انا الشموخ اللي تحدى الانكسار وانا العناد الصعب لو اني جريح

البارت السادس عشر

(السلام عليكم مساءءءء الخير رجعت ومعي احداث ناررر 💃🏻🫡
لاتنسون التفاعل🫂)
سياف كان يناظر شموخ نظرات حب وهيام وكل شي : اهخخخ يالبيييه !! وربي مدري كيف تطلقت في أحد يطلق ذي ؟؟ اااه بس
الا يدق جواله يشوف عناد داق عليه قال : البلشه الحين !
ورد عليه : هلا عناد
عناد : كيفك يالنسيب
سياف قطب حاجبه: نسيب ؟
عناد ضحك : خلاص انت لاختي
سياف : ياولد قلت لك النعم فيك وفي اختك انا مابي غيرها
عناد ابتسم : امزح امزح المهم انا بجي عندك اليوم !
سياف وهو كاره تصرفات عناد : حياك
عناد: الله يبقيك
سياف : يالله مع السلامه
عناد : مع السلامه
سياف قفل وقال : ذا وراه شي وبعرفه!! ياكرهي له ولزوجته
وراح دخل الحمام أكرم الله القارئ ولبس ثوبه وراح يصلي الفجر وصلى وخلص دخل المطبخ سوا له شاهي طلع الحوش شاف الجو غيوم وباين أن بيجي مطر وكان برد وشب النار يسوي خبز وهو فنان في الطبخ وقهوه سعوديه وحط المشمع ( الفرشه ) في الحوش وصحى أبوه وإخوانه وصلوا وجلسوا

ابو سياف : الأجواء ماشاءالله زينه !!
طارق : يبي له طلعة بر وكشته !
جابر : اي بالله!
جميل : والله يبي له مره
ابو سياف رماه بالنعال : أعقب !!
جميل بوجع : اقصد امي الله يحفظها!
طارق همس له : الترقيعه يبي لها ترقيعه
سياف اللي كان يهوجس
طارق غمز لسياف : سيافي شعندك هواجس وكذا ؟
سياف انتبه : ولددد !!
طارق طنشه : يبه
ابو سياف : خير ؟
طارق : ابغى اتزوج!!
ابو سياف : بدون وظيفه ؟ نبلي البنت
جميل : احنا يالله يالله مستحملينك تبي وحده تستحملك !!
سياف ابتسم : يبه
ابو سياف : سم
سياف : والله يايبه ابغى أخطب
العيال انصدموا
جابر : اللعب متاكد انك سياف ؟؟
جميل : يمزح يمزح الله يسعده اخوي
طارق : هههههه خفيف دم
سياف بجديه : ترا ما امزح !! صدق يبه
جات ام سياف : هلا
جميل : يمه سياف يبي يخطب !
ام سياف بفرح : مبروك مبروك ياولدي ابشر لا ادور لك عروسه ليش ادور وداليا بنت عمك موجوده!!
سياف بحده : طيب خلوني اكمل كلامي !
الكل : كمل
سياف : البنت موجوده !
ام سياف وأبو سياف : مين ؟
سياف : بنت مطلق
ابو سياف ابتسم : والنعم والله
ام سياف كشرت : ليه ؟؟ لو اخذت من بنات عمانك كثيرين !!
ابو سياف : خلاص اتركي الولد !!
سياف : ماراح أخذ غيرها
ابو سياف : خلاص نخطبها لك اليوم ونشوف عاد !!
جابر : وانا طيب
ابو سياف: انت معروف انك لنورا بنت عمك
ام سياف : اي خليك احسن من اخوك خذ بنت عمك
جابر ابتسم : أن شاءالله
جات امواج: صباح الخير
الكل : صباح النور
طارق : تعالي تعالي شوفي الخبر
امواج بحماس : وش وش ؟
طارق قال لها كلشي
امواج : أما شموخ ؟ بعيده عليك ذي هههههههه
ام سياف بكبرياء: تحمد ربها اصلا أن جاها سياف ولد ماهر !!
امواج : ماما بلا مزح !! اصلا شموخ عايشه احلى عيشه ودكتوره ودلوعة ابوها واخوانها
سياف : انتم الحين خططتوا بتوافق ولا لا
ابو سياف للعيال: هيا ياعيال كالعاده لازم نشوف العزبه
الكل قام
جو صفاء وليان وريفال
وأمواج علمتهم السالفة
ريفال بصدمه : الدلوعه المزيونه تتزوج واحد عصبي معقد ! ياخراشيي مستحيل توافق
ليان : كايلي والشايب !!
صفاء ضحكت : لا ماتخيل شموخ مع سياف
ليان بتفكير : انتم مافكرتم وين شافها ؟ وكيف عرفها ؟
ريفال فزت : لا يكون شافها
امواج : اكيد شافها بالغلط هههه
صفاء : واكيد ولدنا راح فيها بالله شاف كل ذا الجمال ولا اغمى عليه
ليان : قام حظه من سمر الشيفه لشموخ المزيونه
ريفال : وهي بتوافق اساسا ؟ عاشت تجربه ولا بتعيشها ثاني راحت ثقتها بالرجال اتوقع !
امواج : كلام ريفال صحيح هي بتخاف بعد تجربتها الأولى وطلاقها يعني
صفاء : أحسها ماتحب سيرة الزواج ابدا !! وانا مالومها
ليان : جابر بياخذ نورا بنت عمي حظه زققق
ريفال : لحجيه ماتعرف تلبس ولا حاجه !!
امواج ضحكت : تتذكرون لما لبست جينز وتنوره مع بعض اهخخخ ياربييي !!
صفاء فطست ضحك : اااه ماراح انسى وحاطه شباصه ورده كبيره!!
ليان بضحك :والكعب اصفرر
ريفال : ليتها تمشي زين عليه
ام سياف : خلصتوا ؟؟
ليان : حافظين كل وحده تروح تنظف
ام سياف : ايي شاطره خليك حافظه بدون أفعال بس اقوال !!
البنات وقفوا
ليان لريفال : امي ليش تحب بنات عمي ؟؟
ريفال بتقليد : ليش تحب بنات عمي ! اقول امي بس علشان ابوي ولا هي ماتطيقهم وعلشان الفلوس كمان
ليان: الله مو معقوله ابدا!! احسهم ماسكين على ماما شي
ريفال ضحكت باستهزاء : يالله الافلام مو جوي ابد !!
ليان مشت : احساس فقط
ريفال : لا عاد تحسين بالمرررره
صفاء بشك : احس كلام ليان صح مو معقوله يعني!!
امواج : اقول كل وحده تروح تنظف بس
للبنات تفرقوا وكل وحده استلمت شغل البيت