احلى من العقد لباسه الماسه تلبس الماسة

بارت11

نرجع للواقع
تقدم يزن يبوس راس امه ويعطيها الكتاب راحوا كل البنات لغرفه البندري هاجر بحماس: يلا يلا وقعي
رفعوا البنات جوالتهم يصورون اخذت القلم وهي ترجف ابتسمت بخفوت من شافت اسمه وتوقيعه وقعت وتعالت صرخات البنات بحماس طلعوا البنات لان العريس بيدخل الحين دخل ثنيان ( ابو البندري وريان وابو سلمان وسلمان والجد عبد الرحمن توترت من شافت سلمان معهم تقدم ثنيان بابتسامة يقبل راسها ويحضنها لصدرها تجمعت الدموع بمحاجرها ضحك ريان ينطق هي لا تبكي وتخرب كشختك الحين ويهج منك ضحكت على الخفيف وتوجه لها ريان يحضنها سلموا عليها مع عبد الرحمن وطلعوا وما بقى الا سلمان تقدم لها يقبل جبينها مسك يدها الباردة وجاء بينطق لو لا دخول في ودانة
کشر بوجوههم ينطق: شجابكم؟ اطلعوا يلا
دخلت بعدهم هاجر وهي تضحك: طردة بلا احترم ذي ما احنا طالعين قاعدين على كبدك
ناظرهم بوعيد والتفت للبندري الي كاتمة ضحكتها اقترب من اذنها يهمس: اضحكي اضحكي حسابتس بعدين بعد عنها وهو يغمز تلون وجهه الوان من جرائته وخجلها تقدمت لهم دانة بعباطة توقف بينهم: وخر ياخي المصورة بتجي ابي اتصور ضحكت في وهاجر يتوجهون لهم ودخلت ام سلمان معهم
ثواني وجت المصورة تصورهم سلم على ام البندري وبعدها الكل طلع عشان يتصورون هم المصورة وهي تكلم سلمان لو سمحت يا أخ امسكها من خصرها ولفها لك التفت لها بابتسامة خبث يمسك خصرها وهي تتمنى الأرض تنشق وتبلعها المصورة حطي ايدينك على كتوفه حطت بعد تردد وبدت تصورهم مع حركات ثانية طلع سلمان للرجال ودخلوا البنات على البندري يتصورون معها جاء وقت الزفة مسك يدها يشد عليها عشان يخفف توترها ابتدت الزفة بصوت عبد المجيد والحريم متغطين انزفوا ووصلوا للكوشة وجو يسلمون عليهم أهلهم
الدانة ودموعها تتجمع بمحاجرها ما صدق سلوم يتزوج ضحك وهو يضمها تحت ذراعه معليتي كذا ولا كذا ناشب ناشب لتس
ضحكت غصب عنها وسلموه عليهم
توجه للخارج ينتظرها ودخلت الغرفة هي تلبس عبايتها بمساعدة البنات
غطت وجهها بالطرحة وتوجهت للخارج عند سلمان كان واقف ومبتسم يسلم على عمه وريان توسعت ابتسامته من شافها طالعة تقدمت لهم وابتسمت من حست بريان يحاوط كتوفها رفعت انظارها من نطق ابوها: بنتي بذمتك وامانتك ياسلمان لا تخيب ظني اشر على عيونه بنتك بعيوني ياعمي قبل راس عمه يمسك يدها ويتوجه لسيارتهم نزل انظاره من حس بكائن يوقف عنده وضحك من شاف نايف المكشر شعندك بالسربوت
نايف بتعقيدة حواجب بروح مع اختي وانت السربوت
تعالت ضحكاته بذهول منه والله انك صعلوك يولد انقلع اختك زوجتي
ضحكت بخفه وهي تشوف هواشهم
مد نايف الي يتحلطم الريان ومسك يدها يساعدها تركب السيارة ومشوا متجهين للفندق بالداخل بعد ما تعشوا الرجال والحريم مشوا المعازيم وما بقى الا الاهل مشوا لبيوتهم عشان يكملون سهرتهم نزلوا راحوا البنات يجتمعون بغرفة دائة والعيال راحوا المقلط الخارجي والجد والحريم والرجال راحوا ينامون، عند البنات غيروا ملابسهم البجامات خفيفة وجاء وقت طبعا استيديو التحليل
كانوا جالسين ويحشون فيهم وضحكاتهم تتعالى في بعبط وهي تقوم تربط الشال على خصرها الي قدامك دي يا حبيبييبي وكملت وهي تهز بخصرها رقاصههه
