~
بيت ابو مرام
طلعت مرام من غرفتها ودخلت على امها الي كانت باسطه سجادتها تدعي لزوجها يقوم بالسلامة
نطقت: يمه ابوي راح وهو مو راضي عني
ام مرام: لا ي بنتي ابوك يحبك ومستحيل يزعل منك
مرام: بس هو اول مره يمد يده علي
ام مرام وهي تمسح دموع مرام: صدقيني ابوك فاهم الموضوع غلط
حضنت امها تبكي وام مرام تمسح على راسها وقلبها يوجعها لانها تعرف قد ايش مرام متعلقه بابوها ونطقت ام مرام: اهدي ي بعد عيني انا اعرف ابوك اذا عرف بياخذ حقكك مستحيل يوقف ضدك
مرام: يمه انكسرت ثقة ابوي فيني والله كله منها هي السبب
ام مرام: حنا واثقين فيك ولا تنسين انك تربية صالح وعهود وثقتنا بتربيتنا مانكسرت ولا راح تنكسر
مرام: تتوقعين يصدقني
ام مرام: يقلبي لا تفكرين بموضوع ابوك الحين يحتاج دعائنا
مرام: مو قادره كثير تحملت كلامها عشان ابوي وكثير قلت لها قصري صوتك ابوي تعبان والحين ارتاحت يوم ابوي طاح علينا يعني هذا الي كانت تتمنه ولا وشو
ام مرام: الله يهديها انا عارفه ان مالك ذنب بشيء
~
في الفندق الساعه ٢:٣٠ الظهر
كانت جالسه بالصاله وطفشانه ما تدري وش تسوي،طلع لها وجلس ينطق: متى قمتي؟
ليان: على ٢
نايف: اكلتي
ليان: مااشتهي
نايف: وش الي ماتشتهين بقوم اطلع اجيب غداء
وبعدها بدل وطلع يجيب غداء وقالت: طيب الواحد مايشتهي غصب يعنيي!!!! افف يقهر
ودخل عليها ومعه الاكل واكلوا وبعد ما خلصوا نطق: جهزي اغراضك اليوم بنطلع من الفندق وبنروح لشقتنا
عند اهلي واذا على موضوع السفره بنأجلها بعدين هالفتره مشغول ومضغوط
ونطقت: اساسا مابي اسافر
وراحت للغرفه عشان تشيل اغراضها وقبل تبدا جلست على السرير ووحطت يدينها على وجهه وتفكر وتقول بنفسها: يعني كل الي كنت اتخيله صار واقع كل الي كنت اتوهم فيه صار واقع زواجي من نايف ما كان حلم وجودي معه في نفس المكان ما كان حلم وبعدها قامت تشيل اغراضها وترتبهم بشنطتها
~
وقت المغرب في بيت ابو نايف
دخلوا عليهم وكانوا جالسين في الصاله دخل ونطق نايف: السلام عليكم
ابو نايف : هلا وعليكم السلام
ام نايف وهي ترحب فيهم: هلا وغلا تو مانور البيت
ليان: بنورك ي خاله
ام نايف: شلونكم عساكم مرتاحين
ليان: الحمدلله بأفضل حال
نايف: ما علينا امورنا بخير انتم شلونكم
ام نايف: بخير دامني اشوفكم
نايف: غريبه ريهاف وينها؟
ام نايف: توها تقوم بتزل لكم الحين
ونزلت ريهاف ونطقت ام نايف: هذي هي نزلت
ريهاف: وانا اشوف بيتنا منور طلعت عندنا ليان
ليان: بعد قلبي والله
نايف رافع حاجبه: سلامات واخوك مانور البيت بشوفته
ريهاف: لا والله
ابتسمت ليان ونطق: طيب ي ريهاف
ريهاف: سوي الي تبي تسويه وانا بنت ابوي
ابو نايف: والنعم فيك وفي ابوك
ام نايف: اجتمعوا الابو وبنته
نايف: يبه شغل الفزعات ما يمشي عندنا
ريهاف: يالغيور تغار مني انا وابوي انت خلك عند امك تحبك
ام نايف: وجع ي بنت وش تقصدين انتي
ريهاف: ولا شيء بس نايف دايم معرف انه حبيب امه حتى سلطوني مسحوب عليه
وماقدرت تمسك ضحكتها ونطقت ريهاف: حتى زوجتك تضحك عليك ي حبيب ماما
وناظر فيها ونطق: حسابك بعدين انتي وياها
ليان: وانا شدخلني؟ اختك الي تتكلم
ابتسم: اي واضح مسويه فيها بريه يعني بس شغلكم عندي
ام نايف تناظر ريهاف: اسمع ذيك سو فيها الي تبي اما بنتي وحياتي هذيك لا تقرب منها
وابتسمت ليان وناظر فيها وضحك ينطق: لا تحسبينها قالت هالكلام بتسلمين مني
ريهاف: سلامات ي الغالية شكلك مضيعه بنتك
ام نايف: انتي بنت ابوك خلاص بنتي صارت ليان
ريهاف: يويلي يمه فرطتي بـ بناتك يعني؟
