هاي شبيكم البارت الفات ماوصل حتى 100 تصويت؟ انا حافظ المتفاعلين من افتاراتهم كون اكتب البارت و ادزه الهم
مشاهدة ممتعة
ــــــــــــــــــــــــــــــــــــــــــــــــــــــــ
صمت بينهم كلهم أي كلهم الي مجتمعين بيت مَجن الي واگف متكتف من هالمجموعة الغريبة و بشكل غريب همين كلهم مشتركين بعض بشي
أروى الي خنست من اول ما شافت الشَبح موجود هنا تعرف شنو هو بالضبط، بينما جلال گاعد بصف غيهب يباوع على أروى رافع حاجبه من وجودها وهي تشتغل عند جسار، بينما آسر يباوع بحده على الغيهب المسترخي على القنفة وحاط رجل على رجل و أبتسامة بسيطه بين شفايفه
"احنه رايحين من هالمكان اليخنگ، زمزم امشي" گال آسر و بنهاية كلامه باوع على زمزم الي نفى براسه مايريد يروح وياه ويعوف صحبانه وحدهم يم هذول العمالقة وعيونه جانت تباوع على غيهب ما توقع شكل الشَبح هيج على باله وجهه شرير بس هذا حلو
"هو شنو لا امشي!" بحده خفيفه گال آسر وهو يباوع على زمزم الي انزعج من نبره صوت آسر وهو يأمره
"الباب مفتوح اطلع محد كاضك!" ما گدر مَجن يخفي أنزعاجه من آسر وحجه بنفرزه
"أنتَ بالأخص تسكت ما اسمع صوتك متحملك الخاطر زمزم" گال آسر وهو يرفع أصبعه السبابه بوجه مَجن الي رفع حاجبه
"نزل أصبعك اذا تريد تحافظ عليه" بصوت هادئ حجه غيهب وهو رافع سلاحه موجهه على ايد آسر
شهگ زمزم بصدمه وهو يشوف سلاح المتوجه على آسر راد يگوم بس أيد أروى منعته يتحرك من مكانه،
نزل آسر اصبعه بأنزعاج و گال "راح تندم على حركتك هاي لا عبالك انتَ المسيطر هنا!"
"اهوو شگد سمعت كلمة راح تندم انا اريد اندم البيه خير يجي يندمني" بأبتسامة مستفزه وهدوء يحجي غيهب عاجبه الوضع
"يلة هسه الكل يتكسح" بنفس الهدوء حجه غيهب وكلها ظلت تباوع بوجه بعض
"شو تطرد من بيتي انتَ؟ اصلًا هسه لازم كلكم برا شعدكم جايين!" بنفاذ صبر حجه مَجن
"عدنا سالفة بخصوص شغل؟ لو تريد احجي بالخط العريض" رد عليه غيهب وتنهد مَجن، باوع غيهب على أروى و گال "وانتِ روحي الجسار كملي شغلج مدري شتسوين"
هزت أروى راسها و باوع عليها زمزم بأستغراب وگال "يا جسار هذا التشتغلين عنده؟"
"ابو هذا الشَبح الگاعد هنا ورئيسهم الأكبر، هسه شفت اصدقائك ويامن يشتغلون!" رد آسر وهو يباوع على زمزم
أنت تقرأ
مَجن الشَبح
Teen Fiction"تسد البيبان و الشبايبك وتغطي روحك بين الألحفة تشرد منين؟ مني؟! أنا الشَبح لو هسه تدخل السابع گاع الحگك و ادخل وياك عبالك من تبدي وياي تحط نهاية بكيفك، لا ماكو نهاية للشَبح لحد ما يلگه جسد يَسكِنهُ" "الشَبح نهايتهُ يصير خروف يمي" ـــــــــــــــــ...
