هربت بسرعة من قدامهم ودخلت القسم الثاني والبنات وراها شافت اخوها سلمان وفزت لوراه بسرعة: سلوم انا في وجهك تكفى
وقفوا البنات قدام سلمان: نعم شتبون؟ هي بوجهي دزوا يلا
نطقت دانة بغيض: رشت علينا مويه قليلة الادب
شهقت فيّ بتمثيل الزعل: افا كنت ابيكم تفطرون انا سويت الفطور
تبدل مزاج البنات بسرعة واتسعت ابتسامتهم وسلمان معهم ناظرت لها يقين: خلاص سامحنك عشان الفطور وراحو للمطبخ ابتسمت فيّ وودت الفطور للرجال والفطور للحريم
عند الحريم ~
كانوا يفطرون ومتلذذين فيه
نطقت عليا: تسلم يدتس يا بنيتي الله يحفظتس لنا
اتسعت ابتسامة فيّ تقبل راس جدتها: الله يخليتس لي ياعيني
وكملوا يكلون
عند الرجال~
ياكلون بهدوء
ونطق يزن: الفطور اليوم واضح من يد فيّ
ضحك سلمان: صادق من يدها
ابتسم محمد بحب: تسلم يدها جعلها ماتمس النار
همس الكل ب: امين
وطبعا بطلنا وقع وماحد سمى عليه من اكلها ومن داخله يبتسم
_______________________________________
بمكان مجهول اول مره نزوره
##: متاكد هذه هي؟ بنت محمد؟
: اي هي نفسها ابيها عندي الاسبوع الجاي
بضحكة خبث##: البنت حريقه
وضحك الطرف الثاني معه: تسلم ايده جاب لنا الشي الي تعور يد محمد
_______________________________________
بالامارات
الماسة وهي تشاهق: بابا لا تقولها ابوس يدج لا تقولها مابي اسمع لا لا لا!
عبد العزيز وهو يتنهد على حال بنته: يبنتي هذه قدر الله مانقدر نعترض ترحمي عليه..
ماقدر يكمل كلامه الا ودموعه تنزل ماقدر يمسك نفسه قدام عياله
والبيت مقلوب فوق تحت حزن
ماتت، ماتت ضوء بيته ام عياله وحبيبة قلبه؛ شيخة
كان عندها مرض خبيث وما اكتشفوا الا متاخر ولللاسف ماقدروا ينقذوها
بعد اسبوع من انقلاب حالهم وايام العزا وقالوا للي بالسعودية
كان وجه الماسة باهت وشاحب والحزن كاسيه
كانت تحب امها قبل ماتكون امها كانت صديقتها وتفهمها بس الحين تركتها وراحت
اجتمعوا بطلب من ابوهم وقعدوا معه
تنحنح عبد العزيز مايدري كيف يبدا: اسمعوا يعيالي ادري مو هين بس هذا قضاء الله وقدره والحين انا جمعتكم عشان الاسبوع الجاي بنرجع السعوديه
ناظروه عياله بصدمة! كيف بعد ماعاشوا حياتهم هنا ينتقلون السعودية صعبة عليهم صعبه!
تتهد من طال الصمت وتكلم: جامعتك يااسير والماسة نقلت لكم هي هناك
وعزام والايهم مافي مشكله شغلكم ينتقل بسهولة جهزوا اغراضكم الاسبوع الجاي بنمشي
وقام من عندهم وهم للحين مصدومين بس مستحيل يعارضون قرار ابوهم
_______________________________________
عند آل زايد طبعا عرفوا بموت شيخة والكل كان حزين ورجعوا لبيوتهم بهذا الخبر المفجع اما الدانة كانت زعلانه والحزن كاسيها بسبب زعلها على الماسة(الماسة والدانة مره علاقتهم قويه!)
غرفه دانة~
تنهدت تدق على الماسة تحاول تغير جوها
دانة بابتسامة حزن: الماستي كيفتس ياعين اختس
تنهدت الماسة تخفي حزنها: الحمدلله دنو متخيله اسبوع وبقابلك!
دانة عرفت انها تخبيه حزنها وتبي تغير الموضوع فجارتها: جد بخليتس تنسين الامارات من تجين بنشب لتس نشبه ونطلع كل يوم ومافي اعتراض
ضحكت الماسة بوسط حزنها: وانا اقولك لا؟
وكملوا يسولفون ودانة تحاول تغير جوها
_______________________________________
بعد 4ايام بدون احداث مهمة~
عند فيصل كان قاعد بمكتبه يشتغل بجهد على معاملاته
وصله اتصال من سلمان: فيصل الحق بسرعة
فز فيصل من مكانه: شفيتس ياولد؟ شصاير!
سلمان بقهر: جمال... جمال رجع و
توسعت عيونه بصدمة من طاريه: وش سوا الخسيس وش صار!!
سلمان: خطف فيّ!
انقبض قلب فيصل من الصدمة والخوف عليها: لحضه شتقول انت! كيف ووين وش صار
حكى له سلمان الي صار وطمنه فيصل انه بيحدد موقعه من المكالمة ويروحون
أنت تقرأ
احلى من العقد لباسه الماسه تلبس الماسة
Actionحاليا «احلى من العقد لباسه الماسه تلبس الماسة» حساب انستا وتيك: i7joo.r