تعالت اصوات البنات بالتعزيز والضحك قامت هاجر بحماس وهي تربط على خصرها الشال وتشاركها اخذت يقين السماعة وهي تشغل اغاني مصرية وهم يهزون ضحكت جنى وهي تسحب ليلاس وتتوجه لفي ضحكت في تاخذ ثاني وتربطه على خصر جنى عاشو جنى عاشو اخذت دانة الشال تربطه على خصر ليلاس في وهي تمسك خصر جنى بيدينها وترقصها بعد موجة ضحك ورقص جلسوا بتعب طلعوا جنى وليلاس من عندهم والشال لسا على خصرهم كملوا جلستهم البنات عند العيال سلمان وفيصل يتكلمون على شغلهم واسير ونياف يلعبون سوني وعاصف وناصر منصر عين جمب بعض ضحك وطقطقة على حقين العرس والباقي النص بجوالاتهم والباقي يسولفون لفوا من دخلوا عليهم جنى وليلاس وتعالت ضحكاتهم على شكلهم كشرت ليلاس تتوجه لفهد شفيكم تضحكون
تكلم بجمود وهو يحاول يكتم ضحكته ما عليتي منهم غيرانين من جمالتي ضحكت بيرانة تتوجه لجنى تمسك ايدها ويتوجهون لبرا كملوا سمرتهم وليلتهم وناموا عشان بكرة حفلة العرساننا لانهم بيسافرون
الظهر -
الكل مستنفر عشان العزيمة وريحة البخور بكل القصر عليا وهي تنادي الماسة بنيتي خذي البخور المجلس الرجاجيل الماسة وهي تأخذه منها مافي احد يمي هناك؟ هزت راسها بالإيجاب لسا من موجودين خذيه يا امي
مشت للمجلس وهي تشم ريحته الي جابت راسها فتحت بابه تنحني وتحطه بالطاولة الي تتوسطه توسعت عيونها من سمعت الباب ينفتح وخطوات جايه لها رفعت راسها تشوف قدامها.......
بالخارج
كان يكلم بجواله بعد ما قال له عزام (عزام واياد علاقتهم صارت قريبة لبعض مره يجي فتح باب المجلس يدخل له وطاحت
عيونه على الى متجمدة مكانها
عندها رفعت راسها تشوف قدامها اياد الي متنح يناظر فيها وبتفاصيلها الي جابت راسه صدق كانت لابسه توب ذهبي مفتوح
على صدرها وبحبال بس وجينز ابيض ضاغط على خصرها ويبرزه بلعت ريقها تعتدل وبالله طلع منها صوت وخر بمشي
صد با انظاره لما استوعب على نفسه وسرعان ما توسعت عيونه من عرف صوتها كيف ما يعرفها وهو حافظ صوتها أكثر من نفسه مسح على جبينه يلتفت لمكانها بعد ما راحت ويروح يجلس يهوي على نفسه عند بنتنا طلعت وهي تحس بتموت من كثر الاحراج الي صار تذكرت نظراته ونطقت بين نفسها حيوان هو ونظراته حسبي الله " رجعت للبنات تكمل تجهيزات معهم بعد مده وصلوا عرساننا ارتفعت اصوات الرجال بالترحيب فيهم ودخلت البندري لجوا عند البنات الي استقبلوها بالاحضان والتحصين فيها كانت لابسه فستان ابيض مره ناعم عليها وذهب خفيف كونها عروسه سلموا على بعض وطلعت هي وسلمان متوجهين للمطار
عند البنات
كانوا قاعدين بتملل بعد ما راحوا وما عندهم شيء فزت الماس بتذكر بنات تخرجي بعد ثلاث اسابيع
عدلت جلستها يقين اعرف وسكتت وهي مبتسمة
عقدت حواجبها بعدم فهم وكملت بضحكة: تعالوا
اخذتهم لغرفة التصميم حقها شغلت الانوار تنطق بحماس جاهزين؟؟؟ ناهد باستغراب لوش يبنت؟
راحت لمكتبها وطلعت صندوق باللون الاحمر من تحته وهي مبتسمة مدته لالماسة واشرت لها تفتحه بعيونها
حطته الماسة بالأرض وانظار البنات عليه متحمسين توسعت عيونها من فتحته وكانت عباية تخرج باللون البيج والوشاح حقها باللون البني والقبعة حقتها نفس اللون لفت انظارها ليقين وتجمعت بعيونها الدموع احبتس يقينتي
ضحكت تحضنها بحنيه نطقت رهف بعبط ترا بتخرجي حتى انا ابي
يقين وهي تأشر على عينها: من عيني
التفت فرح لالماسة: جربيها نشوف
هزت راسها تطلعها وتلبسها وتوجهت للمراية الطويلة الي بمنتصف الغرفة ناظرت نفسها باعجاب لانها فعلا كانت تهبل!
