انا گاعد اجرب طرق أفضل للسرد والتجربة بهاي رواية المسكينة فا اي تفاعلوا لا هسه اعصر ليمون بعيونكم
مشاهدة ممتعة
ـــــــــــــــــــــــــــــــــــــــــــــــــــــــــــــــ
"والله عرفتك جاي علمود تحش بـ آسر تفضل عيني تفضل" گال مَجن بأبتسامة وهو يشوف زمزم واگف بالباب مال بيتهم مبتعد علمود يدخل، دخل زمزم وشمر نفسه على القنفة وتقدم مَجن گعد يمه عاقد حاجبه و گال "عيونك مال واحد جان يبجي! لا تگول!!"
نفى زمزم براسه بسرعة
"لا لا مو آسر الجو برا تراب وعمى عيوني"
ضحك مَجن بخفه و سخرية من جذبة الثاني
"دنجب عود يجذب هوه! هسه تجيب اغراضك وتجي تگعد يمي و تعوفه يحمض هو وحبيبته بيته لحد ما يموت"
عبس زمزم على اخر كلام گاله مَجن
"بعيد الشر لا تحجي هيج" ورجع تحمهم و گال "آسر باسني من حلگي"، بعد ما كمل جملته شاف ثاني وهو فاتح عيونه على وسعهم و اول ما شاف ردة فعلة ركض بعيد عنه ساحب مخده يحمي بيه روحه لان يحس ثاني شوي ويكتله
"ابن الخرا الگواد الساقط السافل شلون يبوسك هذا الخرا شلون اصلا رضيت" صاح مَجن بعصبيه ساحب زمزم من رجله مخليه يطيح بالگاع و الثاني فوگه يحاول يوصله علمود يضربه
"لو حبيبك ما تغار عليه هيج ولك وخر خلي اشرحلك يمهه راح يجعصني!" صاح زمزم ودفع مَجن عنه شارد ورا القنفة
"انجب لك ما ارضاها على صاحبي تعرف بيه عنده حبيبه و مو خابصنه بيك ابنه و ابنه شلون يبوس ابنه شهل زربه الي مخليها براسه" حجه مَجن بأنفعال بوجه زمزم
"احم مو جان بحالة عصبية و باسني فتهمت؟" حجه زمزم برائه وهو يضحك يلطف الجو
"اذا كل واحد بحالة عصبيه يبوس يطشر العرض اول مره اشوف هيج حالة" گال مَجن بسخرية
"اسمع يعني بالعقل وين اكو واحد يبوس شخص ما يحبه؟ حتى لو عصبي يمكن يضرب ويعتذر لان صارت ساعة عصبيه مو يبوس ويتعذر هسه انت عصبت علي ضربتني صحيح ما اعتذرت بس ضربتني ما بستني من حلگي" حجه زمزم كلامه وتقدم گاعد على القنفة
"عيعع بس تخيل ابوسك من حلگك الله لا يگولها شهل لعبان نفس" حجه مَجن عاقج وجهه
"انجب شتقصد انا لعبان نفس؟؟" گال زمزم متكتف
"لا بس احس ابوس واحد قاصر و اصير متحرش بأطفال هيج" گال مَجن بسخرية للثاني الي عقد حواجبه
أنت تقرأ
مَجن الشَبح
Teen Fiction"تسد البيبان و الشبايبك وتغطي روحك بين الألحفة تشرد منين؟ مني؟! أنا الشَبح لو هسه تدخل السابع گاع الحگك و ادخل وياك عبالك من تبدي وياي تحط نهاية بكيفك، لا ماكو نهاية للشَبح لحد ما يلگه جسد يَسكِنهُ" "الشَبح نهايتهُ يصير خروف يمي" ـــــــــــــــــ...
