مَجن الشَبح

مَجن الشَبح|الرابع

اتفاعل لا تصير صنم تشوف وبس

ــــــــــــــــــــــــــــــــــــــــــ

بعد المحادثة الي سمعها بين امه و ابوه حس الدنيا تفتر بيه من كمية الافكار و التساؤلات الي داهمت عقله، صعد على درج مقرر ينام بغرفته بلكت يگدر يطرد هاي الافكار من راسه و بطريقة هوه صاعد شاف اخته گاعده على وحده من بايات الدرج وضامه رجليها الصدرها
شنو تسوين هنا؟ اتسأل وهوه يشوفها تباوع عليه

سمعت صحيح؟ اقصد حجي امي و ابوي؟گالت البنية صاحبة البشرة الشاحبة و الشعر الاسود الطويل وجانت هالات سود محتله اجفانها شنو بس لا سمعتي كلامهم؟ گال غيهب وبداخله مستغرب من برودها بعد الي سمعته لكن انصدم بضحكتها الخافته

سامعة اكثر من هيج و شايفة اشكال و الوان، بس أنت كل وقتك بالبصرة فا حقك ما تعرف حقيقة هاي العائلة المثالية تحجي بأستهزاء بعد ما وگفت كدام اخوها

همهم غيهب تعاي وياي للغرفة وفهميني كلشي فاهمته لو شايفته بعد كلامه لوت البنية شفايفها بعد رضى ما اگول شي بدون مقابل

تنهد غيهب و گال شنو تردين احجي؟ ابتسمت بأنتصار على استسلام اخوها ورغبته الملحه بمعرفة الي تعرفه اريد تاخذني دكتور نفسي مايهم شلون بس المهم اريد اروح دكتور نفسي

استغرب غيهب من طلب اخته نور الغريب راد يعرف السبب بس سكته كلامها وهيه تگول لا تسأل عن السبب، وهسه تعال خلي افضح عرض عائلتنا المثالية

مشت نور گدام غيهب وفتحت باب غرفتها ودخلت كعدت على جربايتها وسحبت مشط تمشط بشعرها، ودخل وراها غيهب وسحب كرسي گعد گدامها همم تعرف شنو ابوي الحلو عنده؟ گالت وهيه تميل راسها وتحجي بأستهزاء

احتدت نظارت غيهب من ورا مماطلت اخته بالحجي لا تضلين تلغين زايد تحجين العندج وتنجبين لو اطيح حظج؟  عبست نور وكالت خوش خوش راح احجي بس لا تضل تهدد وتگمز، ابوي عده عشيق يشگ شگ ويخبل حابسه بشقة مدري وين و امي تريد تعرف مكانه

رفع غيهب حاجبه وهوه يباوع بوجه اخته يحاول يفهم اذا هيه كاعد تستهزء لو تضحك كعادتها لو تحجي صدك، بس بعد ما شاف جديتها بالكلام حجه ونطق اخيرا ابوي عده عشيق؟ و امي تدري وساكته؟ شنو هاي حتى بالفلم الهندي ما صارت

ضحكت نور على تعابير اخوها المصدوم الي يشوفك يگول ما تعرف ابوي عساس امي تگدر تزعل منه لو تعيش دور الزوجه الي تتعرض للخيانه هوه غير يعدمها