انا الشموخ اللي تحدى الانكسار وانا العناد الصعب لو اني جريح

البارت الخامس عشر

ريفال اللي دخلت المجلس وشافت رجال هناك وهي بكامل زينتها وكشختها و الرجال يطالعها مصدوم من جمالها فتنه حقاً والطرفين كلهم مصدومين الين ادركت ريفال وخرجت بسسرعه ولكن احمد لسى مصدوم من جمالها
دخل جابر : اعذرنا تأخرنا عليك
احمد : لا معليك يارجال
جميل : عندك اخو صغير شوي
جابر بحده : جميل !!
جميل : شفيك ياخي محسسني قاعد مع حريم واسولف معهم
احمد مات ضحك : الا في اسمه سويلم
طارق : حيييي وربي يجي جدول
جميل : عزابي ؟
احمد : لا مملك وقريب زواجه
طارق : يالله عقبالي بس
جابر : أنا ماتزوجت تبي انت تتزوح
جميل : وتتركني افااا
طارق وهو يشرب القهوة : وشدخلني فيك جبتك ونسيتك
أما احمد اللي ميت ضحك بس ناقص سويلم ويفرطون ضحك
دخل سياف بشخصيته الرجوليه الحاده
جميل وطارق تعدلوا
احمد اللي وقف سلم على سياف
سياف : كيف حالك عساك بخير
احمد : الحمدلله وانت كيفك
سياف : الحمدلله

عند الحريم
جو قرايب ام سياف وابو سياف كلهم وكانوا كثيرين
مره
ريفال : بنات ودي اذبح سمر شايفه نفسها يعنني متزوجه
امواج : وربي تقهر
صفاء : مو طبيعيه حركاتها لحجيه
ريفال : تدرون ان زوجها يابنات مز ؟
ليان : شفته شكله كان يحب لأنه منزل قصيده حب في الانستا شفت حسابه
امواج : اما يحب ؟
ريفال : شكله كان يحب سمر وتزوجها عن حب
ليان : وسمر اسمها شموخ ؟
صفاء : قال اسمها !!
ليان : ايي اسمعوا القصيده
امواج : عناد وسمر والله الأسماء لايقه مره

عند شموخ اللي لابسه فستان بينك ماسك من فوق وعادي من تحت بدون اكمام وكعب اسود كمان ومبين بياض بشرتها وشعرها المدرج الطويل مكر ومكياج خفيف واكسسوارات وكانت جميله وفاتنه جدااااا الكافر لو شافها اسلم
تعطرت لبست عبايتها ونزلت تحت
وكلهم لابسين وينتظرونها الحريم طلعوا كلهم وراحوا لبيت جيرانهم ودخلوا وكان في مدخل يعدلون اشكالهم وشموخ عدلت شكلها ومسكت الحلا اللي سوته وكمان طالبه حلا مره يجننن وعدلوا اشكالهم ودخلوا وكان في صاله فيها ريفال واخواتها
البنات وقفوا يسلمون على شموخ وترف ويسرى والجوهره وكلهم عينهم على شموخ
وجلسوا البنات على الكنب