حور وهي تنط بحماس ياي تهبلي !!!
ضحكت بخفه تطلع جوالها وتلتقط بعض الصور نزلت عبايتها تحطها بالصندوق وتطلع مع البنات يكملون سهرتهم.
جناح مقبل & مجد الصباح
طلع من غرفته وهو ناوي الي براسه توجه لابوه الي قاعد بمكتبه ودق الباب ادخل
دخل وجلس بالكرسي المقابل لابوه يبه عندي موضوع
رفع انظاره لولده ينتظره يتكلم شتت انظاره لبعيد: ابي اتزوج
رفع حاجبه لثواني بذهول: تستهبل ؟؟ متزوج وابو وتقول بتتزوج؟ مقبل اعقل
مقبل بجديه يبه هذه من حقي والشرع حلل اربع وانا مانيب مسوي شي حرام انا قلت لك وبكرة بنروح نخطب
ضرب الطاولة بايده ولا محدد بعد ؟؟؟؟ ومجد ؟ مجد لمين ياقليل الخاتمة ؟؟
رفع اكتافه بهدوء: ما بها عيب ولها حقوقها وزوجتي الثانية بعد
رفع حواجبه الثواني: ومين بنته الي تبيها؟
حك جبهته لثواني: ندى الي تشتغل بالشركة (مقبل عنده شركة من مشروعه هو سواه وندى موظفه عنده)
راجح بقلة حيله: مجد تدري؟
هز راسه بالنفي: اليوم بعلمكم وبكرة تبي تجي معي تخطب تعالوا ماتبون بخطب بنفسي ومشى من المكتب
الغداء~
البنات بدوامهم وجود وناهد ومجد وعليا والحريم موجودين والماسة الى تخرجها قريب
بسفره الرجال برا مقبل الي حكى لهم
عبد الرحمن بحدة تقول لزوجتك وان ما رضت معصي تتزوج !!
قام من السفرة وتوجه ينادي مجد طلعت له مجد باستغراب: وش فيك؟ مقبل بهدوء: امشي بقولتس شي هزت راسها بهدوء تتوجه لغرفتهم وهو معها جلس على السرير وهي قدامه: شفيك خوفتني ترا؟ شتت انظاره لثواني يرجع نظره لعيونها: بعرس، رمشت لعدة مرات تستوعب الي يقوله ونطقت باستغراب: مقبل ؟؟؟ تمزح معي انت هز راسه بالنفي: ما امزح هذا شرع الله يبنت الحلال وانا ابي اتزوج وابشري بلي يرضيتس و حقوقتي مانا مقصر معتس ضحكت بعدم تصديق لثواني تجمعت الدموع بمحاجرها تنطق برجفه: اطلع، مسك يدها بيتكلم نفضت يدها تنطق بحدة، اطلع ماتفهم انت! طلع من الغرفه بهدء يطلع جواله ويدق عليها ابتسم من وصله صوتها الي مليان دلع: ياهلا بالي قاطع عني بعثر شعره لثواني: بكرة تجهزي يبعد حيّ جاي اخطبتس
توسعت عيونها بفرحة تنطق: من جد ؟؟؟
هز راسه بهدوء كأنها تشوفه: اي والعرس نخليه بدري
لعبت بشعرها تنطق بغنج: ابشر ياعيوني
سكرت منه وهي فراشات تعرف انه متزوج بس ما يهمها غير انها تكون معه خاصتا ان كل الي بالشركة عيونهم عليه
اما عند مجد كانت منهارة بسريرها تستوعب الى قاله قامت بتعب تتوجه تتوضى وتفرش سجادتها وتصلي خلصت وقعدت
تجمع نفسها فكرت بحالها زواجهم اساسا كان تقليدي والحين بعد عشرة عمر يتزوج عليها ؟؟؟ اخذت نفس لثواتي طويلة
تزفره مجد ما يستاهلك والله يا مقبل لأخليك تندم انت وهالرخيصه
