الصباح<قصر آل زايد>
قاعدين يفطرون بهدوء
وتكلم الجد عبد الرحمن: اسمعوني قررت قرار بما ان راجح وريما بعيدين هنا بالشرقية اني اجيبهم هنا يستقرون معنا
هاجر: كيف يعني؟ اشغالهم وكل شيء هناك وكمان ريما زوجها هناك احس صعبه
عبد الرحمن: نقلت شغلهم هنا عادي وريما كلمت زوجها ووافق بس طلب بيت لحاله ما يبي بالقصر معنا بس اهم شي تكون ريما قريبة منا
عاصف ناظر ابوه: يعني انت سويت كل شيء ونقلتهم؟
هز عبد الرحمن رأسه
فيء بفرح: يعني يقين بتسكن معنا؟ الله متى رح يجون جدو؟
عبد الرحمن: يوم الخميس ان شاء لله وعاد فتون وهاجر ابيكم تجهزون القسم لراجح وقسم ثاني مؤقت
لان ريما بتقعد عندنا اول اسبوع ان شاءلله
هزوا رؤوسهم وكملوا يفطرون
قامت فيء: يلا انا استأذنكم بطلع لدوامي دانة الحقيني
وضبطت نقابها وطلعت ودانة لحقتها
____________________________________
بيت راجح>
راجح: يوم الخميس وانتم مجهزين كل شيء بنمشي
هزت ناديه رأسها: ابشر
وقاموا يتجهزون بفرح طبعا بدون منيرة لأنها كارهة ذا الشي
___________________________________
<بيت ريما>
ريما: طيب ليه ما نسكن معهم وش المشكلة؟
ضاري(زوجها): اقول احمدي ربك خليتك تروحين كيفي ومابي اسكن معهم لا تخليني اغير رأي الحين
تنهدت ريما يقله حيلة وسكتت
______________________________________
تسريع الاحداث~ يوم الخميس
قصر آل زايد>
ريحة البخور منتشرة بكل مكان والكل مستنفر للعزيمة الي سواها الجد عبد الرحمن (طبعا آل مترك معزومين)
والخدم بكل مكان يشتغلون ويجهزون الاكل
غرفه فيء>
فيء بصراخ: دااانننةة يا زق جيبي الفير حقي
دانة بنفس النبرة: خليني اخلص طيب وتعالي سوي لي الايلانير بليزز
فيء: اخخ طيب وجع
درعمت عليهم هاجر: بنات وين الروج الاحمر؟
صفرت فيء باعجاب: اوف اوف ايش ذا الجمال اذوب انا ترا
ضحكت هاجر وغطت وجهها بيدينها: استحي ترا استحي
ضحكوا البنات عليها ومدت لها لها دانة الروج
وكملو البنات يتجهزون
وصف بسيط للبس البنات~
فيء[فستان اسود عاري الاكمام وشاد من الخصر ومنفوش لتحت شوي وشعرها ويفي من تحت ومكياجها حاد وبرز ملامحها]
دانة[فستان ازرق شاد من الخصر وفيه فتحة في الصدر وقصير لين الركبة ومكياجها خفيف وناعم وشعرها فير كله]
هاجر[فستان وردي راسم جسمها رسم ومحليها وشعرها القصير فير ومكياج ناعم بارز ملامحها]
وخلصوا تجهيز ونزلوا تحت
فيء وهي تدور: ماما شرايتس ببنتس؟
فتون وهي تضحك: عروسه صدق ما شاء الله بس بنات حصنوا نفسكم
دانة: ابشري ماما
وكملوا تجهيزات واستعدادات
_______________________________________
قصر آل مترك>
قاعدين يتجهزون عشان العزيمة
ماهر وهو ينادي ريتال: رتول وين البخور؟
نزلت ريتال وبيدها البخور: جيتك
اياد وهو يناظرها: ايش ذا الجمال يالبيه يس حصني نفستس ياعيون اخوتس
ريتال وهي تحضنه: يحلوك ياخي تهبل
ماهر وهو يناظرهم بطرف عين: وش ذي القعدة الرومانسيه؟
جمان جت وهي تضحك: غيران حلوي غيران خذ بوسة طيب
وارسلت بوسه بالجو
ماهر وهو يمثل الدوخان: اوف ذبت بيغمى علي
ضحكوا عليه وقاموا البنات يلسبون العبايات عشان يمشون
دخلت جمان غرفتها بسرعة قبل لا تلبس عبايتها تصور كشختها ابتسمت برضى عن شكلها!(بعدين بوصف لكم شكلها)
أنت تقرأ
احلى من العقد لباسه الماسه تلبس الماسة
Actionحاليا «احلى من العقد لباسه الماسه تلبس الماسة» حساب انستا وتيك: i7joo.r
