قبل لا نبدي الي ما تعجبه طريقة كتابتي او الاحداث المهم اي شي ما يعجبك يبعد عيني اطلع منا انا اكتب الي يعجبني و انت حر تشوف او لا
مشاهدة ممتعة
ـــــــــــــــــــــــــــــــــــــــــــــــــ
"شنو افتهم من كلامك هذا؟ ماتريد تحجي لو شلون" تسائل غيهب بأستغراب لـ يزن الي گاعد گدامه
"مو ما اريد احجي بس منين ابدي يعني انت شنو تريد بالضبط تسمع سوالف بس؟ هذا شي ممل بالنسبة الك انت متعود على الاكشن صح؟" گال يزن بأنفعال كون الثاني جايبه هنا علمود يسولف تنهد يزن و رجع يگول "راح اماشي جوك الممل هذا و اگلك شنو تريد تعرف؟"
"عنك أنتَ و جسار انتَ مجبور تبقى هنا هذا الي اگدر افهمه بس الي ما اگدر افهمه انت بنفس الوقت مو شكل واحد محبوس بالأجبار" گال غيهب كلامه وعلامات الفضول جانت واضحه عليه
ابتسم يزن و گال "جان واضحة عليه علامه إني مجبور لمدة 14 سنه بس أربع سنوات الأخيرة فقدت شعور إني محبوس او فقدت شعور إني جنت شخص حُر اصلا"
باوع غيهب عليه بصدمه وگال "يعني من جان عمرك 14 سنه بس أنت يم جسار! شلون"
"اول مره شفت بيها جسار ما توقعت راح يصير هو الشخص الوحيد الي راح اشوفه طول حياتي"
تنهد يزن متذكر اول لقاء بينهم
ــــــــــــــــــــــــــــ قبل 18 سنة ــــــــــــــــــــ
"ماما بس تدري بيك دخن راح تموتك والله" گال البنية الصغيرة وهي مكتفه گدام اخوها الجبير الي مطلع اله جگارة وناوي يدخن
"أمي ما راح تعرف اذا ما فتحتي حلگج ملاك" گال يزن بحده الأخته وهو يربط حذائه يريد يطلع من البيت رغم إن الوقت متأخر
"اذا ماما گعدت و سألتني عنك راح احجي الصدگ ماريد اتعاقب من المصرف انا" گالت ملاك كلامها بجدية الـ يزن الي ابتسم وتقدم يبوسها من خدها
"باع باع الجذابة الصغيرة" گال يزن كلامه ممازح اخته لان يعرف ما راح تنطي بيه
طلع يزن من البيت وبأيده جگارة وحده فرحان بيها مقرر يدخن علمود يصير رجال او مثل ما گال اله صديقة التدخين للرجال وهو بكل بساطة صدگ كلامه، جانت الشوارع ظلمة لان الوقت متأخر جان ناوي يدخن بأخر الفرع مايريد يبتعد اكثر
أنت تقرأ
مَجن الشَبح
Fiksi Remaja"تسد البيبان و الشبايبك وتغطي روحك بين الألحفة تشرد منين؟ مني؟! أنا الشَبح لو هسه تدخل السابع گاع الحگك و ادخل وياك عبالك من تبدي وياي تحط نهاية بكيفك، لا ماكو نهاية للشَبح لحد ما يلگه جسد يَسكِنهُ" "الشَبح نهايتهُ يصير خروف يمي" ـــــــــــــــــ...
