~~
في الفندق الساعه ٩:٠٠ الليل
بعد مده من وصولهم ونزلوا الاغراض نطق بضحكة: والله طلعتي خوافه
ليان: خلاص بدون اي ذبات لوسمحت
نايف: طلعت زوجتي تخاف من المرتفعات
ابتسمت بخفه ونطق: عاد كان في بالي اماكن مرتفعه
ليان: دورني اجل
نايف بعدم فهم: وين ادورك؟
ليان: يعني احلم اطلع معك اماكن نفس كذا
نايف : كانت الخطه كذا بس بعد ما عرفنا ان العنيده خوافه بنغير الوجهه
ليان: بروح انام ولا تصحيني نهائيا
نايف: وش لا اصحيك نهائيا انا ابيك تقوميني ٦ الصبح عندي شغل
ليان: يويلي انت وش تقول والله مالي خلق
نايف: بنت زوجك قال كلمته
ليان: طيب قوم من نفسك أعتبر نفسك مو متزوج وما عندك احد
نايف: هذا اذا صرت لحالي ادبر نفسي بس مادامك معي انتي تصحيني
ماردت عليه وكانت ميته نوم توجهت لسرير وتحط راسها وتنام
~
في المزرعة
نطقت ريهاف: يالله خلاص نبي نرجع
ابو نايف: الفجر
ريهاف بصدمه: يبه تكفى لا
ضحك ابو نايف على ردت فعلها: امزح اصبري شويات ونروح
دخل عليهم الياس ونطق ابو نايف: هلا بالشيخ
ابتسم الياس مشى يتوجه لريهاف وهمس: خالتو ماما تعبانه
ريهاف: وش فيها
الياس: مدري شفتها تبكي
ريهاف: وينها؟
الياس: في المطبخ
وطلعت تروح للمطبخ وشافت ريوف وجهها التعبان وكانت تشرب مويه ونطقت: ريوف وش فيك؟
ريوف: مافيني شيء
ريهاف: ترا من زمان ملاحظه عليك قولي لي
ريوف: خلاص ريهاف مافيني شيء
وطلعت ريوف برا المطبخ وتركت ريهاف تفكر فيها وشايله همها
بيت ابو مرام
كانت ام مرام ومرام جالسين بالصاله ونطقت مرام: يوهه البيت فضى من بعدهم
ام مرام: ايه الكل رجع بيته والجامعه راجعه
مرام: تكفين يمه خليني استمتع هالاسبوع بدون همها يرجع
ام مرام: كانت النيه نطلعكم شاليه ونغير جو لكن ما كتب ربي
مرام: مو مشكله نعوضها الايام الجايه اساسا انا ما كان لي خلق الصراحه
ام مرام: اي والله خيّره
دخل ابو مرام عليهم ينطق: السلام عليكم
ردوا: وعليكم السلام
ابو مرام: شلونكم
ام مرام: الحمدلله تمام
مرام: بخير بشوفتك يالغالي
ابو مرام: دوم ان شاء الله
ام مرام: وش صار على زواج مرام
بلعت ريقها بتوتر ونطق ابو مرام: حددنها امس
ام مرام: متى
ابو مرام: نهايه الشهر
مرام: هااا!؟
ابو مرام: شفيك
مرام: يبه مره قريب
ابو مرام: ماعليك يبنتي ان شاء الله يمديك
ام مرام: الله ييسرها لك يروحي
ابو مرام: بس تدرون وش الي مضايقني
مرام: بسم الله عليك مين يضايقه وانا موجوده
ابتسم ابو مرام: الي مضايقني ان وحيدتي بتسكن بالرياض وتبعد عن ابوها
مرام: آما بالرياض يبه مابي ابي عندكم
ابو مرام: شلون يترك شغله ويجي هنا !
مرام: اي عادي وش فيها
ضحك: يبنت انتي وش تقولين
مرام: والجامعه؟ وخواتي؟ واهلي؟ كيف بتركهم
ام مرام: ياربي منك ي مرام خلاص هونيها
ابو مرام: عبدالعزيز عنده واسطه وقال بينقلك لجامعه هناك بالرياض وهو راضي تكملين
مرام بقلت حيله: طيب ، انا استئذنكم بروح غرفتي
ام مرام: استودعتك الله
مرام: تصبحون على خير
ابو مرام: وانتي من اهله
أنت تقرأ
حبيتك ولاا عطيتني مجال في حبكك
Ficción Generalقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
