قراءة ممتعه 🔥✨
بيت ابو نايف صحى نايف وتوجه لدورة المياه وتوضى وصلى بعد ما خلص صلاه نزل عند اهل ولقاهم يفطرون وجلس على الطاولة وقال: صباح الخير
ام نايف: صباح النور
ريهاف: صباح النور
ابو نايف: اسمع جهز نفس اليوم بعد المغرب بنمرهم
نايف: تم ابشر
وقام نايف بيطلع وقالت ام نايف: ما افطرت ي ولدي
نايف: يالغاليه والله ما اشتهي
ام نايف: اكل لو لقمه وحده
نايف: الحين ما اشتهي بس اوعدك اني اكل برا
ام نايف: استودعتك الله
وطلع نايف برا البيت وركب سيارته وجلس يهوجس فيما تحتمي السيارة وقال هل اسويها واروح اعترف لها ولا اعتذر واطلع والله مدري بس اخاف اشوفها اقول شيء يجرحها بدون ما احس على نفسي يارب يسر لي هاليوم
وتحرك متوجه لمؤسسته
عند ام ريان كانوا جالسين بالصالة كلهم دون غرام وليان وريان وحاتم ومهند
ام سعد: ي خلود وين بناتك
ام ريان: والله تعبت وانا اصحيهم جننوني بالنوم ذا
ام سعد: ليان اعرف متى نامت وغرام متى؟
ام ريان: بعد الفجر
ام سعد: ؤش مقعدها للفجر
نواف: مو بس هي
ام سعد: مين بعد؟
نواف: مهند وليان وريان وحاتم
ام ريان: ليان ما نامت انتي الي نمتي
ام سعد: والله طلعت مب هينه هالبنت الله يعين نايف
ام ريان: شدعوة يمه بنتي ذكيه تعرف وش تسوي بس والله مشت عليك
ام سعد: قصدك طلعت ملكعه اجل تلعب علي وتسوي نفسها نايمه
سالم: هذول طبع الاحفاد
ام سعد: على طاري الاحفاد ما ودك تتزوج ي ولدي وافرح فيك
سالم تعكر مزاجه: يمه كم مره قلتلك لاتجبين لي هطاري
وطلع معصب متنرفز
ام ريان: تعرفين من بعد ما طلق الاولى مايبي ياخذ بعدها
ام سعد: وانا وش اسوي ودي أفرح فيهم احفادي بيتزوجون وعيالي باقي
<<تسريع الاحداث >>
جاء وقت العشاء واجتمعوا اهل ابو نايف مع ابو سعد وكان العشاء مسويه ابو نايف
ابو نايف هذا عشاكم مني انا واخواني وعيالنا بسبب رجوعكم بالسلامه والله يتقبل عمرتكم
سعد : الله يسلمك وماتقصرون
ابو سعود: هذا حقكم وقليل بعد
سالم: الله يكثر خيركم
ابو نايف: حنا حددنا زواج نايف وان شاء الله بعد شهرين
ابو ناصر : ماشاءالله الله يتمم له وعقبال الباقين
الجميع: امينن
فهد وهم يقولون امين : الا انا لا
وجلسوا يضحكون ودعوا وقالوا ان شاء الله انت بعدهم
~
عند الحريم والبنات
بعد ما سلموا على بعض وجلسوا يباركون لام سعد على العمره
ام نايف: حبينا نقول لكم حددنا زواج عيالنا وان شاء الله بعد شهرين
ام ناصر: ماشاءالله الف مبروك
ام سعود: الله يتمم على خير
الجميع: امين
البنات وهم يتهامسون
ريهاف: وشلون بيصبر أخوي شهرين
مرام: يصبر وش وراهه
ليان: وجع انتي وياها
رولا:الله يوفقك وعقبالي
ريوف: ي بنت توكك لاحقه على الزواج
رولا: وش اسوي ودي اجرب حياة المتزوجين
غرام: خلاص تم بخلي بكره امي تخطبك لاخوي ريان
رولا: وجعععع لا خييييييير خلاص مايي هونتت
مرام: هذا الي انتي تبينه ودعوتك استجابه بدقيقه
غرام: هذا وجهي انتظروا وترقبوا كلمه ريان & رولا
امجاد: الله كلهم بحرف الراءء
رولا: لا تكفين خلاص التوبهه
ليان: لا نبي عروسه ثانيه وانتي تنفعين ههههههه
رولا: تكفين اوقفي معي انتي بعد
ريم: طيب هذي دعوه واستجابت بثواني لو انك داعيه دعوه زينه لنفسك ابرك لك من الخرابيط
رولا: وانا وش دراني انها بتستجاب
ريم: تحملي ما يجيك
رولا: الدعوه قلبت كذا اجل انا بخلي امي تخطبك لسعود واساسا هي تبي تزوجه وانتي بنت عمه ويعرفكك
ريم: سلامات قلبتوا الموضوع علي لا مابيي
امجاد: تمم حلوه ي رولا نجلس نقنع امي شوي
غرام:جويييي قسمم من باقي ما خطبنا له بعد هههههههه
ريم : حسبي الله والله اني بحالي
مرام: الله يوفقكم بكون اكبر داعيه لكم
ليان: بنات بطني ما قدر ههههههههه كملوا صدق
غرام: لا اصبري بعد ما نزوجكم نكمل للباقين
رولا: طيب طيب انتي اولنا وتشوفين
وجلسوا يضحكون ليّن كل وحده طاحت على الثانية
عند العيال
طلب نايف من ريان انه يكلمه برا
نايف: ابي اشوف ليان
ريان: وش بتسوي بعد فيها
نايف: بكلمها بموضوع
ريان: اجل موضوعك لبعد الزواج وكلمها بالموضوع الي تبي
نايف: ي رجال تكفى ماني بمطول
ريان: طيب
واخذ جواله يتصل على ليان تجي برا وطلعت شافت نايف مع ريان
ليان: هلا ريان
ريان: يبي يكلمك،،أنا أستأذن
وكانت ليان كاشخة ولابسه فستان اسود ماسك على جسمها وكان عاري شوفي من فوق ومسويه ميكب ورافعه شعرها وكانت مرهه تحفه وتهبلل
ليان: هلا وش بغيت؟
نايف وهو يتأمله: وشلون حّرم نايف
ليان مستغربه: تمام الحمدلله
نايف: أنا أعتذر على الي سويته والله يأخذني ويأخذ اليوم الي بغيت امد يدي عليك فيه
ليان بتردد وبدون وعي: لا بسم الله عليك
نايف انصدم وقال وهو يبتسم:ليش تبينيي؟؟
ليان : لا بس امك نبيك
وضحك نايف وهو يقول: اذا امي تبيني وانتي
وليان وتقول بنفسها ضحكته تجنن
ليان: لا بس الام تحب عيالها اكثر من اي احد ثاني
نايف: لا صدق انا اسف وما كنت اقصد بس هذي من غيرتي عليك
ليان: بس غيرتك توجع ترا
نايف: خلاص اوعدك اني اتحكم بأعصابي
ليان: يالله خلاص افكر بعدين
نايف: بعد بتفكرين المهم انتبهي لنفسك
ليان: تمام
ادري البارتات قصير بس ماحبيت اسحب عليك لاني بنزل لكم بعد يومين🫣،، شرايكم بأخر البارتات ان شاء الله عجبكم ولا تنسون⭐️والكومنت الحلوة اذا كتبتوا كومنتات وحمستوني بنزل لكم بكرا اذا امداني🤍🤍🤍..
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