كانت شاكة ومتأكدة بعد هو مين رح يتزوج والي هي ندى
فلاش باك لموقف
كان ماخذها السوق معه جاه اتصال من الشركة واظطر يروح لف لها بنزل شوي وراجع لك
هزت راسها بالايجاب: تمام
نزل من سيارته يتوجه للشركة ومرت نص ساعة وما رجع نزلت من تأخر تتوجه للداخل وتوجهت لمكتبه عقدت حواجبه من
شافته قاعد يضحك مع وحدة وكان شكلها مقزز بالنسبة لها عبايتها ملونه وتفضح أكثر مما تستر والمكياج مسنتر على وجهها
وطرحته نازله على اكتافه توجهت له توقف قدامه بهدوء وهي متكتفة
التفتت لها ندى تطبق بدلع: عفوا؟ مين انت؟
رفعت حاجبها بسخرية: زوجته يا
توسعت ابتسامتها بمكر: ندى سكرتيره مقبل
ناظرت فيها بقرف توجه انظارها لمقبل المرتبك تأخرنا
هز راسه يلتفت لندى بعدين نتكلم ومشى هو ومجد الي عرفت انه ندى مارح تخليهم بخير
ترجع للواقع
توجهت لدولابها تطلع لها ملابس خفيفة وتحط مكياج خفيف نزلت لتحت من سمعت اصوات مقبل ونادية الي ترتفع
ناديه بحدة: يلي مانيب قابل تبي تتزوج ولا تستحي ؟؟؟
مقبل: يمه مانا اول واحد ولا اخر واحد وهذا حقي!
لفوا انظارهم من جت مجد بهدوء ولا كان شيء صاير جلست جنب نادية بابتسامة: وهو صادق يمه خليه انا راضيه وهذا شرع الله
طارت عيونه بصدمة منها وهي توها تبكي والحين راضيه
لفت انظارها له: وعرسك انا أول الحاضرين
ناديه بقلة حيله: ببنتي ما عليتي منه ذا المهبول مانتس مجبورة
هزت راسها بالنفي ابد يمه برضاي ذا بس شرطي عرسه بعد 4 اشهر
عقد حواجبه لثواني بس هز راسه بالموافقة ابشري
ناظرته بقرف لثواني توقف: وبعد يازوجي العزيز ابي اكمل جامعتي
لف انظاره لها: الي تبيه
مشت بخطواتها لغرفتها تاركتهم لفت انظارها نادية لولدها وهي تحب مجد بشكل وتعتبرها بنتها: والله يا مقبل والله تزعلها او ما تعدل بينهم اني لا امك ولا انت ولدي
هز راسه بدون رد يوقف ويتوجه للخارج
بعد ما اجتمع الكل من دوامتهم ومقبل قال للكل البنات وخاصتا يقين وقفت ضده و كارهين قراره المتخلف
عند البنات
يقين بقهر منه: يخسي احضر عرسه
رفعت حاجبه مجد: معصي والله تحضرين وكلكم بتحضرون
هاجر إلى منجلطة من برودها: مجد تستهبلي ؟؟ ترا مو مجبورة تحضريه ولا حنا الله يهني سعيد بسعيدة وش نبي فيهم؟
هزت راسها بالنفي: ادري مو مجبورة بس لازم نحضر نادي واجبنا وغمزت باخر كلامها
في إلى فاهمة حركاتها: ليه حددتي العرس بعد 4 أشهر ؟
رفعت اكتافها بعدم معرفه: يتعرفون وقتها والحين بأي بروح الجيم
طلعت من عندهم لغرفتها تتجهز نشان تروح
ناهد باستغراب: جيم مجد وجيم مره وحدة ماتجي ذي

معليش بنات على قصور البارت❤❤❤
حسابي تيك i7joo.r
انستا i7joo.r