انا الشموخ اللي تحدى الانكسار وانا العناد الصعب لو اني جريح

البارت الرابع

في ديرة الغروب عند ذياب
ذياب بعصبيه:انتي ماتفهمين لين متى وانا اقول لك اني ما ابغى غدا انقلعي
مباركه بخوف :ابشر
وراحت
مريم ناظرت مباركه: ملينا من ذياب ذا الين متى يعاملنا كذا واحنا ساكتين له
مباركه: خلينا نصبر وإذا مانفع أنا عن نفسي بروح بيت اهلي
مريم :اي والله بس اخاف ياخذ البزران مننا
مباركه : لا معليك الا يامريم ماشفتي البنت الحلوه الي اليوم في العزيمه
مريم : ايوا ماشاءالله جمال وطول وجسم الله يحفظها لاهلها
مباركه : ماشاءالله
وقعدوا يسولفون وذياب يفكر كيف ينفك من الزواج ذا ويقنع أمه تخطب منال له
بس هو ناوي على شي

مكان غريب

كان يفكر يبغى ذياب يملك على شموخ ويسوي شي يوقف الزواج ويأخذ المشيخه حقت مطلق لأن الشيخ غربي حلف اذا ماتم الزواج راح يعطي المشيخه لحسن
جاء صديق حسن اسمه غيث
غيث بخبث : أنا وافقت على الخطه لكن الفلوس ياذيب
حسن ضحك بخبث:كفو والفلوس بتجيك لكن بعد الخطه
غيث : بس ي انها قويه كيف جات في بالك
حسن :هههههههههه شكلك ماتعرف حسن
غيث :خطير خطير ياحسن بس بسالك
حسن:وش
غيث غمز :البنت حلوه !
حسن بهيام:ياعليها عيون ومشيه موت
غيث ضحك بخبث :جبتها جبتها يالمحزم المليان
حسن :ههههههه ياحبك للنسوان ياغيث
غيث:وفي أحد ما يحب الحريم
وضحكوا كلهم

عند الشيخ غربي وإخوانه
ابو حسن: والله عيب عليك كيف تتكلم على ضيف عندنا
الشيخ غربي: وش قلت له غير الحقيقه
ابو سليمان :بس يمكن بنته ماتوافق
الشيخ غربي ضحك : راح توافق علشان ابوها
ابو حسن وأبو سليمان هزو روسهم يسلكون لا اخوهم

عند الشيخ مطلق وإخوانه
ابو عايض :خلاص مادام البنت وافقت ليش شايل هم
الشيخ مطلق: انت ماشفت ولده باين ناوي على شي
ابو سالم :معليك ياخوك بنتك قويه ماينخاف عليها ماشاءالله
الشيخ مطلق هز رأسه

عند شموخ وترف
ترف : عادي سنة الحياه
شموخ لفت عليها بحده : سنة الحياه وانا متزوجه علشان قبائل
ترف قمطت العافيه : والله مدري بس وش رايك نسوي حلا وقهوه ونروح لبنات الديره متجمعين اليوم
شموخ بقرف :تخيلي نلقى سماهر الحصنيه
ترف :معليك طنشيها
شموخ : يصير خير
وراحوا يسوون الحلا

عند العيال
عقاب : وش نسوي يعني كيف نوقف الزواج ذا
راكد: احس راح تصير شي ويوقف ذا الزواج ولكن ذا الشي مضر لشموخ
احمد : اعوذ بالله من احساسك
مساعد :ياراكد احساسك دايم صح
سويلم : ذياب ذا رمه واختي بتمسكه بتجلده
احمد ضحك : ما اتخيل شموخ ماسكته وتجلده زي عقاب لما جلده
سالم : أما عقاب طلع الحره كلها فيه
خالد : وجه ذياب مفقع ومقهور وعقاب مبتسم والغمازه وكذا احس حاقد مره
ضحكوا كلهم وعقاب مبتسم كل عاده ما يحب يضحك كثير زي شموخ فيها البرود والحده زي اخوها وهم المقربين لابوهم كثير