انا الشموخ اللي تحدى الانكسار وانا العناد الصعب لو اني جريح

البارت العاشر

عند عناد
جمع العسكر كلهم وقال لهم الخطه وارسل اثنين من العساكر يراقبون ثامر ( المجهول ) واثنين يراقبون حسن وغيث
ومجموعه يدخلون المكان الي فيه ثامر وحسن وغيث يقفلون الكاميرات وقفلوها بدون لايكشفونهم الحراس وراحوا ورا وجات الدوريات يحاوطون المكان دخلوا وعناد وهايف ورائد وراهم
وشافوا مستودع وتقدم عناد ودف الباب بقوه وشاف اطفال وكراتين واكيد أن فيها مخدرات وكلم العسكر
ياخذون الاطفال وترك المستودع للعسكر وطلع منه ودخل الكوخ وكان معاه هايف وشافوا ثامر وحسن وغيث ودخلوا العسكر مسكوهم وسحبوهم بقوه
وثامر يصارخ على الحراس وتقدموا الحراس حقين ثامر وعناد رفسهم وطاحوا بحكم أن عناد طويل وعريض ودخلوهم في الدوريه وحسن أنصدم لما قرأ اسم عناد ووصلوا المركز ودخلوهم الزنزانة وثامر يصارخ أما حسن وغيث ساكتين وخافوا لما شافوا اسم عناد وعرفوا انهم بيخسون في السجن

ام عن عناد الي كلم عقاب وبشروا انهم مسكوا المجرمين وعقاب فرح وراح يبشر شموخ
وعناد كلم رائد يتصل على أهل ثامر م وحسن وغيث يجون
بعد ساعه دخلوا أهل حسن
ابو ذياب : عسى خير ليش كلمتونا نجي
عناد قال لهم كل شي
ذياب : عيب عليك تجيب الشيوخ وتكلمهم يجون للسجن
عناد بحده : عندنا هنا مافي لا شيوخ ولا حاجه تغلط نرميك جوا السجن هاذا قانون واحنا نمشي عليه
مطر : طيب اخوي لو سمحت من هي البنت الي سبب لها حادث
عناد ابتسم يبغى يصدمهم : شموخ مطلق العتيبي انصدموا كلهم
ابو حسن : والحين عايشه ؟
عناد هز رأسه با ايوا
ذياب قرأ اسم عناد وقال : انت عناد ولد نافعه
عناد : ايوا
ذياب : يعني انت ولد عمتي نافعة
كلهم راحوا يسلمون عليه
ابو حسن : ابغى اشوف ولدي
عناد كلم العسكري يودي ابو حسن لولده
مطر : من متى وانا عندي عمه
محمد : من اليوم
ابو ذياب : كيف اختي عساها طيبه
عناد : الحمدلله
راح عناد يتصل على أمه وعلمها على كل شي وفرحت وكلمته يعزمهم لبكرا وعناد وافق

عناد : حياكم الله عشاكم بكرا عندنا في مزرعتنا والأهل معكم
ابو ذياب : الله يبقيك أن شاءالله
جاء ابو حسن وهو ضايق صدره
عناد : ياخال ادعي له ولا تزعل وان شاءالله يتغير وانا شفت الندم في عيونه ويكون له درس
ابو حسن زاح شوي من همه : أن شاء الله وطلع ولحقوه العيال
عناد نادا مطر يبغى رقم جواله علشان يرسل له موقع المزرعه وأعطاه الرقم وراح

في بيت ابو عناد

ام عناد كانت فرحانه جدا واخيرا بتشوف اخوانها لها ثلاث سنوات ماشافتهم بسبب تشددهم ونقدهم على بناتها
غاليه : يمه تتوقعين تغيروا
أم عناد : والله ما ادري
عنود : ما اعرفهم ابدا حتى أسمائهم يالله يالله اعرفها اصلا
ابو عناد كان يعزم الرجال أن عنده بكرا عشاء في مزرعته وعزم ابو راكد وعياله
وكذلك إم عناد عزمت الحريم وكانوا منهم ام راكد وبنتها وحريم عيال ام راكد
ساره : بنات وش بتلبسون
غاليه : فستاني الوردي ذاك القصير وانتي؟
ساره: واو مره حلو وانا فستاني الاسود ومن تحت ابيض
غاليه : ايوا مره حلو ويبغى له ويفي بيطلع عليك نار
عنود : انا بلبس فستاني الازرق القصير
ساره : الي شريتيه قبل يومين
عنود : ايوا
غاليه: يجننن مره