~
ابو سعود
بعد مارجعت ريهام مع فهد وكانت تبكي مقهور ونطقت ام سعود: ريهام وش فيكم
ابو سعود: تكلمي وش فيك صاير بينك انتي ونايف شيء
دخل فهد ومعه اغراض ريهام ونطق ابو سعود: وش الاغراض هذي الي معك؟
فهد رفع انظاره لريهام ويأشر عليها
صرخ ابو سعود: تكلمي وش مهببه ؟
ريهام بخوف: والله ما سويت شي
ابو سعود: شلون ما سويتي شيء واغراضك كلها معك قسم بالله لو ما نطقتي وش فيك بتشوفين شيء ما يعجبك
ام سعود: خلينا نعرف الموضوع وش صاير بينكم
فهد: طول الطريق كذا ومدي وش فيهم حتى نايف مو فيه
ريهام: مدري وش فيه علي
ابو سعود: كذا يعني بدون سبب
كانت ريهام خايفه تقول له وهزت راسها بـ ايه
ابو سعود: اسمعيني بفهم من نايف الموضوع وقسم بالله لو ادري انك تكذبين او لك علاقه بالموضوع بتشوفين شيء ما يعجبك
وطلعت لغرفتها تبكي وخايفه انه يعرف انها هي الي ورا الموضوع وماكانت تدري وش تسوي او كيف تطلع منها ودخلت وراها امجاد تنطق: وش فيه؟
صرخت بوجهها: خلاص اتركوني
تركتها أمجاد وطلعت برا الغرفه وسكرت الباب وفكرت امجاد بكلام امها يوم قالت احس ريهام لها يد بالموضوع
بعدها نزلت الصاله ونطقت ام سعود: وش بتسوي
ابو سعود: بكلم نايف وافهم منه الموضوع
سكتت ام سعود ثواني ونطقت: انا قلبي مو مطمن
دخل سعود و وراه ريم ونطق: السلام عليكم
ردوا عليهم وماكان لهم نفس: وعليكم السلام
سعود باستغراب: ورا وجيهكم كذا صاير شيء؟
ام سعود: ريهام عندنا
سعود: طيب ؟
ام سعود: الظاهر صاير بينها وبين نايف شيء بس ما تكلمت
سعود: يعني جديده على ريهام هي ما خلت احد بحاله
راحت ريم للمطبخ عند امجاد تنطق: وش صاير
امجاد: والله مدري ي ريم بس جت ريهام ومعها اغراضها كلها
ريم: شلون يعني؟
امجاد: اتوقع صاير بينها وبينه شيء
عندهم نطق ابو سعود: دق على نايف وخله يجي ونفهم منه الموضوع
سعود:ابشر
واخذ جواله يتصل على نايف وبعد ثواني نطق: وينك نايف؟
نايف: ليش؟
سعود: ابوي يبيك وده يعرف وش الي صاير
نايف: ليش ما قالت وش سوت فينا؟
سعود بعدم لهم: وش !
نايف: بكرا بجي وبتعرفون وش صاير
وبعدها انهوا الاتصال ونطق سعود: يبه يقول بكرا بتعرفون الي صاير
ابو سعود: معناته صاير شيء قوي يبنهم
آم سعود: خلاص روحوا ارتاحوا وبكرا نعرف وش صاير
وقف نايف قدام بيتها ونطق: طلعتي مظلومه ومالك ذنب بشيء انا الي اظلمتك وكذبتك بالبدايه وما كنت اعطيك الفرصه وطلعت بنت عمي لحمي ودمي تسوي فينا كذا اجل وش خلت للغريب، بكرا بيبان كل شيء وبترجعين لمكانك وبيتك ...
وبعدها رجع البيت وجلس معهم بالصاله ونطق: يبه عندي موضوع ابي اقوله
ابو نايف : قوله
نايف: مب الحين بكرا على العصر ابي عمي فارس وعياله يكونون موجودين واهل زوجتي بعد
ابو نايف: ليش؟
نايف: بتعرفون كل شيء بكرا
ابو نايف: عن وش طيب ؟
نايف: بتعرفون كل شيء بكرا، ريهاف
ريهاف: عيوني
نايف: كلميها وخليها تجي بكرا هي واهلها
~
بعد الظهر
بعد ما انتهوا من الغدا جلسوا بالصاله يسولفون ويضحكون مع بعض وحست ريهاف ان امها تغيرت ورجعت افضل وتسولف كثير وتضحك وبعد ثواني نطقت: شلون ليان
انصدموا من سؤالها عنها ونطقت ريهاف: يمه انتي مستوعبه سؤالك؟
ابتسمت ام نايف: اي مستوعبته وعارفه وش اقول انا ادري اني تغيرت عليها وقصرت بحقها بس والله مدري وش جاني واحس تسرعت بزواج نايف بس والله ما كنت احس بالي اسويه
ريهاف: يعني بترفضين طلاق ليان ونايف
ام نايف: مستحيل اسمح لهم يطلقون
ابتسمت ريهاف وبداخلها شعور حلو من شافتها رجعت نفس قبل وبعد مده دخل نايف ومعه ورقه ونطقت ام نايف: وشو هذا ي نايف
نايف: شوي بتعرفون كل شيء
وبعدها طلع غرفته وتركهم وكان نفسه يعاتبها على الي سوته فيه بس ما وده يضايقها ليّن تبان الحقيقه
ولحقته ريهاف ودخلت عليه مستانسه ونطق: عساك مبسوطة دوم
ريهاف: امي
فز نايف: وش فيها؟ انطقي ؟
ريهاف: امي ندمانه على الي سوته فيكم ورفضت طلاقكم وهي بتعدل الغلطه
نايف: اسألك بالله
ريهاف: اي والله
ومن فرحته وقام وحَضن ريهاف ونطق: انتي متأكده
ابتسمت من شافته مبسوط ونطقت ريهاف: اي والله
نايف: اجل طلع كل شيء بمحله
ريهاف ما فهمت عليه: وشو ؟
ابتسم: بعد شوي بتعرفون كل شيء
ريهاف: نايف لا تجنني من امس وانت تقول كل شيء بتعرفون بنعرف وش ؟
نايف: شوي يالله انا طالع ابدل لان ما بقى شيء على العصر
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
