مَجن الشَبح

مَجن الشَبح|الثالث

تتفاعل؟ تاخذ بوسة 💋

ــــــــــــــــــــــــــــــــــ

هسه احنه وحدنا وجهًا لوجه مَجن
حجه غيهب كلامه وعيونه جانت مثبته بنوع من الحده نحو مَجن الي يباوع بعدم مبالاة

وهسه شنو المطلوب بعد ما شفت حضرة الشبح؟ بكل سخرية جان يحجي مَجن غير مهتم بالوضع الي هوه بيه، خاصة ان نضرات الكاعد كدامه حاده لكنه ما زال محافظ على هدوئه ونبرة الاستهزاء

كدرت اعرف من مقابلتي الك الاول إن الشخص الي تشتغل عده ما معرفك على شَبح او شي ثاني تكون متلهف للموت أو ما عندك شي تخسره لان ماكو واحد عاقل قابل الشبح وحجه ويا مثل ما هسه انتَ تحجي
جان يتكلم بكل هدوء الا ان اكو شوي من الحده بصوته ، جان بس يحاول يحافظ على هدوء اعصابه و ما يسحب سلاحه يفرغ كل المخزن براس هذا الطفل الي گدامه لان هسه هوه بغداد مو بالبصرة علمود ياخذ راحته

اولاً انا ما اشتغل الاحد ولا اعرف شَبح ولا غيره ثانيًا انا ما متلهف للموت ولاتحجي وتضل تهدد وتناكز لان هاي صارت موديل قديم و مال جهال مَجن جان يحجي بنفاذ صبر من هاي المحادثة الغريبة من كلامه يحسسه انه مقابل ملك الموت مو مجرد انسان يلعب دور الشَبح

بسيطة الأيام راح تعرفك على الشَبح نهض من الكرسي وقدم وجهه قريب من وجه مَجن وكتها راح تصير متلهف للموت اكثر من اي شي ثاني، بينا الأيام مَجن ختم كلامه بأبتسامة متصنعه متحرك ناوي المغادرة

لحظة!! صاح مَجن وهوه ينهض من الكرسي بسرعه ويتقدم من الشَبح عاقد حواجبه تحجي صدك؟ كاتبلي تعال نتقابل وجهًا لوجه ومدري شنو وبس هيج تاليها؟ يحجي بسرعة غير راضي على الكلام الي حجوا بيه قبل شوي

اذا ابقى اكثر ما تبقى عايش احمد ربك الف مره اني اكتفيت بهيج حد كمل كلامه ومشى طالع من المكان راكب السيارة الي بيها غيث و جلال منتظرينه

ــــــــــــــــــــــــــــــــــــ

جانت السيارة تسير بهدوء بدون لا احد ينطق بكلمة وحده بعد صعود غيهب للسيارة واضح عليه العصبية فا محد جان يريد يدخل اة يحجي شي، لكن هذا ما استمر فترة طويلة حتى تكلم غيث

شوف انا الفضول اكلني اكل، اريد افهم شصار عرفت يشتغل عدمن؟ جماعة نزار الهم دخل ليش هكر الحساب شكو ماكو
جان يحجي بشكل سريع ما منطي مجال النفسه يتنفس حتى يخاف لا ثاني يقاطع كلامه و ما يخليه يحجي اكثر