ريهام حاسه ان ليان متضايقه بمعنى ان الخطه نجحت
ليان: هو والله كنت تعبانه ما توقعت اني راح اجي
ريهاف: الله يخلي حبيب القلب
وقاموا البنات يضحكون الا ليان وحسوا ان فيها شيء
ريم: الا ليان شلون الجامعة معك
ليان: الحمدلله كويسهه
وقرروا ريوف ريهاف ياخذون ليان برا وطلعوا برا الخيمة
ريهاف: وش فيك
ليان بضيق : مافيني شي
ريوف : وجهكك مو عاجبني
ليان: مافيني شيء بس مانمت
ريهاف: صاير بينك انتي ونايف شيء ؟
ليان وعيونها تلمع: لا
ريوف: قولي ترا مانتي بغربيه نايف مسوي لك شيء
ليان ماقدرت تمسك نفسها وبكت وهي تكرر مافيني شي
وخلوها البنات ترتاح في الخيمه الثانيه وطلعوا من عندها
ريوف: وش فيها غريبه
ريهاف: احس صاير بينها هي ونايف شيء
ريوف: خلينا نكلم نايف
ريهاف: صاحيه البنت ما قالت وش فيها عشان نقول لنايف
~~
عند العيال
كان نايف متضايق من الي صار اليوم
ناصر: علامك ي ولد
سعود: بدتت هموم الزواج وغثاهه
حاتم: وش تقصد اختي مب غثى
نايف: ما فيني شيء بس امس مواصل ما نمت واليوم برجع ماراح القعد
ريان: زين فيه احد ترجع معه ليان
نايف: وش تقصد؟؟
ريان: ماتحب نومة المزارع والبّران
نايف : صاملين كلكم تنامون الليله
ناصر: والله عمي ملزم على الجميع
عند البنات
اتصلت ريهاف على نايف
نايف: هلا
ريهاف: بترجع شوي؟؟
نايف: اي ، ليش؟؟
ريهاف : لا بس انا وريوف نبي نرجع عشان في اغراض للياس ناسينها وهو تعبان وريوف خايفه عليه
نايف: زين
وراحت ريهاف عند ليان
ريهاف: كيفك ان شاء الله احسن
ليان: الحمدلله
ريهاف: ترجعين معنا اليوم
ليان: ليش اجل ناوين ينامون
ريهاف: اي مطولين بس انا وريوف بنرجع مع نايف بترجعين معنا؟
ليان بضيق: طيب برجع
~~
في السياره
كانت ريوف راكبه قدام وريهاف وليان وراء بينهم الياس جالسين ينتظرون نايف
وصل نايف : السلام عليكم
كلهم ردوا الا ليان ؛ وعليكم السلام
وسكت وماقال شيء بس كان يهوجس من هو الي اتصل عليها
نايف: تبون شيء من بيتنا غير اغراض الياس
ريوف: ليش !! ماراح نرجع البيت
نايف: بناخذ الاغراض الي تبونها ونروح بيت خالتي ام ريان
تستقبيلن ضيوف عندك
ليان بضيق: البيت بيتكم
وناظر بعيونها الي ممتلئه بالدموع ونبرة صوتها الحزينه
وحس انها متضايقه منه
وصلوا البيت
نايف: انزلوا اخذوا اغراضكم الي تبونها
ونزلوا ريوف وريهاف والي بقوا نايف وليان والياس كان نايم
نايف: ليش تسوين فيني كذا
ليان: ماسويت شي
نايف وضرب باقوى ماعنده على الدركسون وهو يقول كيف ماسويتي شيء ؟؟
ليان: والله العظيم وربي الي خلقني ماعرفه افهمني تكفى افهمني
نايف: كيف عرفك ؟؟
ليان: لي ساعه احلف لمين انا تعبت اقول مدري مين هو
نايف وهو يصارخ : وشلون درا انك متزوجه طيب!
ماردتت عليه ليان وبعد خمس دقايق جوا البنات
~~
بيت ام ريان
وصلوا البنات ونزلوا الا نايف كان برا ودخلتهم ليان غرفه الضيوف بروح ثواني اجيب لكم مفارش وبطانيات وارجع
وراحت ليان تركض لغرفتها وسِيده جلست على طرف السرير وهي تبكي وتقول ليش ليش يظلم ليش ما يسمع مني طيب وكانت لاحقتها ريهاف بدون ما تحس ليان وسمعت كل الي قالته ليان وتمنت ريهاف اني ما سمعتها وهي تبكي والله تعور القلب وراحت ليان غسلت وجهها ونزلت عند البنات واعطتهم الاغراض
ليان: هذي لنايف ريهاف روحي وديها له
ريهاف تستفزها: الحين انا زوجته ولا انتي
ليان وجهها احمر: لا انتي اخته روحي وديها لا والله ....
