قراءة ممتعه🔥✨..
~
عند ليان الساعه ٢:٠٠ كانت جالس على الايباد تذاكر الملخصات وكانت برا بالحديقه البيت الخارجية بعدها حطت عينها فوق تناظر القمر وتهوجس واثناء هواجيسها طلع لها ريان وكان معه كوبين شاهي
ليان: ي فاهمنيي
ريان: يلا لا تجحدينها هالمره من يدي
ليان: تسلم يدينك واساسا جاء بوقتهه
ريان: وش تسوين برا
ليان: ابد شوفة عينك نذاكر والله يعين
ريان: الله يوفقكك
ليان: امينن
ريان: ماتحسين الجو بارد عليك
ليان: لا احس عادي
ريان: اجل الي يريحك، انا بطلع بخلص لي كم شغله تبين شيء وانا جاي
ليان: لا ابد سلامتكك، بس غريبه تطلع الحين
ريان : اتصل علي واحد من الموظفين ان عندنا شغل وبأخذ منه اوراق
ليان: تمام الله معك
ريان: مع السلامة
وطلع ريان وجلست ليان تذاكر ليّن جت الساعه٣:٠٠ واتصل جوالها وكان من البنات متصلين كام
ريهاف: هايييي
مرام: ياخي وحشتوني
ليان: اهلاً بالبومات وش عندكم هالوقت؟
ريهاف: هذا وحنا مواصلين عشانك صرنا بعينك بومه
ليان: ماطلبت من احد يواصل
مرام: المهم معكم البومه مرام لخاطر ليان
ليان : خلاص رضيت عليك انتي ، صرتي مرومتي
ريهاف: شدعوه لنا الله
مرام: وش تسوون
ريهاف: منسدحه ومتمسكه بالفراش
ليان: ابد والله جالسه مع القمر ونهوجس ونذاكر كلها اجتمعت
مرام: تهوجسين بالحب
ريهاف: اكيدد مايبي لها شيء
ليان : قسم بالله اذا ماسولفتوا زين اني لا اقفل
ريهاف: خلاص خلاص نمزح التوبه
ليان: آدب
مرام: مالي خلق بكرا اروح الجامعه
ريهاف: ولا انا بس مجبورهه
ليان: انا الي مات الشغف واحتمال ما اداوم بكرا
مرام: ليش ؟
ليان : الصراحه كذا بدون اي سبب
ريهاف: لا داومي وفري غياباتك لايام زواجك
مرام: منجد والله
ليان: افف بشوف
وجلسوا يسولفون ويسولفون ويضحكون ليّن سمعوا اذان الفجر
ريهاف: يمه مسرع اذن مانمت
مرام: يمه صدق كان تونا
ليان: خلاص خلونا نقوم نصلي ونام ليّن ٩:٣٠ ونروح الجامعه سوا
مرام: تم
ريهاف: احتمال اروح مع نايف بس مدري بشوف
مرام: تمام اجل عطوني خبر للي تبيني امرها
ريهاف: زين
ليان: اوكك
وانهوا الاتصال وكل وحده راحت تسوي شغلها
~
عند مرام نزلت تحت تشرب مويه ولقت ابوها راجع من المسجد قبّلت راسه وقالت: تقبل الله
ابو مرام: منا منك صالح الاعمال
مرام: شلونك ي ابوي اليوم
ابو مرام: بخير دامني اشوف هالوجه
مرام: ي بعد روح بنتك ، تبي اسوي لك شيء تاكله
آبو مرام: لا والله يبنتي بروح انام
مرام: اجل نوم العوافي
ابو مرام: يعافيك الله سيوو
مرام: اخسس يبه تعرف سيوو
ابو مرام يغمز : اجل وش ترا عندي خبره بس سريه وبيني وبينك الحين
مرام: اجل ابدا سرك محفوظ
آبو مرام: والله تلاقي السر عند القبيله
مرام: يبههه وش تقصد؟ ترا ماني نقاله علوم
ابو مرام: خلاص استهبل عليك، يالله استئذن
~
دخل نايف على ريهاف بعد ماانتهت من الصلاه
نايف: تقبل الله
ريهاف: منا ومنك
نايف: وش بتسوين
ريهاف: والله بنام
نايف: اجل انا استئذن
ريهاف: تعال وش تبي؟
نايف: كنت بسولف معك شوي
ريهاف: تعال ما يخالف نسولف شوي
نايف: وشلونها؟
ريهاف: مين!!
نايف: يعني مين
ريهاف: اهااا حبيبة الروح، اي ماعليها بخير الا انت وش عندك تسأل عنها كثير
نايف: ترا حلال الواحد يسأل
ريهاف: تحبها؟
نايف: ليش واضح
ريهاف: مرههه من اسلوبك من كلامك ومن أسئلتك عنها
نايف: الله واكبر كل ذا مبين فيني
ريهاف: عاد تبي الصدق انت اخر واحد توقعته يحب
نايف: عاد وش اسوي هي الي قدرت علي بس احس من ناحيتها انها ماتبيني
ريهاف: بالعكس هي تبيك بس ماتعودت على اسلوبك وانت عصبي وهي ترا ما تتحمل وحساسه
نايف: طيب هذا طبعي وش اسوي
ريهاف: حاول انك تغيره وتستمر حياتك
نايف: والله احاول قد ما اقدر اني ما اضرها، كله من ذاك الكلب
ريهاف: مين؟؟
نايف: واحد مادري مين قبل فتره اتصل عليها وقال انه يبيها ويحبه وانه يعرفها وتعرفه
ريهاف: نعمممم!
نايف: ليش هي ماقالت لك؟
ريهاف: لا ما قالت
نايف: والله لو اشوفه لااذبحح
ريهاف: تستهبل انت لا يكون صدقت؟
نايف: اكيد بصدق لاني ماكنت اعرف عنها ولاشيء، بس بالنهاية ندمت
ريهاف: هي ماتسويها لو ايش اساسا هي ماتحب تكلم احد ماتعرفه هي يالله يالله على المناديب تبيها ترد على واحد وتحبه صاحي انت
نايف: عاد صار الي صار ، وجالس احول اعدل غلطتي
ريهاف: اخخ منك ما تخلي طبعك يابو طبع
نايف: انا اقول اخمدي افضل لك
وطلع نايف وتوجهه لغرفته وريهاف حطتت راسها ونامت
~
الساعه ٩:٣٠ صحت مرام ولقت رساله من ليان مكتوب فيها ترا بروح معك مريني وقامت واخذت شور وبدلت واخذت اغراضها ولابتوب حقها ونزل لقت امها جالسه بالصالة
مرام: صباح الخير
ام مرام: صباح النور والسرور والورد المنثور
مرام: الله الله كذا الكلام الحلو لي
ام مرام: اذا ما قلته لك بقوله لمين مثلا
مرام وهي تغمز: والله ماندري يمكن للوالد له في الكلام نصيب
ام مرام: مرام خير ان شاء الله وش هالكلام
مرام تضحك: افاا يمه ماعجبك
ام مرام: لا توك على السواليف ذي والكلام الي ماله داعي
مرام: يمه ترا كبرت وصرت اعرف كلشيء
ام مرام: اجل وفريه لنفسك
مرام: وين ابوي ؟
ام مرام: قام قبل شوي وطلع
مرام: يلاا استئذن بروح الحق على الجامعه وامر بناتي
ام مرام: ماشاءالله عندك بنات من ورانا
مرام: اي عندي ثنتين ومطلعين شيب براسي
ام مرام: الله يوفقكم ويخليكم لبعض
مرام: اميين يالله استأذنك
ام مرام: الله معكك
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
