انا الشموخ اللي تحدى الانكسار وانا العناد الصعب لو اني جريح

البارت السابع عشر

(يقول عبدالله السالم)
فزيت يوم إطريت عندي وصديـت
عن عبرتي خايف يشوفون ماهـــا

هيظت قلب(ن) في بروجه تعاليت
رميت روحي يا بعد من رماهـــا

كانك تغلى عن حبيبك وليا جيت
تكويه في نظرة عيونك لظاهـــا

خاب الرجى في عشقتي آه ياليت
اقوى على نفس(ن) وصالك امناها

خذيت بعيونك غرامي وقفيــــت
وقفت وراك الروح تتبع هواهــا

أبتحمل وخفي شقى ليه طريـــت
وبدي بحالي ياحسايف غلاهـــــا

في الليل الساعه ٧
شموخ اللي اعتذرت من مروى انها متقدر تجي عندها وطول الوقت تبكي في غرفتها بعد سالفة امها وابوها مو مصدقه ابدا !!

سياف اللي يهوجس وذي مو عادته بعد ماشاف شموخ صار بس يفكر وماخذه التفكير بقوه حتى وقت النوم كله تفكير يقول قصايد حب او خلونا نقول يكتب عنها قصايد ويدعي انها توافق عليه

نروح لهم يلاااا

سياف اللي قاعد يتكشخ الثوب والشماغ( ياعزتي له)
ويتعطر وكان شق مزززززز نزل تحت
ريفال صفرت : اويلييي العريس طالع خقه
ليان همست : على طول عريس ؟
ريفال دقتها : تسليك علشان مايتعقد
ام سياف : ماشاءالله ياوليدي بسم لله عليك من العين !!
ساره : وين ابوي ؟
ابو سياف نزل : هنا
صفاء جات ومعها المبخره تبخر فيهم
جابر : يالله
طارق وهو منسدح : سياف متاكد انها بتوافق ؟ ياخي حماسك كانك بتقابل كرستيانو ولا ميسي
تراها بنت
ريفال : ليه مستنقص البنات ؟ ترا البنت تخليك تبكي ايام !!
طارق : تخسي ! أنا رجال مستحيل تجي بنت وتخليني احبها
صفاء : اتحدى بس
جميل : ذا كذاب العامله إذا جات استحى
الكل ضحك
سياف بضحك : جميل صادق
طارق : أنا آخر واحد بيتزوج
ام سياف : يصير خير يصير خير
جابر وسياف وأبوه راحوا للبيت ابو راكد بعد ماعطوه خبر انهم بيجون عندهم

في بيت ابو راكد
عند شموخ الي وجهها احمر وشعرها رافعته فوق وباين أنها كانت تبكي غسلت وجهها وتوضت للصلاه العشاء وصلت وقرت قرأن ونزلت تحت وشافت أمها نسولف مع يسرى وترف أما الجوهره تعبانه راحت عند اهلها

يسرى باستغراب من وجه شموخ : شفيك انتي ؟ تعبانه ؟
شموخ وهي تحس شوي دوخه : لا مافيني شي
ام راكد بحنان : تعالي
شموخ راحت عندها وانسدحت عند رجولها ومعاها شرشف خفيف تلحفت فيه ونامت
ترف : شكلها تعبانه ياعمري
ام راكد : فيها حراره
يسرى : اعطيها حبوب مهدي
دخلوا عقاب وسويلم بعد ماتنحنحوا وتغطوا البنات
سويلم ناظر شموخ اللي نايمه على رجول امها : شفيها شموخ ؟
ام راكد : تعبانه
عقاب : طيب خليني اوديها المستشفى !!
ام راكد صحت شموخ : شموخ يامك قومي روحي مع اخوك المستشفى !
شموخ بتعب : لا ماني تعبانه خلوني انام
عقاب : شوي برجع لك عندنا ابو سياف وعياله سووا القهوه وراح
سويلم ناظر شموخ مو متعود : شموخ وش تحسين فيه ؟ سخونه اسوي لك أحلى شاهي الحين
شموخ وهي الدنيا قافله على وجهها من السخونه والتفكير ولا قصة امها وابوها ولا أختها المجهوله : ابغى شاهي
سويلم : والله يجيك أحلى شاهي
شموخ ضحكت : ياخي انت تضحكني في اخس ايامي بوسات لك
سويلم : يلبى بس دقائق ويجي لك أحلى شاهي وراح يسوي لها شاهي عليه حبق وسواه وراح لها بسسرعه وهو يغني : حبيبي اجاني غباشي !
شموخ بصوت مبحوح: يراود بوسه على الماشي
وكانت تصورهم ترف : اووه علاقتكم تجننن
شموخ باستها من بعيد : بوسات لك عن بعد
سويلم : الاغنيه اللي غنيتها تذكرك بمين ؟؟
شموخ : عبدالعزيز ادواردو العشق (اااخ من الشوق 😓)
يسرى :لازم الكوره في كل موضوع عند سويلم وشموخ هههههه
سويلم : شي اساسي هههه
شموخ : سويلم شفت كانسيلو ؟؟
سويلم بحماس : اي اي جاء الهلال وماركوس كمان ومتعب الحربي
شموخ : متعب أخذناه من النصر طرق !
سويلم : اكيد
يسرى جابت القهوه واعطتها سويلم يوديها عند الرجال وراح