انا الشموخ اللي تحدى الانكسار وانا العناد الصعب لو اني جريح

البارت الحادي عشر

شموخ : بنات مافي عود اغني لكم
غاليه : الا فيه حق عناد بكلمه وراحت
خلود : صوتك حلو؟
ترف : صوتها يجننن مره
مروى : شفت الستريك حقك يوم انتي وعقاب تغنون
مره أصواتكم متطابقه
ساره : علاقتك ماشاءالله مع اخوانك وبذات عقاب
قويه جدا
منال : الحين عناد اخو مين
غاليه : أنا وساره وعنود.
منال هزت راسها
جات عنود ومعاها العود
شموخ : كفو تعالوا الحوش ندق عود
راحت ساره تنادي كل البنات
وجلسوا في فرشه وكانت فيه جلسه مرتبه
مسكت شموخ العود وعنود تصورها وكان باين فستانها وفمها وغمازتها وشعرها الاسود الي يتطاير مع الهواء
وبدأت تغني اغنية ذكرى اجيلك شوق :

اجيلك شوق و تجيني ذوق ... اجي كلي و تجي بعضك
و بعضك يا حبيبي انباق مني بوق
هنا و هناك ... و انا وياك
معي و الا معاه يللي حنانك يالحنون و رقتك ما اقساك

بلاها ارجوك هالجيــــــات ترى فيها تعذبني
تجي قصدك تطفي النار و انت فيها تحرقني
تجامل و الفرق شتان ... مابين اللي عشقته في يوم و بين اللي مقابلني

و طيب ليه و متى و بعدين ؟ ... كفاك هروب واجهني
حـــــــزن واحد و لا حـــزنين ... بالمكـــتوب صارحني
و ان كان الحكم اعدام ... انا في رحمتك طمعان في هذي اللحظه اعدمني

و روح انت و انا باروح ... ميـــر الله يقــدرني
و يجبر قلبي المــذبوح ... على بلواه يصبرني
و لا من صحت

عنود حفظت المقطع الي كان خيال جدا مع صوت شموخ وشكلها ولا حركة شعرها وهو يتطاير مع الهواء ولا غمازاتها الي حافره خدها جميله لدرجة إذا شاعر شافها ينسى كل القصايد

خلود : صوتك يجنننن
شموخ : والله انتي الي تجننين
جميله : شموخ كملتي جامعه ؟
شموخ : ايوا ياقلبي
خلود : ياحظك وش تخصصك
شموخ : دكتوره جراحه
رغد : قلبك قوي ماشاءالله
شموخ : انتم كملتم جامعه ؟
خلود : بالله شايفه عقول الي عندنا كل شي عيب البنت تتزوج بس
مروى : الله يعينكم
خلود وجميله ورغد : امين
جات همس جلست جنب شموخ لان مافي مكان
شموخ فتحت الجوال ودخلت السناب شافت الاضافات
شموخ : بنات احد صورني ومنشني في السناب ؟
عنود : ايوا انا بس كتبت لحد يضيف
شموخ : احح كثير الي ضافوني
غاليه : خقوا عليك شكلهم
همس بتسأل : غاليه وين عناد ابغى اكلمه
غاليه : تكلمينوا ليش!
همس بخجل : كلم ابوي وقال ابغى أكلم همس بموضوع
عنود وهي تهمس لشموخ: احس عناد بيجرحها مدري ليش
شموخ : تطلع له كذا ؟
عنود : ماتستحي زي امها
راحت همس عند عناد
سمعوا صوت صراخ من عند الحريم وفزوا كل البنات
شافوا ام راكد وام همس يتاهوشون تقدمت شموخ بعصبية : خير خير علامتس
ام همس : اقول يامطلقه بعدي عني
شموخ بجراءة: الحمدلله على أقل أنا مطلقه لاكن ما اخلي بنتي تطلع قدام الرياجيل بلبس مو ساتر
ام همس تقدمت : وش قصدك
شموخ : قصدي واضح
ام همس جات تبغى تضرب شموخ لكن كانت شموخ اسرع ولوت يدها بقوه
ام همس : فكيني يابنت #####
اما شموخ لما سمعت ذي الكلمه مسكت ام همس من شعرها وضربتها كف والحريم يفرعون بينهم لكن شموخ تضرب من قلبها