قراءة ممتعه 🔥✨
~
<<تسريع للاحداث >>
بعد مرور اسبوع تحديدا في بيت ابو مرام
كانوا بالصاله جالسين ينتظرونهم
مرام: يبه هم بيطولون عندنا؟
آبو مرام: والله يابوك هم قالوا اسبوع ويمكن اكثر
بعد مرور دقايق قليه سمعوا صوت جرس البيت وتوجه ابو مرام يفتح لهم الباب
نطقت مرام: يبه انتيه امش على هونك اهم شيء صحتك
ابو مرام: ابشري يعيون ابوك
وبعدها دخلوا وقامت ام مرام ترحب وتهلي فيهم ودخلتهم المجلس ونطقت ام مرام: حي الله من جانا
جواهر: الله يحيك وسلمك
نهى: الله يحييك ويبقيك
وطلعوا البنات وتوجهوا لصاله يجلسون فيها
جنان: شلونك ي مرام
مرام: الحمدلله تمام
اجوان: يمين بالله اني اشتقت لاجواء الجمعات
هنادي: منجدد من زمان
مرام: أنتم كيفكم
وجود: ماعلينا انتي الي قاطعه
مرام: وربي اني انشغل
اطياف: الله والاشغال الي عندك
وعود: مرومه قولي تمم
مرام: تمم
وعود: تسمحين لبنت عمتك تنام معك
مرام: موافقه
وهمست مرام لوعود اساسا انا ابيك انتي وابتهال ووجود
وعود: هذول ندخلهم معنا
مرام: وش هو سحب على مسابقه
وعود بضحك: مدريي
مرام: اي معنا بنفس الغرفه اما الباقي يدبرون نفسهم
اطياف: شعندكم تهمسون لبعض سلامات فيكم شيء؟
مرام: ابد سلامتك
اطياف: او تحشون فيني
وعود: وحنا وش نبي فيك
اطياف: مدري بس قلت يمكن تتكلمون فيني
وعود: لا تخافين لو نتكلم فيك بجي واقوله بوجهك
اطياف: وش قصدك؟ شايفه علي شيء
وعود: انتي امسكي لسانك ما تخلين احد بحاله
اطياف: وربي ي وعود لتندمين على كلامك ذا
وعود: اعلى مابخيلك اركبيه
جيوان: خلاص استهدوا بالله اطياف خلاص
اطياف: وانتي ليش دققتي على اسمي؟
مرام: خلاص اطياف ماتقصدك خلاص اهدوا لا احد يسمعنا ترا تونا نجتمع خلوا المشاكل على جنب خلونا نستانس مع بعض ترا من زمان ما اجتمعنا
اطياف: وين نستانسه وهذي وجيهم
وبعدها طلعت اطياف وراحت عند امها اما وعود طلعت برا للحوش ولحقتها مرام
~
عند الرجال
ابو مرام: حي الله اخواني وعيالهم
وليد: الله يحييك
منصور: الله يخليك ويبقيك
ابو مرام : شلونكم ي عيال
تركي: الحمدلله بخير
حمدان: بخير
يوسف: بخير جعلك بخير
عبدالعزيز: طيبين بشوفتك ي عم
ابو مرام : دوم دوم ان شاء الله
منصور : شلونك ي صالح مع مراجعتك
ابو مرام: هذا انت قلتها مراجعات اروح اراجع وجيبي وبنتي ما تخليني كل موعد هي الي توديني
وليد: الله يخليها لك
منصور: مرام تربيتك ي صالح عن رجال الا وينها ما سلمت عليها
وليد : اطلعوا يعيال وخلونا نسلم على البنات
في الحوش
نطقت مرام: شفيك وعود ليش طلعتي
وعود: الحين هي ليش نكديه ليش تحب تنكد على واحد وربي لا اسلوب ولا كلام ولا شكل حتى ومع ذلك شايفه نفسها
مرام: ماعليك منها استانسي واضحكي وانتي قلتيها نكديه وتحب المشاكل عطيها سكب
وعود: ترا احاول امسك نفسي بس اسلوبها ينرفز
مرام: ترا كلنا ماسكين نفسنا انا متحملتها عشان ابوي وانتي تعرفين ابوي تعبان ومابي اضغط عليه واعكر مزاجه عشانها
وطلعت لهم ابتهال : تعالوا ابوي وعماني يبون يسلمون علينا
مرام: يالله جايين ، خلاص وعود قلبي ابتسم وماعليك منها وتعالي نروح نسلم على عماني
وابتسمت وعود: انتي الوحيده الي تهونين علي دايم ي اطلق بنت خال
وبعدها دخلوا وتوجهوا للمجلس، وادخلوا البنات ونطق وليد: ارحبووا ي بنات الغالين والغاليات
مرام: البقى ي عم
وعود: والله انت الغالي ي خال
وليد: الحين انا من عم له ومن خال له عشان لا اتلخبط واعرف ارد السلام لكم
وضحكوا البنات ونطقت مرام: شوف انا سبشل انا وحيده صالح يعني بنت اخوك
وليد: معليك انتي معروفه انك وحيده صالح
ابو مرام: وحبيبة ابوهاا
مرام: ي بعد راسي يالغالي
وليد: وفروا لي مشاعركم بعدين ابي الصدق الحين
منصور: انت صادق
وليد: والله اني صادق من كثر انجابكم ماعرفت من انا عم له ومن خال له
ابتهال: يبه اسمع مرام بنت عمي صالح واجوان وجيوان بنات عمي منصور تصير لهم عم، اما وجود ووعود وجنان بنات عمه نهى واطياف بنت عمه حصه هذول تصير خالهم
وليد: اجوان وجيوان ومرام ارحبوا يقلب عمكم، وجود ووعود وجنان واطياف ارحبوا ي شريان خالكم
مرام: ابتهال شرحك اثمر بـ عمي
ابتهال: افا عليك حاضرين عشان الوالد
وليد: اقول اكرمينا بسكوتك تتكلمين عن ابوك كذا
ابتهال: سّم طال عمرك بس ترا حسابنا بعدين
وليد: اجل سجلي الي صار اليوم ونتحاسب عليه بعدين
وعود: تتفاهمون وتتحاسبون على وش ههههههه
ابتهال: عادات لا يفهمها الا ابو ابتهال وبنتك ابتهال
وعود: حلوه ذيي عاداتكم
منصور: سجل ي تاريخ بنت حصه مالها حس غريبه
ابو مرام: وش إلي مضايقك ي اطياف
همست وعود لمرام الي مضايقها وجيهنا الي تسد النفس ومرام ضربت وعود بخفه اسكتي لا تسمعك وتقوم الحرب العالميه الثالثه نطقت وعود بضحك تسويها والله
اطياف: لا مافيني شيء بس مواضيعكم ما جازت لي
وهمست وجود لمرام ووعود امبهه هذي وش تحس فيه وش المواضيع الي تبيها ردت وعود الود ودي اقوم اكفخها واعلمها المواضيع ما جازت لي
منصور: يالله عطينا موضوع ولا سالفه
اطياف: عن اذنكم بروح اشوف امي
وجلسوا يسولفون شوي ويطقطقون مع بعض وبعدها طلعوا
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