سمر جات بدلع :وهاي بنات
الكل : هلا /هايات
سمر جلست وكانت تناظر شموخ اللي تسولف مع ريفال وقالت : ريفال !! ماتوقعتك تغيرتي كانوا يسمونك ام كشه هههه
ريفال انقهرت منها
شموخ : مايضحك ترا ولا هي ميانه ولا قوه ولا حاجه تراها ضعف منك لانها احسن منك قلتي ذا الكلام
ريفال : معليك منها مهانه قدام الجميع
سمر لشموخ : ريفال احسن مني ؟
شموخ : اي وكمان تربيتها احسن منك
سمر : ذي اللي كل ما انخطبت هي واخواتها ينرفضون على طول
ليان : انتي ما اخذك الا واحد عاشق لغيرك
امواج : الله لايبلانا بس
سمر بعصبيه : يحب ؟ وانتي وش دراك
ليان بتجاهل : الا شموخ كيفك
سمر مسكت ليان من كتفها بقوه
شموخ وريفال وقفوا ودفوا سمر عن ليان
شموخ : مريضه انتي ؟
سمر : مالك دخل ذا شي بيني وبين بنت عمتي
ريفال : اقول والله إذا مديتي يدك على احد من خواتي ماتشوفين خير !!
سمر ضحكت بستهزاء : شوفوا مين يتكلم
امواج : انتي وش تبين ؟
سمر بهيام : سيافي
أما البنات كانوا يناظرون بعض بصدمه الا شموخ مو فاهمه حاجه
ليان : بكرا ملكتك وللحين تحبين سياف هي انتي عقلك
فيه شي ؟
سمر : عادي حتى سياف يحبني
صفاء : كذابه مايطيق وجهك اصلا ولا صوتك كمان
ريفال سحبت شموخ معها للمطبخ
شموخ : شفيك ؟
ريفال : مابغاك تسمعين اكثر لان ذي مريضه بزياده مستحيل تكون بعقلها وأكبر دليل انها تحب سياف وهي مخطوبه لعناد ال...
شموخ انصدمت هي خطيبة عناد : ذي هي خطيبته ؟
ريفال : اي ذي
شموخ : اهاااا
ريفال : ليه هو وش فيه ؟
شموخ : مافيه شي
ليان دخلت : يع يع غثيثه
شموخ : طنشيها معليك منها
ليان : يازينك طالعه مزه اويليييي
شموخ بخجل : ياعمري انتي المزه
امواج : بنوتات تعالوا نسولف نسوي جلسه في الحوش
شموخ : تم
البنات : تم
وسوا جلستهم
شموخ : بنات شرايكم نطلب قهوه V60 ودونات ؟
ريفال : أنا عن نفسي ماحب القهوه ذي
امواج : كلنا مانحبها بس بنشربها مع قهوه سعوديه
شموخ : طيب بطلب دونات من دانكن وبس
البنات : تمام
شموخ طلبت
امواج : بنات شفتوا ذيك البنت المزه اللي جوا عند الحريم
ليان : اعع ذيك مزه قولي حليوه صح
ريفال : صدق
شموخ : ماشفتها
ترف : ذيك اللي لابسه أحمر
الجوهره : احسها عاديه
صفاء : منجد
امواج : بالعكس عجبتني
ريفال : ذوقكك
شموخ : ودي اشوفها
يسرا : عاديه مو مره حلوه ولا مره شينه
شموخ دق جوالها : بنات الطلب وصل مين تروح معي؟
ليان : أنا
شموخ : يالله
شموخ وليان لبسوا عبايتهم
شموخ وليان لبسوا عبايتهم وحطوا الطرحه على رأسهم وراحوا للباب
شموخ للمندوب : حط الطلب تحت وانا دفعت الفلوس قبل الاستلام
المندوب : تمام وحطه وراح
شموخ اللي فتحت الباب وأخذت الطلب من تحت
ليان لفت الا تشوف اخوها سياف : شموخ تغطي سياف جاء
شموخ تغطت وغطت عبايتها كمان
ليان خافت عرفت اخوها مابيفوت السالفه
شموخ سحبت ليان وركضوا وهم ميتين ضحك
سياف يتوعد : هين ياليان
ليان وشموخ راحوا لجلستهم وهم ميتين ضحك والبنات يسالونهم وشفيه
ليان قالت لهم السالفه
امواج : ياخراشيي ياليان شموخ بتروح وانتي تاكلينها
ترف ضحكت : نامي عند شموخ ههههه
ليان توترت : ياراسي شكلي اول ماتنتهي العزيمه بروح غرفتي واقفل على نفسي
شموخ : ترا مايقدر يسوي شي لانه مو ابوك !
ريفال : والله ماتعرفينه عصبي بزياده!
صفاء :يمه سياف تتمنين انك في مكان خالي كافيه أحد ولا مكان فيه سياف وهو معصب !!
شموخ : واخر شي يجي واحد يقول يتزوج ويهجد صدق هههه
الجوهره : سياف نفس احمد لكن احمد يحب شموخ مستحيل يعصب عليها
امواج : ماشاءالله
شموخ : بنات
البنات: هلا
شموخ : باقي اربع ايام على زواج سويلم لازم تجوون
امواج : ان شاءالله
سياف وهو ينادي : امواج
جات سمر وهي لابسه عبايتها و الطرحه على رأسها: سياف
سياف صد : وانتِ شتبين
سمر بهيام : أبغاك
سياف : اعقبي صدز
سمر : انا أحبك وتزوجت علشان كلام الناس كبرت ولا تزوجت وعادي بتطلق علشانك
امواج دفتها : ماتستحين على وجهك
سياف بحده : سمر!! وربي إذا شفتك وقسم بالله انك ماتشوفين خير تفهمين ؟ وربي لا اعلم عليك ابوك شوفي حلفت انا حركات بزران ومراهقين !!
امواج بضحك : لحجيه ومهانه !! هههههه
شموخ وهي تنادي امواج : جوجو وينتس
سياف قال في نفسه يالبى الصوت بس .
امواج : دقيقه الحين جايه
وراحت
سمر : ترا اعرف انك تبي شموخ والله اذبحها ولا تأخذها
سياف ضحك باستهزاء : على الأقل اشرف منك !انتي اصلا تقدرين تروحين لها ؟؟
سمر راحت وهي تبكي
سياف : وربي انها مريضه الله لايبلانا
دخل سياف مجلس الرياجيل جلس جنب عناد اللي ماجلس مع عقاب وغريبه عليه دايم كان يجلس مع
عقاب بس بعد ماملك على سمر ماجلس معاه ولا كلمه حتى !!

