تكرار التعليق بهدف زيادة التعليقات حظر، مثل كتابة احرف بدون معنى او ارقام
200 تصويت
400 تعليق
مشاهدة ممتعة
ـــــــــــــــــــــــــــــــــــــــــــــــــــــــــــــــ
غيهب الي تدارك الموقف الصاير و رفع سلاحة مفرغه بجسد نزار بسرعه ملتفت يشوف جسار الي ركض ناحية يزن اول ما دار غيهب راسه
جانت ملاك حاضنه يزن بكل قوتها وظهرها مدمى ينزف بغزارة، جان يزن واگف متصنم من الموقف ما ستوعب لحد ما شاف جسد ملاك يتهاوى بين أديه سارع وكضها منزلها للگاع و أيده على ظهرها يحاول يمنع النزيف جانت عيونه حمر يقاوم ما ينهار
"ملاك! لا فدوة لا تغمضين عيونج بس اصبري ملاك!!" بأنفعال وخوف صاح يزن وهو يشوف ثانية گاعد تلفظ انفسها الأخيره بحضنه وبين أديه، رفعت ملاك أيدها وبكل صعوبه خلتها على خد يزن وهنا ما گدر يزن يقاوم هذا الصمود لسنين وتظاهر بالقوة انتهى ملت دموعه وجهه كله
"ي-يزن" بصعبوبة نطقت وعينها بعينه جانت تريد تشوفه هو اخر شخص قبل موتها، نهارت أيدها من خد يزن وغمضت عيونها
بأنهيار سحب يزن ملاك ناحيته بقوة حاضنها بين أديه وهو يصيح بصوت عالي جان بس صوته بالمكان وهو يصيح "مو هيه لازم تمووووت!! انااا ملاااك"
جانوا البقية و اگفين بصدمه من انهيار الثاني وهو حاضن جسد ملاك، باوع غيهب على ابوه جسار الي تقدم من يزن يريد يسحبه من جسد ثانية بس هو جان رافض
"لا تلمسني!! بسببك اختي ماتت بسببك صار هذا كله!" صاح يزن بعلو صوته على جسار الي تجاهله ورجع سحبه من جسد ثانيه حاضن جسد يزن بقوة الي ضل يضرب بظهره ويصيح عليه وجهه جان جامد مجرد مستمر بأحتضان يزن
تقدم غيهب من نزار الي صار جثة وتنهد جانت واحد من أمنياته يعذبة بأيده بس الظروف ما خلته، سمع صوت غيث الي ركض ناحيتهم
"امشي خلي نفلت قبل لا تجي الشرطة!" گال غيث الغيهب الي هز براسه و باوع على يزن الي هالمره جان هادئ بشكل يخوف و بصفه جسار
"لازم نتحرك الشرطة راح تجي" گال غيهب وطلعوا البقية
باوع جسار على يزن الي عينه على جثة اخته الي مدده بالمخزن البارد وتقرب منه و گال "امشي لازم نروح"
"تريدني اعوفها وحدها؟" بهدوء گال يزن وعيونه جانت جمر من كبته لدموعه مايريد ينهار مره ثانية ما يفيد الأنهيار
"الشرطة راح تجي عود من ياخذونهم تگدر تروح تدفنها بصفتك أخوها" گال جسار الـ يزن الي رفع حواجبه اخوها؟ الي كتل اهلها وتسبب بموتها؟
أنت تقرأ
مَجن الشَبح
Teen Fiction"تسد البيبان و الشبايبك وتغطي روحك بين الألحفة تشرد منين؟ مني؟! أنا الشَبح لو هسه تدخل السابع گاع الحگك و ادخل وياك عبالك من تبدي وياي تحط نهاية بكيفك، لا ماكو نهاية للشَبح لحد ما يلگه جسد يَسكِنهُ" "الشَبح نهايتهُ يصير خروف يمي" ـــــــــــــــــ...
