انا الشموخ اللي تحدى الانكسار وانا العناد الصعب لو اني جريح

البارت الثالث عشر

في سيارة شموخ البنات كانوا مبسوطين ومشغلين اغاني
شموخ وهي تغني :
من بعد مزح ولعب
اهو صار حبك صحيح
اصبحت مغرم عيون
وامسيت وقلبي طريح

وكان الوضع فله وضحك والبنات ماخذين شموخ محتوى في الستريك ونزلوا المول يشترون اشياء
أما شموخ شافت سيفورا وعلى طول راحت له وأخذت مكياج واشياء والبنات راحوا لمحل الملابس وبعدها شموخ دفعت وراحت للبنات واشتروا عطورات واكسسوارات

عنود بتعب : اهخخخ جوعانه
شموخ بضحك: بيجي احلى مندي
البنات : تم
غاليه : شفت مطعم قريب من هنا
شموخ : تمام يالله خلونا نروح للسياره
البنات ركبوا السياره وحركت شموخ للمطعم حجزت  غرفه علشان يتعشون فيها
شموخ : عطني ١ حمضيات و٣ ببيسي ونفرين لحم  واذا جهز حطه عند الباب ودق الباب طيب ؟
العامل : طيب
شموخ راحت الغرفه او نقول الجلسه ذيك حقت المطاعم القسم النسائي
مروى : بنات شفتوا سياف ؟!
عنود : يجنن يجنن
غاليه : اههخ بس
شموخ باستغراب : مين سياف !!
مروى : ماتعرفينه ؟
شموخ : لااا !!
عنود : امااا ؟
شموخ : اي ماعرفه !! ليش منهو ؟
غاليه : اشهر عسكري عندنا هنا اههخخ طول وغمازات وعيون جميله كانه لاعب الهلال روبن
شموخ : أما روبن مره وحده !! ماعندكم سالفه
مروى فتحت الجوال : بوريك صورته
شموخ : طيب
مروى ورتها الصوره وهو يدخن
شموخ بضحك : يعني طيب ! هو حلو لكن زي روبن وين ؟؟
مروى : تراه سكن نفس حارتكم واتوقع جاركم
شموخ : تبيني اروح اصوره لكم يعني ولا وش؟
غاليه : فكره حلوه
شموخ : علشان يجيني احلى كف حلو من اخواني
البنات ضحكوا
دق الباب
شموخ : وحده منكم تروح تجيب الاكل
عنود راحت تجيب الاكل واستلمته والبنات مدوا ( هم يقولونها سفره ولا صفره ؟! مدري اتمنى انكم فاهمين ) 
غاليه : دقيقه بصور
غاليه صورت وكمان صورت شموخ وهي تسوي حبتين ✌🏻
شموخ وهي تاكل : اوف ماجربته المندي حق ابوي طعمه يجنن ولا واحد يقدر يسويه زيه
غاليه بضحك : ويحد
شموخ : ماقلت ويحد ياخرا !!
مروى : شموخ كم رقم قبيلتكم ؟
شموخ : خمسه واحد واحد
عنود ضحكت : قالتها قالتها ويحد
غاليه قاعده تصور هوشتهم
شموخ : قلت واحد مو ويحد اللحين لاجيب اقرب حذيان اصقعها في راس وحده فيكم
عنود بضحك : تمام تمام توبه خلاص
مروى بضحك : خمسه ويحد ويحد
شموخ بعناد: ويحد ويحد وعندكم شي الحين ؟
غاليه حفظت الفيد : لا خلونا ناكل زي الناس
البنات قعدوا يتعشون ويسولفون ويضحكون
وخلصوا وطلعوا شموخ وصلتهم بيتهم وكانت الساعه تسعه وقالت بتمر بشتري قهوه v60 لها ول احمد لأنهم بس هم اللي يشربونها في البيت وأخذت حلى وحركت السياره ووصلت بيتهم وشافت سيارات عند بيتهم وطنشت وأخذت الشنطه والقهوة والحلى حقها اما اغراضها خلتها في السياره بتنزلها شوي دخلت البيت الا تسمع أصوات الرجال ودخلت الصاله شافت امها جالسه على الجوال
إم راكد : هلا شموخ يمه وينك تاخرتي
شموخ جلست : والله رحنا المول وتعشينا وسولفنا يعني غيرت نفسيتي
ام راكد : ماشاءالله 
شموخ :  الا يمه من اللي عند بابا
ام راكد : جيراننا الجدد ناس ادب واحترام بكره بنروح عندهم
شموخ شالت عبايتها : بكره عندي تدريب اهخخخ يالتعب
ام راكد : هاذي القهوه وشلون تشربينها
شموخ : اعشقها اموت فيهااا
ام راكد هزت راسها بتعب من شموخ
شموخ فتحت الحلى : مامتي خذي من الحلى
ام راكد : لا مابغى
شموخ فتحت جوالها تدق على احمد
احمد بهمس : هلا شموخ
شموخ : تبي قهوه جبت لي ولك
احمد ابتسم : كفو شموخ بجي الحين
شموخ قفلت وقعدت تستنى احمد
جاء احمد : فاهمتني فاهمتني
شموخ ضحكت : افهمك ليه مافهمك
احمد أخذ قهوته وقال بتلذذ : امممم يالبى
ام راكد بنقد : الله لايبلانا صدق مابقي في عقولكم شي
شموخ ناظرت احمد : تسمع اللي اسمعه
احمد بتمثيل التأثر : اهخ يايمه ما توقعتها منتس
شموخ وهي تصور نفسها
وجاء سويلم ضربها على ظهرها شموخ فزت من الضربه وقعدت تركض ورا سويلم الا صقعت في واحد ماتعرفه وكلهم مبلدين وشموخ ركضت على طول وقالت بصوت مسموع  : اهخخ يارب عساك تطيح ياسويلم أنا شكلي صقعت في كل العيال اهخ ياربيي وقالت في نفسها ذا سياف اللي ورتني صورته مروى
أما الرجال ( سياف 😉) كان يضحك على كلامها
ومانسها شكلها