قراءة ممتعه 🔥✨
~
ودخلت ليان عند البنات وجلسوا يطقطقون عليها
ريوف تغمز بعينها: هاا وش صار مع حبيب القلب والروح
ورمت ليان عليها المخده: وجعع ترا بقوم عليك
مرام: طيب وراك متورتر ومخطوف لونك كانه مسوي لك شيء
ليان : حتى انتي يا مرام معاهم
غرام: طيب الحين الصدق انا اختك وش صار
ليان: ي بزر انت ويااه انا كنت عند رياان
ريوف: علينا هالكلام
ليان: اساسا الواحد غلطان الي يجلس معكم
وتركتهم ليان وطلعت جلست بالحديقه براا
ريهاف: يوهه زعلت
ريوف: غرام اختك ليه زعولهه
غرام: شكلك ماتعرفين بنات خلود
ريوف: وش فيهم عفاريت قدامي
غرام: اجل عفاريت والله بروح الحق اختي
وطلعت ومتوجهها عند ليان
ريوف: وراهم هذول زعولاتت
ريهاف تضحكك: من زمان
ريوف: وش نسوي سحبوا علينا
ريهاف:امشي نلحقهمم
عند غرام وليان
غرام: الحلو وش جالس يسويي
ليان: نايم وش تشوفين يعنيي
غرام: خلاص لا تزعلين مني
ليان: ما زعلت أصلًا
وطلعوا لهم البنات
غرام: جت ام العفاريت
ليان ميته من الضحك: وش عفاريته انتي
غرام: اسئلي ام الياس
ريهاف: الجو مع القمر يهبلل
غرام: اي قمر تقصدين
ريهاف: قمر ربي يعني من تقصدين
غرام: افف على بالي انا
ريهاف: المدح مو عندي عند زوجك المستقبلي
غرام: وينهه طيب
ريوف: العاشق الولهان ما خطبنا له هههههه
ريهاف: منجد تخطب لخلق الله ومخليه نفسها
غرام وش اسوي ابي اشوف عيالكم قبل لا اشيب
ريهاف رافعه حاجبها: صدق والله ما زوجتي اختك قبل
غرام: خلاص اختي متزوجة مو مخطوبه بعد الحين عقبالكك
ريهاف: وانتي قبل
واتصل جوال ليان كان من نايف وصدتت بعيد عنهم
ليان : هلا
نايف: هلا والله ،اسمعي
ليان: هممم؟
نايف: قولي لامي والبنات يطلعون بنمشي،،وليتك معنا
ليان انصدمت: وش!؟
نايف: وش الي وش خليهم يطلعون
ليان: ليش مادقيت عليهم انت؟؟
نايف: ابي اسمع صوتك طيب
وقفلت ليان بوجهه وقالت: ياخيي مهبول
عند نايف يضحك لانها قفلت بوجهه قال: يحق لك ي ساكن القلب تسوي الي تبي فيني
~
وقت الظهر بالمركز عند ماجد طلب مساعده من زميله الملازم بدر يساعده بموضوع ريان
بدر: هلا شبغيت
ماجد: ابك بخدمه وان شاء الله انك قدها
بدر: ابشر وش هي؟
ماجد: بعطيك رقم وابيك تجيب لي كل معلوماته اسمه عمره وين ساكن اي حي وظيفته تجيبها كامله وبالحرف
بدر: ابشر بس ترا تأخذ وقت طويل على منطلع كل ذا
ماجد: ما يخالف، بس ابيها بأسرع وقت اذا تقدر
بدر: اسبوعين وان شاء الله عندك
ماجد: يعطيك العافيه
بدر الله يعافيك
~
بيت ابو سعود
كانوا البنات جالسين مع امهم ويسولفون ويتقهون
ام سعود: أخيرآ لقيت بناتي حولي مجتمعين
رولا: شدعوه يمه انا اكثر وحده معك
ام سعود: وانا قلت فيك شيء!
رولا: لا بس انتي تقولين اخيرا، كان محد يجلس معك
ام سعود: المهم عطوني علمكم
امجاد: يمه مب انتي تبين تزوجين سعود
ام سعود: الا يوم الهنى الي يجي والقى له بنت الحلال
رولا: موجوده
امجاد: اي يمه موجوده وكلنا نعرفها
ام سعود: نعرفها؟
رولا: ريم بنت عمي تركي
آم سعود: ريم!
امجاد: اي يمه فيها شيء
ام سعود: لا والله انه زين وملح البنات كلهم
رولا: يعني موافقة عليها
ام سعود: كلموا اخوكم وشوفوا وش يقول
~
بيت ام ريان نزلتت غرام تركض وتهابد مع الدرج وتبكي وتقول اقبلوني اقبلوني ، والبيت كله مرعوب وخايف
ام ريان: يمه بنتي وشفيك
ام سعد: ي بنت انتي وش جاك
ليان: غرامي وش صار
نواف: غرام وش فيك
غرام: اقبـ اقبـ بلوني
ريان: غرام تكلمي زين
غرام: اقبلوني بالجامعه بعد انتظار سنهه
ام ريان: يمه فقعتي قلبي مبروك مبروك ي عين امك
ام سعد: ماشاءالله الله يوفقك
ليان راحت وحضنتها: الف الف مبروك الله يوفقك ويسرها معك ، بس بقول لك شيء
غرام: وشو؟؟
ليان: ترا بيطلع لك شيب
وكلهم جلسوا يضحكون
نواف: دايم يتحمسون في البدايه وياكلون تبن بالنهايه تذكرين اختك المهبول والحين تبي تتخرج
ليان: يووووهه انت تقوله صادقق اخذت من عمري الكثير
ام ريان: الله يوفقكم ي بنات قلبي
ليان ، غرام: اميييييين
ادري ان البارت قصير وكنت ابيه اطول من كذا بس انتم مستعجلين وتبوني انزل من بدري وبحاول اني اخلي البارت الجاي اطول من كذا 🤍
لا تنسوا ⭐️ والكومنتات الحلوه ✨🫣..
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
