انا الشموخ اللي تحدى الانكسار وانا العناد الصعب لو اني جريح

البارت السادس

قررت اني اكمل لكم💓

عند شموخ ومروى
شموخ : حشى كأننا مجرمين راكبين مع عسكرين (تقصد هايف وعناد كانوا لابسين البدله العسكريه لأن توهم جو من الشغل )
مروى ماتت ضحك
شموخ باستغراب : علامتس يامره ماقلت شين يضحتس!! اعترفي وراتس شي؟
مروى: بقول لك شي
شموخ هزت راسها
مروى : تعرفين عناد ذا معاه فلوس كثير وغني ولواء ماشاءالله ويقولون إن بنت عمه تحبه وعلى كلام جده أن عناد لبنت عمه من زمان
شموخ : طيب وانا شسوي
مروى: العلم مو كذا
شموخ :وش طيب !
مروى : السالفه أن هو مايبغاها وهي تموت فيه
شموخ : امااا حرام عليه
مروى : تراها خبيثه
شموخ : انتي وش دارتس
مروى : هايف علمني
شموخ : عاد انتي وهايف درجه اولى نقالين علوم
مروى : خير!!!! احمدي ربتس أن عندتس صديقه مثلي
شموخ ابتسمت ببرود: اما عاد صرتي تهرجين مثلنا ماتوقعتس
مروى : عاد تعودت على كلامك
افطروا البنات والعيال كذلك عدلوا نقابتهم
وطلعوا ولقو عناد وهايف يستنوهم في السياره ركبوا
هايف ضحك : هااا شموخ كيف عقابوه الخاين سحب علينا من تزوج
شموخ ببحه : طيب لكن لاتسب نظر عيني ما ارضى عليه
هايف بمزح :دزي بس
شموخ ببرود. لأن ماتحب تتكلم مع عيال  :لاتخليني أعلم عليك عقاب وسويلم ويمسكونك وتندم
هايف بتمثيل الخوف : اقول اخوانك العمالقه ذولا بيكسىروني
شموخ : لا بخليك تقول بلهجتنا بسين
هايف بتسليك : عاد لهجتكم ياحلوها
مروى ضحكت

عناد كان يناظر عيونها الوساع من المرايه حقت السياره بإعجاب وكان يشوف ثقلها مع هايف ما تعدت الحدود معه كان معجب بشخصيتها