ام نايف: وحده تزوجت الله يستر عليه ويخليها لولدها والثانيه بنت ابوها
ريهاف: طيب طيب يالغاليه كلامك بنتحاسب عليه،، وناظرت ليان وقالت انتي حسابك بعدين
ليان: يوهه يكثر الي بحاسبوني ترضين ي خاله بهالكلام
ام نايف: انت وياها انا وش قلت الي بيقرب منها بشوف شيء ماعمره شافه
ضحكت ريهاف: شوف يا نايف الله يالدنيا صارت تستفزع بالوالده
ضحك: ماعلينا شغلكم ما خلص عندي
ريهاف وليان بنفس الدقيقه: وانا وش دخلني؟؟
نايف: مالكم دخل صح ، بالله انا بطلع تبون شيء
ام نايف: سلامتك لا تتأخر عشان تتعشى معنا
نايف: ان شاء الله
وطلع نايف ونطق ابو نايف: يالله حتى انا استأذنكم
ريهاف: يبه خذني معك بمّر اخذ لي شغله
ابو نايف: يا كثر طلباتك يالله انتظرك برا لاتتاخرين
ريهاف: ابشر
وطلعوا والي بقى ام نايف وليان
~
تحت في الصاله
كانت منصدمه حصه من الكلام الي سمعته من نهى ونطقت: كل هذا صار وانا مادري يعني كله هذا الي صار بسبب بنتي انا بنتي تسوي كذا
ونزلت اطياف ونطقت حصه: اطياااف
ارتبكت اطياف: نعم يمه
حصه: وش انتي قايله لخالك عشان يصير فيه كذا
نطقت اطياف وكانت خايفه: يمه والله ماسويت شيء
وقربت حصه من اطياف وصفقتها على خدها نطقت نهى : تعوذي من ابليس ي حصه
ونطقت حصه : اعوذ بالله من ابليس،، بس انا بنتي تسوي كذا تفرق بين ابو وبنته وين كنتي عايشه يوم تسوين كذا
اطياف: الحين انا بنتك وتسوين فيني كذا
حصه: واكسر راسك بعد
اطياف: بس..
قاطعتها: ولك وجه تتكلمين بعد ، يالله الحين قومي جمعي اغراضنا
وراحت اطياف ونطقت نهى: وين تبين تروحين؟
حصه: بنتي فشلتني ي نهى ومستحيل اقعد دقيقه بمكان بنتي مسوده وجهي فيه
وطلبت حصه من عاملت البيت تنادي ام مرام
وبعدها نزلت ام مرام: امريني ي حصه
حصه: والله ي ام مرام بنتي مفشلتني وادري ان الي سوته غلط وابيك تسامحيني
ام مرام: حصل خير وانتي ماسويتي شيء وطبيعي كل انسان يغلط وبنتك غلطت وبتعدل غلتها
حصه: الله يصبر قلبك على اخوي ويقومه بالسلامه
وطلعت اطياف وبيدينها اغراضهم وشناطهم
ونطقت ام مرام: على وين ي حصه
حصه: مكان بنتي مفشلتني فيه ما لي قعده فيه
ام مرام: تعوذي من ابليس وانتي مسموحه لكن...
قاطعتها: استودعتكم الله
وبعدها طلعت هي وبنتها وراجعين لبيتهم
~
بيت ابو نايف
تحديدا شقة ليان ونايف
دخلت ليان ومعها ريهاف ودخلوا يجلسون بالصاله
ونطقت ريهاف: هذا هي شقتك انتي والمزيون شرايك فيها
ليان: ريهاااف وجع للحين ما نسيتي
ريهاف: ولا راح انسا حتى غيرتك
ليان: مين قال اني غرت؟
ريهاف: اي صح محد قال بس المشكله ان كل شيء واضح
ليان: اففف مالي خلق ارتب الاغراض
ريهاف: ماعليك انا موجوده بكرا اجيك بعد ما يطلع نايف لدوامه ونجلس نرتب بعفشك اللانهائي
ضحك ليان: من ناحيه عفش لا نهائي فهو صدق لا نهائي
دخل نايف ونطق وش يسوون بعض الناس هنا
ريهاف: ابد والله نحش فيك
نايف: على طول اجتمعتوا علي انتي وياها
ريهاف: ي الطيب لا تصدق نفسك ترا امزح ما جبنا طاريك حتى
نايف: ترا ما نسيت اليوم انتي وياها
نطقت ريهاف: يالله ليان تصبحين على خير بعض الناس ماراح يفكونا من شرهم
وطلعت ونطق: طيب على خير ان شاء الله ي بنت ابوك
ريهاف: حبيب ماما
وطلعت بسرعه وسكرت الباب
ضحكت ليان وراحت للغرفة ونطق: وانتي بعدين بعلمك عند الضحك
ليان: امسك فمي بعد
نايف بدون وعي: ياليت بس
دخلت ليان دورة المياه سرعان وقفلت تبدل ملابسها وحس على نفسه وهو يضحك من ارتباكها وصدمتها ودخل ينزل ثوبه واغراضه وتوجه ينام
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
