علقوا بين الفقرات احب اشوف ردة فعلكم على الأحداث🦉
مشاهدة ممتعة
ـــــــــــــــــــــــــــــــــــــــــــــــــــــ
10:30مَ
بكل عصبية جان يفلش بالأغراض ويصيح و باقي جماعته و اگفين بهدوء يتجنبون غضبه
"ولكم هذا منو ورا هالدمار!!" بصوت عالي صاح بواحد من جماعته الواگفين
"سيدي حسب السمعته الشَبح گاعد يفتر على كل مخزن و مصنع عند حضرتك و يحرگهم" بنبره متوتره جان يحجي خوفًا من نزار الي عيونه حمر من العصبية
"وينهم هذول الگواويد الي خليتهم حراسه!! راح اخسر كل شغلي من وراه" بحده صاح وبأيده يدلك راسه من الصداع "گاعد يرد الهجوم لو شنو هالگواد؟" رجع حجه نزار
"لا سيدي م-ملاك اخذت يزن بالمستودع الي يم بيتك و-" ما كمل كلامه من شاف سيده يضحك بصوت عالي
"من البداية گلي ماخذين يزن! اتصل بملاك خلي تسحله وتجي اليوم انهي جسار وسلالته كلها" بأبتسامه خبيثه نطق ناسي غضبه السابق كونه ناوي يخلص على جسار وكل الي وياه
ــــــــــــــــــــــــــــــــــــــــــ
10:30مَ
بأبتسامه واگف وهو يشوف مصنع كامل احترگ فكرة إن ابوه بنفسه يدعمه يسوي الي يريده يخليه بواهس يحرگ كلشي التفت على مَجن الواگف وحاط أيده على راسه ابتسم على شكله المتوتر
"للمره ثانية انا شسوي هنا!" حجه مَجن بكل يأس كونه جان ناوي يسبح وينام بسلام بعد مهتمه الي سواها بس تفاجأ بغيهب بيته يعزمه على شواء يگدر يرفض؟ لا لان الثاني جان مُصر، تنهد مَجن وهو يشوف الحريق ورجع گال "خوش شواء" هالمره نطق بسخريه
"مجونه أدري تشوف هذا الفعل غير لائق وهيج بس ترا هذول جماعة نزار اشرار مو خوش بشر يستاهلون" حجه غيث المتربع بالگاع يعد فلوس السرقهم من المصنع قبل لا يحترگ
"اي و انتوا الأبطال الخارقين" بأستهزاء نطق مَجن مما خله غيث يعقد حواجبه بعدم رضى
"خلي نرجع اجت شرطة" بعد كلام مصطفى ركبوا السيارات متحركين و جان مَجن بسيارة غيهب گاعد بصفه جان هدوء طول الطريق لحد ما وگفوا كل السيارات بساحة فارغه ونزلوا عقد مَجن حواجبه متجه الغيث
أنت تقرأ
مَجن الشَبح
Teen Fiction"تسد البيبان و الشبايبك وتغطي روحك بين الألحفة تشرد منين؟ مني؟! أنا الشَبح لو هسه تدخل السابع گاع الحگك و ادخل وياك عبالك من تبدي وياي تحط نهاية بكيفك، لا ماكو نهاية للشَبح لحد ما يلگه جسد يَسكِنهُ" "الشَبح نهايتهُ يصير خروف يمي" ـــــــــــــــــ...
