احلى من العقد لباسه الماسه تلبس الماسة

بارت5

مكتب اياد:
اياد وهو يزفر: يرجال الحين جاينا جماعة التدريب حق الجامعة الله يصبرنا بس
سامي بضحكة: الله يعينك بس
وطلع من مكتبه
__________________________________
عند سلمان بمكتبه: يولد تستهبلون؟ وش قلك بيجبون مساعدات يكونو بنات بنجن انا
طارق ناظره بنص عين: طيب شحار دمك انت؟ رزقهم ويتوظفون
زفر سلمان بغضب وكمل الي يشتغل عليه وهو يفكر بذا الاسبوع الي راح يجي ويكونوا مساعدينهم من الجنس اللطيف!
وصلت وركنت سيارتها ومشت بخطوات ثابته ودخلت التقت بسوسن الي قاعدة مع سلمى والواضح تنتظرها جت عندها وقعدوا يتجهزون
الماسه وهي تلعب باصابعها بتوتر: بنات احس يخوف اول مره بنتدرب
سوسن وهي تحاول تهديها: ياخي اشبك عادي المفروض تفرحي ذا الترم ونخلص!
زفرت الماسة تحاول تخفي تورتها
طلعوا مجموعة دكاترة ومن ضمنهم اياد
بدو يعرفون بنفسهم والماسة حست انها شافت اياد من قبل بس ماهتمت
الدكتور1: بتكون معي سلمى محمد ال......
الدكتور طارق: سوسن عماد ال.........
اياد: الماسة عبد العزيز وعقد حواجبه وكمل وهو يناظرها: آل زايد؟
هزت راسها بالايجاب بتوتر من نظراته
عرف انها من آل زايد بس ماهتم كثير
وكملوا يختارون الدكاترة المتدربات
اياد: تجهزوا وشوي والكل يتبع دكتورها الي بيدربها ومشى
الماسة وهي تعقد حواجبها من همس البنات: شفتوا كيف حلو؟؟...... والله خطير..... ياحظ الماسة هي معه
سفهتهم ومشت
الماسة: سوسن
ناظرتها: لبيه
زفرت الماسة: تدرين ياخي ماهو غريب علي ذا احس اني شفته من قبل!
سوسن وهي تغمز: يمكن فارس الاحلام وضحكت
ناظرها بتكشيرة : اكلي تبن شدخل فارس احل..
ماكملت كلامها من تذكرت انه من آل مترك وانه من جيرانهم ونطقت: يبنت ذا ولد جيرننا آل مترك! صح كيف نسيت وهنا بعد دانة وفيّ يشتغلون
سوسن بضحكة صدمة: ايش ذي الصدف تكفين؟
ضحكت عليها ومشوا يبدون تدريبهم
كان اياد يعطيها اوامر كيف تسوي وكانت شوي وتثور عليه من غروره وتامره عليها
اما طارق كان هادي ويعلمها شوي شوي
اعطوهم بريك وطلعت الماسة وهي متنرفزة
اول مالقت سوسن قدامها انفجرت كل الي فيها: شفيه ذا؟ مريض متخلف مسوي نفسه يعرف وبس ينتقد ويتامر يعع يع يع! حركاته تنرفز وبعدين شذا مصدق نفسه اذا بنت بنتين مدحوه؟ ابو راس مربع
ناظرت سوسن باستغراب من شافتها تاشر على وراها بعيونها
بلعت ريقها ولفت وشافته واقف ببرود يناظرها: مين المريض ابو راس مربع؟
قمطت العافية ونطقت: ها؟ تأشر على نفسها: انا؟ ماقلت شي
ناظرها ببرود وهو يحاول يكتم ضحكته عشان ما تطيح هيبته: تقدرين تروحين عند دكتور ثاني اذا مو عاجبك تصرفاتي
ناظرته باستحقار وهمست: ابرك
مشى وهو سامعها بس سوى نفسه ما اسمع ظلام
اختارت الماسه دكتور ثاني وبدت تدريب معه بس ابد مارتحت له! نظراته وحركاته ماتطمن ابد
سمع دق ببابه ونطق: اتفضل
دخلت عليه الماسة وهي تلعب بيادينها بتوتر: دد دكتور اياد عادي لو ارجع عندك؟
ناظرها بابتسامة برود: ممكن سببك؟
ناظرته وانفجرت عليه بالكلام بسرعة: نظراته المتخلف ماتطمن وكلامه يقرف وماتحمله ممكن يعني ارجع برودك وانتقادك احسن لي!