عناد لسياف : متزوج انت ؟
سياف ابتسم : لا والله
عناد ضحك : شكلك عاشق
سياف ابتسم : خلها على ربك
عناد : ارتحت لك وابغاك تتزوج اختي
سياف بصدمه وقال في نفسه ابلش : والنعم فيك وفي اختك والله لكن مابي غيرها
عناد تنهد : الله يوفقكم
سياف : امين
جميل همس لسياف : ترا سمعت مين هي اللي تحبها ؟
سياف بحده : اعلمكم بعد العزيمه ياولد !!
طارق لجميل : الله يعين اللي يحبها امها داعيه عليها
جميل : في ليلة القدر
ابو عناد همس لا ابو سياف : اخطب لسياف بنتي ساره احسهم لايقين على بعض
ابو سياف : تهقى ؟
ابو عناد : اي بالله
ابو سياف : ان شاءالله بكلمه
ابو عناد ابتسم ولكن مانعرف شي عن ابو عناد في صفه وحده مو حلوه وهو الطمع والحسد يبي سياف لساره علشان بنته تعيش في خير وفلوس
سياف اللي سمع كلام ابو عناد ل ابوه قال لسعود خويه : ذولا علامهم الولد يبيني أتزوج اخته والاب بنته!!
سعود بضحك : لانك مز وكاش 💸
سياف : سعود بقول لك شي بس هاذا بيني وبينك !!
سعود فز : افااا !! ابشر وأنا اخوك يالله قم
سياف قام مع سعود وراحوا
سعود جلس : سم اسمعك!
سياف تنهد : انا احب ياسعود
سعود فز وهو جالس : ابك ! ومين بنته؟
سياف تنهد بقوه : بنت مطلق
سعود : العلم وش ياولد ؟
سياف اللي تلثم : اسمع العلم أنا كنت في بيت جارنا مطلق هو عزمنا ورحنا ولا أنا طلبت ابغى الحمام ولا ياسعود اشوف لي ذيك البنت اللي تشلع القلب وجابتني لا قصاي ولا انت خابرني ثقيل لكن من شفتها راحت علومي ياسعود اهخخ بس
سعود : اخطبها بكرا وانا معاك
سياف ناظر فيه : تهقى؟
سعود: اي بالله
سياف: أن شاءالله بكلم ابوي اليوم
سعود ابتسم : واخيراََ جات وحده تعرفلك يارجال!!
سياف بهيام : اي والله عرفتلي وجابت راسي
سعود ضحك : الاعتراف بالحق فضيله وتبي
اقول لك الصراحه ؟
سياف رفع حاجبه: قول
سعود : انا ابي اختك ليان على سنة الله ورسوله
سياف بتمثيل ومزح : ايش ؟؟
سعود : اتوقع سمعت
سياف بضحكه : انت أخطب بس ونشوف راي ليان !
سعود قال بنفسه يالله متى يجي ذاك اليوم وانتي في بيتي
وخلونا نقول انتهى اليوم ونروح لبكرا الحماس
ا

لجمعه
ض ٥ فجر
شموخ صحت من النوم مو من عادتها اخذت بجامه نص كم ودخلت الحمام أكرم الله القارئ وطلعت وصلت الفجر وحطت كريماتها تعطرت اخذت سماعتها وجوالها وسوت قهوه V60 وهي مروقه شغلت محمد عبده :
اه ياجود الحزن وياي
وفي الفرحه شحوح
ضايع بهمومي الغبرا
وسط المعمعه اشتكي
لوسادتي دنياي اسمعها
تنوح كانها بعضي وبعضي
وين هو ومنه معه ؟
بينما شموخ وهي تغني وتمشي بالحوش وهناك من يناظرها من الدريشه بهيام وحب
وشموخ شغلت اغنيه هيفاء وهبي وتتمايل بدلع وهي ما تدري ان احد يناظرها ولا فقعت عينه