~
عند حصه رجع فيصل من المركز مصدوم نطقت حصه: وين اطياف؟
فيصل: اطياف فشلتنا
حصه: قول بنتي وينها؟؟
فيصل: بنتك انحكم عليها سنتين
حصه: وشووو؟
فيصل: هذي فعلت بنتك
حصه: بنتي مستحيل يصير فيها كذا قول لي وينها
فيصل: بنتك فشلتنا اجل تتهم بنت الناس بتهمة مخدرات هذي فعلت واحد عاقل؟؟
حصه: ابي بنتي الحين ي فيصل
طلع فيصل لان مو بيده شيء وتركها تبكي على بنتها
~
بيت ابو نايف
دخل نايف و وراه البنات ركضت ريهاف لابوها تبوس يدينه وتنطق: يبه طلبتك سامحني
ابو نايف: مسامحك
مشت ليان تسلم على راس ام نايف وابو نايف وبعدها توجهت لشقتها ولا حرف نطقته
ام نايف: الحمدلله على سلامتكم والحمدلله انها جت على كذا
ريهاف: الله يسلمك
ام نايف: شفيها ليان ؟
ريهاف: تعبانه يمه خليها ترتاح
ام نايف: يروحي عليها
استئذن نايف وطلع متوجه لشقه يشوفها كانت جالسه على طرف السرير منزله راسها تبكي بصمت تكتم انفاسها حط يدينه على كتفها يرفع راسها: وش فيك؟
ليان: فيني شيء ما يعلم فيه الا الله
نايف: قوليه يمكن ترتاحين
ليان: حّمل ثقيل على قلبي
نايف: قوليه وارتاحي
ليان تقاوم شهقتها: صعب
نايف: ليش!
سكتت لثواني: ابي اروح اشوف امي
نايف: ارتاحي وشوي اوديك لها
ليان: ابي الحين مقدر
ما قدر يردها لانها تعبانه واضح محتاجه امها بالمواقف ذي
نايف: خلاص قومي
وقامت وبدلت ملابسها وبعدها طلعوا متوجهين لبيت ام ريان
~
بيت ابو مرام
دخلت مرام على ابوها وكان صاد عنها قربت منه: يبه
مارد عليها ونطقت: يبه سامحني
قام ابو مرام ومرام امامه: اسامحك على وش على فعايلك الي توطي الراس؟
مرام: صرت الحين انا اوطي راسك
ابو مرام: انتي صدمتيني بفعلتك ذي
انفعلت بدون ما تحس على نفسها: انت ما سمعت مني عشان تنصدم صرت تصدق اي شيء تسمعه
مد يده الي موجهها لخدها: ترفعين صوتك علي؟
عبدالعزيز: لاا يعمم
طلعت مرام سرعان غرفتها وتقدم عبدالعزيز لابو مرام يعلمه بالحقيقه وان مرام مظلومه ونطق: انت تسرعت يعمي وما سمعت لها
ابو مرام: طلعت اطياف ورا السالفه
عبدالعزيز: اي هي هي الي متهمتها
ندم ابو مرام بتسرعه وطلع لغرفه مرام ودخل عليها وهي تبكي بحرقه لانها تعبت صاير يظلمها كثير
وقدم لها ووقف مرام قدامه ونطق: سامحيني يبنتي تسرعت
مرام بضيق: تمون بالي تسويه فيني
تقدم يحضنها ويحط راسها على صدره وينطق: سامحيني يحبيبة ابوك ظلمتك كثير
بكت مرام بحضن ابوها وتنطق: سو فيني الي تبي بس لا تخليني ترا اضيع بدونك
كان يسمع صوت بكائها الي يوضح شعورها حاليا وقد ايش هي محتاجته من زمان
بيت ام ريان
دخلت ليان ودخل نايف معها وتوجهت لامها الي جالسه متضايقه وطاحت بأحضان امها تبكي بكل ما عطها ربي من قوه وكانت ام ريان منصدمه لانها اول مره تشوفها كذا ونطقت: يمه بنتي شفيك
ليان: بنتك تعبانه بنتك محتاجه لك هالفتره
جلست تمسح على راسها
وطلبت ام ريان من نايف يخليها عندهم اليومين ذي
نايف: خلاص الي تشوفه بس انتبهوا لها
ام ريان: هذي بنتي شلون ما انتبه لها
بعدها طلع نايف ونطقت ام ريان: شفيك ي عيون امك؟
ليان: ما كنت ابي ابين له ضعفي وكسري بس والله تعبت يمه تعبت حمّلي صار ثقيل على قلبي
ام ريان:بسم الله عليك وعلى قلبك بس من وش حملك ثقيل قولي لي انا امك
ليان: وش اقول يمه كلام كثير يهد جبال من قوته
ام ريان: قوليه وارتاحي
ليان: يمه انظلمت بحياتي كثير
ام ريان: انظلمتي من وشو يعيوني
ليان: كل شيء صاير يوجعني انا تعبت نفسيا خلاص ما يمديني اتحمل اكثر من كذا
وضلت على وضعها هذا منسدحه بحضن امها لحد ما نامت وهي متضايقه ومحد يدري وش الي تحس فيه
~
عند نايف بعد ما طلع من عندهم وكيف شاف منظرها بحضن امها وتبكي بكل قوتها وكان يتسأل بينه وبين نفسه وش الي جارحها وش الي كاسر قلبها ليش صايره كذا اول مره يشوفها كذا رغم قوتها الا انه للحين مصدوم من حالها كذا وشايل همها ويفكر فيها طول الوقت
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
