مَجن الشَبح

مَجن الشَبح|الحادي عشر

مشاهدة ممتعة
ــــــــــــــــــــــــــــــــــــــــــــــــــــــ

لابس شورت أبيض عاري الصدر متربع بالگاع و لابتوب گدامه وبحضنه صحن ليمون ياكل منه ويرجع عينه على لابتوب يتابع مسلسل اجنبي جان مندمج بالأحداث بس قاطعه صوت الباب تنهد

"ما ارتاح من يندگ الباب والله ما ارتاح" حجه مَجن بأنفعال وهو يدور على تشيرته الي نسه وين ينزعه زادت دگات الباب مما خلاه يصيح

"اجييت رحمه للكائنات اصبرر شهل لزگه هاي" صاح بصوت عالي ملتقط تشيرته الي على درج لابسه بسرعه وبسبب استعجاله لبس تيشيرت بالمگلوب ومشى بسرعة للباب فاتحه بعصبيه ونصدم من هيئه الشخص الگدامه

"والله عرفت هذا انتَ هو منو يدگ الباب بأحترام هيج غيرك!" حجه مَجن بأستهزاء اول ما شاف غيهب،

تجاهله غيهب دافعه للداخل ودخل هو هم جان وجهه ذابل وعيونه حمره ومبين گوه مسيطر على نفسه

"هوب هوب ترا والله البيت مو بيتك امك ذابه صرتك هنا لازگلي" گال مَجن بعصبيه و نفاذ صبر

"شگد تحجي؟ عدل تشيرتك و اوگف عدل عوف وگفه ناعمين هاي" گال غيهب كلامه وعينه جانت على مَجن الي رفع حاجبه

"ناعمين مخانيث شعليك شدخلك يلة هسه برا بمطرود ترا ما فرحت اخلص منك تجيني لبيتي" گال مَجن وهو ناوي يدفع غيهب بس أيد غيهب كضته من ياخه التيشيرت الي ورا رگبته دافعه بعيد عنه

"ما اروح لحد ما احصل الشي الي يخصني هنا و انت احذته" حجه غيهب بهدوء متقدم لجهة القنفة و گعد مخلي رجل على رجل

"شتحجي أنتَ شسوي ماخذ شي يخصك!" بأنفعال صاح مَجن بوجه غيهب الس ضحك بخفه

"تستغبي حضرتك؟ الشريحة الي خذتها من الغرفة شنو عبالك ما الاحظ لو شنو؟" بحده وبصوته الي جان بيه بحه حجه غيهب الـ مَجن الي بلع ريقه متذكر الشريحه

"حاليًا راح اتخطى إنك سرقتني لأن عندي اشياء اهم اسويها" گام غيهب من مكانه وتقرب من مَجن لدرجه جانت انفاسه اختلطت ويا انفاس مَجن الي يحاول يسيطر على ردة فعله نطق غيهب بحده "هسه مثل الولد الشطور تجيب الشريحة و على تصرفك هذا تتحاسب لا شايفني ساكت عن كلامك الخرا وياي انا ساكت بمزاجي لو اريد اعرفك عن الشَبح راح تشرد و تتغطى بالألحفة" ابتعد غيهب عنه بأبتسامة على وجهه