انا الشموخ اللي تحدى الانكسار وانا العناد الصعب لو اني جريح

البارت الرابع عشر

شموخ اللي ركبت سيارتها وتوجهت المستشفى شافت دفعتها هناك وتقدمت لهم
وكانت في دفعة عيال وفي دفعة بنات
زهراء : تدرين انهم بيختارون  بنت وولد ويدخلونهم غرفة العمليات إذا جات حاله طارئه مره
شموخ : يارب مايختاروني
زهراء : احساسي انهم راح يختارونك
شموخ ضحكت : لا تكفيننن احساسك دايم صح
جاء مدير المستشفى وقال : لو سمحتوا كل وحده او واحد يروح لفرقة مريض او مريضه ويكشفون على حالتهم ووزع المهمات وغرفة المرضى على الطلاب

شموخ راحت لغرفة اللي فوق وطقت الباب ودخلت شافت ثلاث حريم يناظرونها من فوق لتحت تقدمت للمريض اللي كان يناظرها لبست قفاز

وتكلمت وحده منهم : ليه ماجاء دكتور
شموخ لفت عليها : اسالي المدير
ومسكت يد المريض وعقمتها  وعدلت المغذيه وحطت الابره على ايده وقالت : إذا خلصت الغذايه بجي اشيلها تمام
وراحت جلست على احدى الكراسي ومسكت جوالها
تتفقده وبعد مده راحت تسحب المغذيه من يد المريض وخلصت وطلعت
الدكتور : لو سمحتي تقدرين تروحين غرفة ١٠
شموخ : طيب
الدكتور : يعطيك العافيه
شموخ : يعافيك وراحت لغرفة ١٠ شافت اللي هو مكان الولاده وابتسمت تسمع صياح الاطفال ودخلت لغرفة ١٠ ودقت الباب بهدوء ودخلت شافت الام نايمه
وصحتها تشوف بنتها تبكي واعطتها أبره .
شموخ اللي كانت جالسه على كرسي الانتظار بعد ماخلصت اللي عليها وشافت وحده ومعها عناد وعرفت انها خطيبته رايحين يسوون تحاليل الزواج وابتسمت باستهزاء وقفت بعد مادخلت غرفة التحاليل لان الدكتور امرها وسوت التحاليل وخلصت وجاء دكتور ثاني لإنها خلصت

عناد مشى ورا شموخ يوقفها

شموخ : هلا اخوي بغيت شي
عناد انصدم من كلمة اخوي : اخوي !!
شموخ ضحكت : اي اخوي وش تبي أقول لك ؟؟
عناد : المهم ابغاك تنسين كل اللي صار بيني وبينك الان أنا بتزوح وبعيش حياتي
شموخ ابتسمت : أصلاً أنا نسيتك واعتبرك اخوي من الان وأتمنى انك كمان انت تنسى كل شي وحتى لقانا الان تنساه والله يفوقك ويوفقني ان شاءالله
عناد حس بضيقه لكن كبتها وشموخ راحت وتركت عناد في دوامه لحاله لكن بسسرعه راح عند سمر واهلها واهله كمان

عند سياف اللي يفكر في بطلتنا شموخ للحين في باله يحاول ينسى لكن مستحيل

ام جابر : بنت خالتك انخطبت ماشاءالله
سياف بدون اهتمام : الله يوفقها
ام جابر : سمر ترا !!!
سياف ناظرها : واذا ؟؟ نسيتها ترا وكان حب مراهقه
فقط يعني لاتعني لي شي الان
امواج : يمه كلمتي حقت البوفيه ؟
ام جابر : اي جايه اللحين ورتبت العامله كل شي
سياف دق جواله وشاف أنه ابوه ورد وقال له إنه يجي شركة مطلق وعياله وقف سياف اللي راح يلبس ثوب وشماغ وتعطر وكان يجنن
راح يركب سيارته ووصل للشركه ولكن مو لحاله شاف بنت تنزل من السياره وعرفها من عيونها هي شموخ

شموخ اللي كانت جالسه في مكتب عقاب تسوي اللابتوب طق الباب وقالت : ادخل
دخل سياف
سياف : ذا مكتب عقاب ؟
شموخ : اي اجلس لين يجي
سياف جلس وشموخ تسوي اللابتوب وهو يناظرها وينزل راسه ويستغفر وشموخ متوتره دقت على عقاب قالت له : عقاب وينك
عقاب : الحين بجي
شموخ : تمام
وقفلت ناظرت سياف قالت بصوت مبحوح : الحين عقاب بيجي
سياف : معليك بنتظره
شموخ كملت تسوي وهي خلصت لكن ماتبي تامن سياف مكتب اخوها
دخل عقاب سلم على سياف وشموخ طلعت راحت لسيارتها ركبت شغلت السياره راحت لدانكن اشترت ٣ صحون دونات لها ولحريم اخوانها وقهوه لها
وصلت البيت نزلت دخلت وشافت امها مع ترف ويسرى والجوهره وريحة البخور استقبلتها

