انا الشموخ اللي تحدى الانكسار وانا العناد الصعب لو اني جريح

البارت الثامن

عند الرجال
عقاب وعناد كانوا يسولفون عن الشغل والا فجاءه عقاب جواله يدق وكانت شموخ وكاتب شموخي💞
ورد
شموخ: وينك
عقاب بهمس : عند الرجال
شموخ : يالتيني ماجيت ذي العزيمه
عقاب ضحك: ليه
شموخ وهي متقرفه : اخت زوجة فارس غثيثه وش وش رايك توديني البيت لاني لو قعدت ثانيه بقتلها
عقاب : هيا لأني اخاف تذبحينها منجد
شموخ ضحكت : بروح البس عباتي وأشوف البنات يمكن يبغون يروحون البيت
عقاب : يالله وقفل المكالمه وقام
عناد ؛ عسى خير
عقاب : بروح اودي الاهل البيت
عناد وقف : والله حتى أنا بروح اوديهم وراحوا
لأن خلاص نص المجلس راحوا

عند شموخ راحت عند ترف والجوهره ويسرى وقالت لهم أنهم بيرحون البيت وراحوا لبسوا عبايتهم وتنقبو وام راكد وام ترف بيجلسون عند ام فارس شوي
طلعوا البنات وبصدفه قابلوا غاليه وساره وعنود طالعين وسلموا على بعض وكانت شموخ ماسكه الجوال تراسل مروى الي راحت بيتهم قبل شموخ ويحشون في ماريا
ترف دقت شموخ : نزلي الكعب مخليك طويله بزياده وانا عندك كاني بنتك
شموخ ضحكت : انزله في الشارع
غاليه : اتخيلك تمشين بدون حذيان
شموخ ضحكت : لا تتخيلين تكفين
ساره : غاليه شوفي عناد مع واحد كيف نكلمه
شموخ : ذا اخويا زوج ترف
غاليه : طيب كلمي اخوك علشان عناد يشوفنا
شموخ نادت عقاب ولفوا عقاب وعناد
عقاب استأذن من عناد وركب السياره ترف و شموخ
وكل وحده ركبت مع زوجها
وصلوا البيت ونزلوا

(قاعده اختصر لكم لاني ما ابغى الروايه تصير منحرفه ههههههههه)
وعند راكد ويسرى صار لهم نفس الي قبلهم ( خلاص معد راح أتدخل فيهم واحط ذا‼️ راح أسويها للابطال فقط )

عند شموخ الي كانت تسولف مع مروى وفاتحه الكاميرا في المطبخ تسوي شاهي
مروى : وعوووه ولا فستانها حاجه ثانيه
شموخ : فستانها استحي أفكر فيه ولا البسه في غرفتي
مروى : اختها احلى منها بشوي وهادئه
شموخ : امهم مشكلتها شايفه نفسها
مروى : ايوا لاحظت أن نبرتها فيها من الغرور
شموخ : حتى ياليت انها جميله حتى
مروى : ماريا وأمها لا جمال داخلي ولا جمال خارجي
شموخ : ايوا ويوم دخلت المطبخ اسوي وشاهي للرجال دخلت ماريا جات تسالني انتي مين قلت لها اسمي وسألتها ايش اسمتس قالت ماريا وقلت بالغلط وش الفرق بينتس وبين ميري قالت وش قصدك وقلت لها سلامتس 
مروى ضحكت : احححححح يالجراءه
شموخ : اقول لك جبت العيد
مروى : بكرا الحمدلله عندي اوف
شموخ : ياحظك
مروى : محد قال لك ادخلي تخصص الطب  وش ذا التخصص الله يعينك
شموخ : يالله هانت باقي سنه واخلص واشتغل واصير احسن دكتورة جراحه
مروى : دخلت حاسب وبقعد في البيت بدون لاشغل ولا مشغله
شموخ ضحكت : ونسيتي سويلم والزواج
مروى : توها جاتني لحظة ادراك اني بتزوح
شموخ فطست ضحك
مروى وهي تدعي : يارب تتزوجين بعدي
شموخ : أنا وراي مستقبل متى تفهمون
مروى : يمكن يكون مستقبلك الزواج
شموخ بقهر : انقلعي لاتخليني اعطيتس بلوك
مروى بضحك : امزح امزح معاك يابنت الحلال
شموخ : مع السلامه ياقلبي
مروى : مع السلامه
وقفلوا من عند بعض
مروى كانت تحس ان شموخ تودعها وكأنها ماراح ترجع ولكن تعوذت من الشيطان وطنشت