انا الشموخ اللي تحدى الانكسار وانا العناد الصعب لو اني جريح

البارت التاسع

عند الرجال كلهم فرحانين بطلوع شموخ واولهم عقاب
ابو راكد : ياعناد
عناد : سم ياعم
ابو راكد : سم الله عدوك بس بغيتك تمسك قضية بنتي وتمسك المجرم
عناد : ابشر ياعم وقال في نفسه والله لا اتله من رقبته

عند المجهول
المجهول : كيف ماتت ؟؟
حسن : الي سمعته أن صار لخبطه في الأسماء
المجهول ضرب يده بقوه على المكتب : اوريها   ال***
غيث : اخاف يمسكونا
المجهول ناظر فيه بحده
وغيث بلع ريقه

انتهى اليوم ونروح بسرعه لبكرا

عند عناد صحى من النوم راح الحمام أكرمكم الله وصلى الفجر ولبس البدله العسكريه بحكم أنه رايح لشغله وتعطر ونزل تحت وشاف الكل يفطرون بهدوء
ام عناد : تعال افطر ياولدي
عناد : والله يايمه مستعجل بالعافيه وراح
ابو عناد هز رأسه بأسى من حالة ولده وتنهد
ابراهيم : علامك يبه
ابو عناد : عاجبكم حال اخوكم لايقعد معنا ولا حاجه والزواج مايبغى يتزوج وطنشت بعذر أنك ماتزوجت والحين انت تزوجت
ساره : يبه هد مرد عناد بيجيك ويقول إنه يبغى يتزوج 
ابو عناد : متى لين الله اخذ حياتي قلت قلت له يتزوج بنته عمه مايبغاها عشانها مو من مستواه
غاليه : بسم الله عليك
عنود : يبه عناد مايبغى بنت عمي مو علشان مو من مستواه علشانها ماتليق عليه
ام عناد : طيب وش رايكم بشموخ بنت مطلق
غاليه بصدمه : يمه تبغين عناد لشموخ !!
ام عناد : ايوا وش فيها شموخ كامله والكامل الله
غاليه : مو قصة انها جميله يمه شموخ قويه ومتعوده على الدلال ودلع ابوها واخوانها لها وتراها مطلقه مستحيل توافق 
ام عناد : وإذا مطلقه عادي ويليقون على بعض
ابو عناد : نشوف ولدك بعدين قرري مستحيل يوافق
ساره : يمه ترا عناد صعب مره والبنت مره عنيده وقويه وجريئه كيف راح يتعايشون مع بعض !
ام عناد : أنا اشوفها انها تليق عليه عجبتني ولا عندكم اعتراض
سكتوا كلهم عارفين أن امهم عنيده جدا

عند عناد الي كان ماسك ملف قضية شموخ وابتسم وقال : كل شي واضح وبكره المداهمه عليهم
دخلت السكرتيره وقالت بدلع : تبغى قهوه معاي
عناد ناظرها بحده: هيفاء كم مره قلت إذا بتدخلين وش تسوين تدقين الباب ولا على طول تدرعمين
هيفاء بخوف : اسف
عناد : كلمي العسكري رائد بسرعه
هيفاء بسرعه : ابشر وطلعت
عناد دق على عقاب
عناد : السلام عليكم
عقاب : هلا والله وعليكم السلام
عناد : عقاب جيب اختك الحين في المركز علشان نسالها عن الحادث
عقاب : خلاص بروح اجيبها من الجامعه
عناد ابتسم وقفل المكالمه يبتسم عند ذكر اسمها شموخ يرجع في باله يوم شافها بفستانها الاحمر الماسك على خصرها النحيل شعرها الأسود عيونها الوساع ورموشها الكثيفه طولها كل شي فيها جذاب وده يصارخ بتسأل ويقول هاذي ملاك ولا انسان ؟
دخل رائد بعد طرق الباب
رائد دق التحيه
عقاب : استرح
رائد : طلبتني
عقاب : أبغاك تجمع لي كل العسكر وتقول لهم أن فيه مهمه لازم تتجهزون لبكرا وانا اعرف اختيارك واثق فيك
رائد ابتسم : ابشر ودق تحيه وطلع