شموخ شالت العبايه بتعب ورفعت شعرها فوق بعشوائيه معطيها شكل جذاب

يسرى بضحك: شكلك انكرفتي
شموخ : خليها على الله
ترف مسكت الجوال صورت شموخ
الجوهره وهي تاكل دونات : عاد تدرين اني اشتهيت الدونات ؟
شموخ بضحك : عافيه ان شاءالله
الجوهره : الله يعافيك ياقلبي
ام راكد : دقيت على ابو راكد والعيال مايردون
شموخ : عنده جارنا ابو سياف في الشركه
ام راكد : شعندهم ؟
شموخ : والله مدري عنهم بس رحت اسوي لابتوب عقاب وشفتهم هناك
يسرى : شكل عمي قال لهم تعالوا الشركه
ام راكد : يمكن
ترف : ياعمه اليوم نروح للجيران ؟
ام راكد : أكيد هم اصلا مسوين عزيمه كامله
شموخ : اهخخخ مابي اروح ابغى أنام وبس
ام راكد : اقول فضيحه لازم نروح عندهم
ترف : بتروح بتروح معليك ياعمه
شموخ : تمام تمام
الجوهره بضحك: التسليك
شموخ وقفت : ماينفع معهم غير التسليك هههههه
الكل ضحك
شموخ راحت فوق لغرفتها
دخلت لبست لها بجامه ورطبت جسمها انسدحت على السرير تسوي البحث حقها وخلصت دخلت السناب تفتح الستريكات وشافت ريفال مرسله لها رساله فتحتها شافتها راده على الفيد حقها لما سوت شعرها كيرلي : مين يخون كل ذا الجمال !
شموخ ابتسمت وكتبت لها : ياعمري 🥺
وراحت قفلت اللمبه والكلاب وشحنت الجوال والايباد والسماعه حقتها ونامت نومه كلها راحه
.........

في بيت ابو عناد
عناد اللي كان متكشخ ومجهز عارف انهم بيوافقون عليه
عنود كانت تنتظره من فوق وتحت : يارب شموخ تتزوج رجال وتحبه
عناد : يعني تبيني اغار ؟ امين يارب
عنود : من زين وجهك اصلا انت من الاساس مقامك سمر ولا شموخ يليق عليها رجال جميل ووسيم عنده غمازات طويل و عضلات انت بس جلد لا عضلات ولا حاجه
ابراهيم ضحك : عطيه عطيه
عناد : اصلا هي كانت تحبني
عنود بضحك : كانت وش يرجع ؟ ماضي واصلا امس راحت وصورت ومشغله اغاني وتخطتك وأنت لسى تقول تحبني
غاليه : على الإصدار القديم
عنود وابراهيم و ساره ضحكواااا
عناد بحده : يبي لكم جلد والله
ام عناد : خلاص اسكتوا اخوكم بيتزوج
ابو عناد جاء : هاااا ياعناد جاهز
عناد ابتسم : اي جاهز
عنود لعناد : بسالك سؤال!
عناد : اسألي !
عنود : الحين سمر مو متغطيه كيف تتزوجها ؟؟
عناد : بخليها تتغطى وبس !
عنود : متمسك فيها رغم الاعاقه
الكل ضحك
................................
في بيت ابو سياف

سياف اللي دخل البيت ولبس البدله العسكريه

ريفال : عادي اصورك ؟
سياف ضحك : لا
ريفال ضحكت وعرفت ان الاجابه ايوا وصورته وارسلته ستريك سياف : اقول عزمتوا جيراننا ؟
ريفال : ايوا ليش تسأل ؟
سياف توتر : لا بس اسالك قلت يمكن نسيتوا حاجه كذا
ريفال : لا معليك ماراح ننسى
سياف وقف : وين طارق وجميل ؟
ريفال : راحوا مدري وين
سياف : إذا رجعوا قولي لهم سياف يقول إذا ماستقبلتوا الرجال والله ماتشوفون شي يسركم
امواج : طيب
جات ليان وجلست تبخر البيت وهي وصفاء وبعدين كل وحده راحت تجهز نفسها

ام سياف : يابنات وينكم ؟
صفاء : هلا يمه
ام سياف : جابر يقول اعطوه المبخره
ريفال : تمام بروح المجلس في احد ؟
ام سياف : لا
ريفال : تم
راحت ريفال المجلس ودخلت بجمالها وكشختها و
................

أنتهى البارت
إذا في اخطاء سكب !
😮‍💨🩷