وقفوا عند فله كبيره ونزلت شموخ
وعناد قال في نفسه ماشاءالله بيتهم اكبر من بيتنا
وحركوا ودخلت شموخ البيت ولقته هادئ والكل بشغله وغررت انها تسوي الغداء اليوم هي وراحت غيرت ملابسها ولبست بجامه ناعمه سوداء وحطت طوق على شعرها ولبست شراريب وحذيان بيت أكرمكم الله وتعطرت بعطر الياسمين الهادي ريحته يجنن وشغلت شيلة فلاح ونزلت الصاله وراحت المطبخ وهي تتمايل على شيلة فلاح
( مطنوخة الزين كله والدلع والحنان
الغاده الي سبت عقلي وفكري سبي
من زينها الطاغي يغارون كل الزيان
العنق عنق المها والعين عين الظبي)
دخل عقاب ويشوفها وهي ترقص وتسوي الشاهي  بروقان
شموخ لفت عليه وابتسمت : هلا بقلبي وروحي ونظر عيني
عقاب حضنها : قلبي انتي يا اخر عنقودنا
شموخ : وين تروفتي ورعودي
عقاب حط يده على خصره: لا والله وياء التملك ذولا حقي انا وبس
شموخ ضحكت : الله يحفظهم لك
عقاب سلم على رأسها : ويحفظك لي
شموخ : امين وياك
دخلوا سويلم وأحمد
سويلم : لا والله متجمعين بدوننا
احمد بتمثيل : شفت ي اخوي الخيانه
شموخ بدلع : سلومي
سويلم ناظر إخوانه : تبغى شي وناظر فيها هاااا غردي
شموخ : أبغاك توديني السوق أنا وصديقتي
سويلم : على خشمي
شموخ : يسلم خشمك ياشيخ وسلمت على خده
عقاب : الله الله الدلع كان لي صار للخرا سويلم
سويلم : انقلع ياشيخ انت متزوج وانا قريب أن شاءالله
شموخ : من ببتزوج ؟
سويلم : خلي فتاة احلامي تجي بعدين
شموخ : ما بتكلم علشان توديني السوق
احمد : فتاة احلامك في الحلم أما هنا ماعندنا فتاة احلامي
عقاب : احمد وانت وش فتاة احلامك على قولة التيس الي جنبك
احمد : اصلا أنا بقعد عزابي كذا
وناظروا شموخ كلهم
عقاب : هاا شموخي وش فتى احلامك
شموخ : اصلا أنا وراي مستقبل عالي وليه اتزوج واخرب مستقبلي وانا توي عمري ٢٣ باقي لي سنه واتخرج واشتغل دكتوره
احمد : كفو
سويلم : احمممممم اصلا امي قالت بتخطب لي
ناظروه كلهم بصدمه
عقاب : من بنته
سويلم : صاحبة شموخ بنت ماجد
شموخ صارخت : مروى
سويلم طق راسها بخفه : ايوا
شموخ نطت : اخيرا مروى بتجي عندنا في البيت ماشاءالله اخواني كلهم بيتجوزون
احمد : الا انا وانتي
سويلم : احمد انت بعدي راح تتزوج احساسي يقول
عقاب : وانت وش دراك أنها بتوافق
شموخ : الله لايعطيني ثقتك
سويلم : في أحد مايوافق على محامي جميل غني
شموخ هزت راسها وركض وراها سويلم وقعدوا يركضون ورا بعض والكل يضحك
ابو راكد ضحك: ياسويلم انت ببتزوج وذي حركاتك
سويلم فز وجلس
والكل ضحك
راكد : يوم الزواج تفز كانك خيل
شموخ : قول ماشاءالله لايصيبه شي ونروح فيها
سويلم : ياقلبي خايفه علي
شموخ : اكيد اخوي وشلون ما اخاف عليك
مساعد : ياشموخ سوي شاهي
شموخ وقفت : ابشر
مساعد : الله يبشرك بالجنه
راحت شموخ المطبخ ولحقوها البنات
ترف : بنات عمتي اليوم رايحه تخطب لسويلم لازم نتجهز
الجوهره : ماشاءالله الله يوفقه
الكل : امين
شموخ وهي تحط السكر : يابنات وش بتلبسون
يسرى : تنوره وبلوزه 
الجوهره : فستان هادئ
ترف : بنطلون وبلوزه وانتي ؟
شموخ : بنطلون بيج وبلوزه بني علاقي
الجوهره : واو روعه
يسرى : بنات عندي لكم سالفه
البنات بحماس : وش
يسرى : تعرفون ام فارس
شموخ : ايوا وش فيها
يسرى : ولدها راح المانيا وجاء السعوديه بعد سنتين وطلع متزوج وحده امها اجنبيه وأبوها سعودي  وعنده ولد وبنت وجابت امها اختها الي عمرها ٢٦ معها لان ابوها مات الكل يمدح جمالها
شموخ ضحكت : هاذي نهاية الي يتشمتون في عيال الناس
الجوهره : ايوا أتذكرها تتكلم على ولد جبير أنه تزوج وحده اجنبيه
ترف : ودي اشوف البنت
يسرى : مسويه عزيمه بكرا بتروحون؟
شموخ : والله مدري بس بنتها زميلتي في الجامعه فضيحه اني ما اروح
الجوهره : خلاص نروح كلنا
ترف : طيب
شموخ : امي تدري
يسرى : ايوا