~
كانت رولا بغرفتها وتفكر وتحاول تربط المواضيع ببعض وش دخل ريهام بالموضوع وليش بينفصلون وكيف ام نايف تغيرت على ليان؟ وليش اختارت ريهام اختي؟ وتسأولات كثيره مالها جواب
دخل ريان وكان منقهر على موضوع اخته
قربت منه وحطت يدها تمسك يده: شفيك يعيوني؟
ريان: اختي ي رولا
رولا: وشفيها؟
ريان: انظلمت كثير في حياتها
سكتت ثواني ونطقت رولا: يعني موضوع الطلاق صحيح
ريان: للاسف ايه
رولا: وش بتسوي طيب؟
ريان: والله مدري بس اختي مستحيل ترجع عندهم انا عندي خواتي وامي خط احمر الي يقرب منهم او يضايقهم يشوفون شيء ما يعجبهم
ابتسمت يوم شافت خوفه عليهم ولا يحب احد يضايقهم ودايم واقف معهم وتحس انها فخوره فيه
~
بعد الفجر صحت ليان وهي تحس بشعور غريب نطقت غرام: تبين شيء ؟
ليان بتعب: بطلع اتوضى عشان اصلي
غرام: تمام
وكانت ليان تمشي وتحس بتطيح بآي وقت وفجاة طاحت مغمى عليها، خافت غرام عليه ونطقت: لياان وش فيك؟ صحصحي ليان
لكن ما فيه فايده طلعت متوجه لغرفه ريان طقت عليه الباب وطلع لها و وراه رولا ونطق: وش فيه؟
غرام بتلعثم: ل ليان
ريان بخوف: وشفيها
غرام تحس بثقل بلسانها ولا قدرت تنطق من خوفها عليها، تركها ريان ومشى يركض للغرفه وشافها مغمى عليها ونطق: لياان وش فيك؟ وش تحسين فيه؟
وما كانت ترد نطق: لبسوها عبايتها بطلع ابدل واجيكم
بعدها طلع للغرفه واخذها نطقت غرام: بروح معكم
ريان: ماله داعي اجلسي عند امي
غرام: ريان تكفى اختى بطمن عليها
ريان : بسرعه انتظرك تحت
وبعدها طلعوا متوجهين للمستشفى دخلوها الطوارئ وجلسوا ينتظرونها برا نطقت غرام: ليش سوا فيها كذا؟
ريان وهو يتذكر كلمة نايف يوم قال والله اني شاري اختك وابيها بس حكم القوى على الضعيف
ريان: ماله ذنب هو بعد
غرام: للحين تدافع عنه! كل الي سواه بأختك وتقول ماله ذنب
ريان: هو يبيها بس مجبورين يغرام على كذا مجبورين انهم يطلقون
غرام: ريان لا تجنني كيف مجبروين هذا طلاق مب لعب بعدين هذا الموضوع بيده
ريان: خلاص ي غرام خلي الموضوع هذا بعدين خلينا نطمن عليها بعدين نشوف وش بيصير
بعد مرور الوقت بالمستشفى
طلع الدكتور وفزوا من اماكنهم ونطق ريان: وش فيها؟ هي بخير؟
الدكتور: لا الحمدلله وضعها تمام
قاطعه ريان: وش فيها طيب؟
الدكتور: عندها هبوط بضغط الدم ووالواضح انها معرضه لصدمة موقف أثر على اجهاض جنينها،بس الحمدلله تحسن وضعها وبنخليها تحت الملاحظه لحد ما تصحى ونطمن عليها اكثر
ريان: ايشش!
الدكتور: ايوا هي كانت حامل في بداية الشهر الثاني لكن الله يعوضها
ريان مصدوم:يعطيك العافية
الدكتور: الله يعافيك ماتشوفون شر
راح الدكتور وكانت غرام مصدومه كيف اختها كانت حامل وكيف بتعرف انها فقدته نطق ريان: هي كانت حامل؟
غرام: ما قالت
ريان: يعني ليان ماكانت تدري اجل؟
نطقت غرام: انا بجلس عندها
ريان: برجع البيت وانا الي برافق معها
غرام: ريان تكفى بجلس ليّن اطمن عليها
نطق ريان بقلت حيله ولا وده يردها: خلاص بس انتبهي لها وانتبهي لنفسك واي شيء تبينه اتصلي علي على طول
غرام: تمام
وبعدها طلع ريان راجع البيت ودخلت غرام عند ليان
~
بيت ام نايف
كان في شقته نفس وضعه وما ذاق النوم مصدوم من حركة امه وليش سوت فيه كذا وهل فيه امل انها ترجع لي او خلاص بتكون نهايتنا!
بعدها طلع ودخل غرفة امه وما قدر يمسك نفسه ونطق: ليش سويتي فيني كذا؟ ليش قسيتي علي وقسيتي عليها!!
ابي افهم مو انا ولدك ليش تسوين فيني ليش تهدمين الي بيني وبينها كذا
ام نايف: وانا وش سويت يعني يوم ابي مصلحتك صرت ظالمه؟
نايف: انتي ما ظلمتيني وبس انتي حطمتيني يمه ما توقعتك تسوين بـ نايف كذا
ام نايف: نايف انا ما سويت لك شيء كل الي قلته طلقها وبزوجك وما صار شيء
نايف: وانتي تشوفين انه شيء عادي اطلقها واتزوج وحده ما ابيها
نزلت ريهاف على اصواتهم ونطقت: اجل اسمع ي نايف من الاخير اذا ما تزوجت بنت عمك لا انا امك ولا اعرفك
والله ي نايف شوفني احلف لو ما اخذتها لاني امك ولا اعرفك
سكت لثواني: وهي وش فيها ليش تغيرتي عليها يوم حبيتها وتعلقت فيها قلتي اتركها
ماردت عليه وبعدها طلع نايف برا البيت
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