ريهاف: خلاص لا تكملين بروح بروح وجعع
ليان: يوجع بليسك
وجلست ريوف تضحك على مناقرهم
~
عند نايف في المجلس
وحطت ريهاف المفرش والبطانيه
نايف يستغزها: ليش انتي الي جبتيها ماعندي زوجه
ريهاف: مدري عنك انت وياها واحد يقول ودي والثاني يقول وين زوجتي
ضحك نايف: روحي ناديها
ريهاف: نعمم!!
نايف: روحي نادي زوجتي حلالي
ريهاف: اوفف طيب
عند ريوف وليان
ريهاف ؛ ليان نايف يبيك
ليان: وش يبي
ريهاف: انا ادري عنك انتي وياهه
ليان: لازم
ريهاف: اي، تقلد صوت نايف يقولل زوجتي حلالي
ضحكوا على اسلوب ريهاف
عند نايف
دخلت ليان عنده
ليان: هلا شبغيت
نايف: ابي رقم الي دق عليك
ليان: متى ناوين نخلص من هالموضوع
نايف: كلامي ما ينعاد وارسلي الرقم وجلسي عندي هنا
ليان: ارسل الرقم ايه بس اقعد لا
نايف: وانا اقول كلامي ماينعاد
ليان: اووف
وجلست بعيد عنه وهو ابتسم وصار يحب ينرفزها
واخذ جواله يتصل على الرقم ورد
الشخص: الو نعم
نايف: من انت ؟؟
الشخص: انت الي مين
نايف: شلون عرفتها
الشخص بتوتر: مين
نايف:وش الي مين يعني لازم اقول اسمها الي دقيت عليها
الشخص: ايهه اعرفها من زمان بس هي تنكرني
نايف فقد اعصابه: شلون تعرفت عليها
الشخص: سالفه طويله وانا بنام وقفل
نايف: وقفل في وجهي بعد
وكان نايف وجهه احمر على اسود من قوة ماهو معصب لدرجه ليان خافت من وجهه الي قلب
نايف: هو يقول يعرفك وانتي تقولين لا واصدق مين؟؟
ليان بخوف: وانا اقول لك مااعرفه
نايف: تستهبلين!!
ليان: لا مااستهبل بس الصدق اقسم بالله ماعرفه ولا عمري سمعت صوته ولا حتى يشبه لهه
وطلعت ليان وهي الدمعه على خدها لانها طفشت من الموضوع وتعبت لانه مايصدقها
وتوجهت لغرفتها ونامت وهي مكسوره ومظلومه
~
في الصباح بالمزرعة
صحوا العيال على صوت ابو نايف يصحيهم للصلاة
سلطان: سم يبه
ابو نايف: قم انت وياهه وقوم عيال عمك
سلطان بصوت نوم: ابشر ابشر
ناصر : والله مانمنا زين
سلطان: اقول قم انت وياهه لا ابوي يفرشنا الحين
قسم الحريم
كانوا جالسين يجهزون الفطور
ام سعود : رولا جهزي فطور الرجال
رولا: طيب
ام سعود: نادي امجاد تساعدك
غرام: لا ي خاله ما عليك انا موجوده بساعدها
ام سعود :الله يسعدك ي بنتي
دخلت عليهم ريهام وهي ميته نووم
ام سعود: بدري صح النوم
ريهام: والله ما نمت زين
رولا: الله لا يلومك ما تنامين مدري وش تفكرين فيه
ريهام: ما افكر بشيء
رولا: اتمنى
ريهام: غرام وين ليان غريبه مو موجوده!؟
غرام: ليان رجعت امس مع البنات
ريهام مقهوره: كيف رجعت ومع ميين
غرام: مع ريوف وريهاف راجعين مع نايف
وهنا ريهام انقهرت ماتدري وش تسوي عشان تخرب بينهم وتخلي نايف يترك ليان
ان شاء الله عجبكم البارت 🤍✨،، وش تتوقعون يصير ؟؟
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