ناظرها بصدمة كيف تتكلم بسرعة وانفجرت وحاول يمثل الجمود: طيب الحين انتهى وقتكم المرة الجايه يوم تجون بفكر بالموضوع تقدري تطلعي
طلعت وهي متنرفزة من بروده وصكت الباب بقوة
ماقدر يكتم ضحكته اكثر وانفجر يضحك عليها
راحت الماسة تسال عن البنات وفيّ كانت عندها عملية فراحت عند دانة طقت بابها: ادخل
دخلت تنطق: دنووووو رفعت انظارها لها تتوسع ابتسامتها: ياهلا هلا
ضحكت بخفة تسلم عليها ويقعدون يسولفون
عقدت الدانة حواجبها: اي صح ليه جاية هنا؟ فيك شي؟
هزت راسها بالنفي: لا عندنا تدريب جامعة عشان اخر الترم
قصر آل زايد ~
تحديدا غرفه فيّ كانت تكلم صديقتها الي تفضفض لها بتوتر كبير
ضحكت بصدمة: يبنت هدي وروقي شفيتس كذا! ترا شغلتس وانتِ تحبيه ومجرد مقابله وبتتعودين
البندري: تدرين صادقه؟ المفروض افرح بمسك المجرمين وبطق بالسلاح! والله اكشن اخخ حماس باقي 3ايام بس
البندري وهي تتربع وتصغر عونها على في من الجوال: فيّ انتِ حكيتي لي عن سالفه خطفك من جمال صح
هزت راسها بصمت وكملت: هي عرفتي تستعملي السلاح وانتِ مالك خبره فيه؟
بلعت ريقها بتوتر: مادري يمكن حظ بس
البندري: فيّ ترا بظطر اطلع الكلام من حلقك غصب شسالفة شمخبية علي؟؟
فيّ وهي تتنهد: خلاص خلينا نجتمع الخميس وبحكي لتس
وافقت وكملوا سوالف شوي وسكرت منها وتوجهت لغرفة الدانة بتقعد معها بس تجمدت مكانها من سمعت بكائها وواضح تكلم احد: الله يخليك لا تنشرها تكفى........ ماقدر ماقدر تكفى لا تسويها....... ماسويت شي لك طيب؟........ تمام تمام
وقفت كلام وزادت بكى فتحت الغرفة وهي تثور على بكى اختها: دانة؟ ليه تبكين وش صاير!
شهقت من عرفت انه اكيد سمعتها وارتمت بحضنها تكمل بكاء
حاوطتها ومسحت عليها تهدي فيها بعد ماهدت شوي بعدتها عندها وقالت بهدوء: دانة الحين تقولي لي كل شي ووعد مني بوقف معتس ونحل كل شيء مين كنتي تكلمين؟
بلعت ريقها تتكلم بغصة: قبل فترة جاني رابط من حساب غريب وفتحته بالغلط وماهتميت كثير وجاني واحد يهددني بصوري والحين يبيني اقابله واعطيه فلوس
احتدت ملامحه تنطق بهدوء عكس العواصف الي بداخلها: عطين الموقع الي يبيتس تقابليه فيه
شهقت دانة: لا لا تكفين فيّ لا تقابليه
في بصرامة: دانة قلت عطيني وانا بقابله وخليتس ساكته
زفرت دامة بقلة حيلة: بمقهى....... اليوم الساعة 7
هزت راسها وحضنتها تهدي عليها
جاهلين عن الي سمعت اخر كلام من عند الباب وابتسامة خبث عليها
فكرت وش تبي تسوي عشان يخلوهم يشكون فيها
شافت فيصل طالع لقسمهم وابتسمت بمكر من راودتها فكرة اخذت جوالها تسوي نفسها تتكلم بالجوال وقربت من عنده شوي بحيث يسمعها
جود: اي اي تخيلي..... شفتي فيّ بنت خالي؟ اي بتقابل حبيبها اليوم بمقهى....... الساعة7 جد ماتوقعت تكون حق هذه السوالف...... الله يهديها بس ومشت وهي تضحك بداخلها
عند فيصل كان يحس كل عرق فيه بيتفجر من الي سمعه! فيّ؟؟ وحبيبها؟ مستحيل عرف انه في شي غلط بالموضوع وخاصتا انه من جود تعوذ من ابليس وحاول يهدي اعصابه وقرر يتاكد ويروح بنفسه
الساعة6:50
مشت فيّ للمقهى بما انه قريب منهم شوي
جاهلة عن الي قاعد يراقبها
وصلت وشافت شخص قاعد على الطاولة وحدة وراحت جلست بهدوء
دخل فيصل بهدوء وهو مغطي وجهه بكاب وانصعق لما شافها جالسه مع احد صدق بس ماخرب شي وراح قعد بطاولة قريبة منهم بحيث يسمعهم