احلى من العقد لباسه الماسه تلبس الماسة

بارت20

طلعت من قسمهم بعد ماغيرت ملابسها ولبست بلوفر زيتي وشعرها الكيرلي كعكة من فوق بشكل عشوائي بس انيق ولابسه حلقات ذهبية وخواتم بسيطة ابتسمت بهدوء تشوف خلود الي قاعدة على الكنب وتقدمت تقبل رأسها وتجلس جنبها ابتسمت بحنان: صباحك يبنتي كيفك الحين؟
ناهد: بخير الحمدلله انتِ كيفتس؟ وين البنات مالهم حس
ضحكت خلود: شوفيهم بغرفة نجد
حكت راسها: وين غرفتها
قامت خلود: تعالي اوريك
قامت معها وورتها غرفتها وتوجهت لها تدق الباب
نجد: ادخل
دخلت وشافت نجد الي منسدحة على سريرها تقرا كتاب ل
وجوري الي تسوي اظافرها: السلام عليكم
لفت لها نجد بابتسامة وردوا: وعليكم السلام
تقدمت تجلس جنب نجد وحطت كتابها تلف لها: كيفك
ناهد: بخير وانتم اشتقت لكم والله
خلصت جوري تسكر المناكير وتلف لهم: والله اكثر احس حماسس انك موجودة
ضحكت ناهد بخفة وكملت نجد: شرايكم نطلع؟
جوري: ماقول لا
ناهد: معكمم
ناظرت نجد ساعتها: الحين بيجي مازن كلميه وبنطلع
كشرت من طاريه بس مابينت لهم ووقفت: تمام تجهزوا
طلعت وناظرت مازن الي دخل شمقت له ورفع حاجبه يناظره وسفهها يتوجه لامه حب راسها يقعد جنبها: كيف حلوتي
خبطت كتفه بخفة ومزح: ما شاءلله صايرين نمون
مازن بغمزة: اشوف الحلوة استحت
ضحك من قرصته: استحي يولد وروح غازل مرتك شتبي فيني
دخلت ناهد لقسمهم تتجهز ودخل مازن وشافها تتجهز
رفع حاجبه: يأم كشه
لفت له بصدمة تأشر على نفسها: نعم نعم! مين أم كشه؟
مازن بسخريه: انتِ
ناهد بغضب: كلزق اذا ماتعرف وش اسمه لا تهبد من عندك عمى
مازن: فيك خير عيديها
ناهد بعدم اهتمام: كلزق
تقدم لها يمسك معصمها ولفها له ويمسك فكها بحدة: والله يبنت ضاري تتعدين حدودك لاذبحك ومحد درى عنك
تجمعت الدموع بمحاجرها تدفه عنها: لا تق ل بنت ضاري! لا تقول افهم لا تقوللل!!!
ناظره بعدم اهتمام: خليك دموع التماسيح ذي وبعدين شعندك تتجهزين؟ وين طالعة ان شاءلله
ناهد وهي تخفي دموعها: لجهنم تجي؟
مازن: اي
سفهته تاخذ عباية من عباياتها ولبستها قدامه
مازن: وين رايحة انتِ؟؟
لفت له ببرود: بطلع مع خواتك في شي؟
ورفع حواجبه: ومن مين استاذنتي ان شاءلله
ناهد: مااستاذن من احد بكيفي وانت بتوصلنا بعد
طلعت من عنده بعد مااخذت شنطتها واخذ نفس يهدي نفسه ليكفر فيها غير ملابسه واخذ ثوبه الابيض وتعطر يحط شماغه على كتفه ويطلع لهم شاف امه الي نزلت جوالها تلف له: بعد بكرة خالاتك جايين من جدة يسألون كيف اعرست وقلنا عائلي
قالت كلامها على طلعة البنات من غرفه نجد
جوري بقرف: يعع إيمان بتجي
كشرت نجد بنفس القرف: امحق جية والله
لفت لهم ناهد بأستغراب: من ذي
نجد: بنت خالتي يوهه تقهر يبنت ناشبه لمازن الا تبيه غصب وكملت بضحك: الحين احسها انهارت يوم درت انه تزوج ووحدة قمر بعد
ضحكت ناهد وهي اساسا مااهتمت لايمان"والزق فيها وفيه ": طيب امشوا نمشي
طلعوا مع مازن الي بياخذهم ركبت ناهد قدام عشان البنات مايقولون شي ومشوا متجهين للمول
نزلوا من السيارة بعد ماوصلوا ومازن وراهم دخلوا محل فساتين
نجد: بنات ناخذ فساتين على كيف كيفكم نبي نحرق ايمان
ضحكت جوري: اهم شي انتِ ناهد
هزت راسها ناهد ودخلوا يستكشفون الملابس ناظرت ناهد فستان احمر قصير وبحبال وضيق من جهة الصدر اعجبها واخذته تلف للبنات: شرايكم؟
صفقت جوري بحماس: يويلي رهيبب اشهد ان إيمان بتموت
ضحكت ناهد واخذته وبدوا البنات يلفون وكل واحدة اخذت لها فستان لبعد بكرة وملابس ثانيه عادية توجهوا عشان يحاسبون ونطق مازن: اطلعوا انتظروني انا بحساسب
طلعوا البنات وشوي وجاء لهم مازن بالاكياس
نجد: لسا بروح اخذ مكياج واشياء قليلة باقي لي
جوري: حتى انا بعدها ناخذ لنا قهوة
توجهوا لمحل مكياج وبدوا ياخذون اشيائهم وناهد معهم خلصوا واخذوا كماليتهم الي يحتاجوها وتوجهوا لكوفي يطلبون
مازن: يلا شتبين انتِ وهي
نجد: سبانش لاتيه
جوري: مثلها
ولف لناهد: وانتِ
ناهد: v60
ضحكت جوري تغمز: اوف تحبون نفس المشروب بعد
تجاهلها يطلب واخذوه قهوتهم يمشون للسيارة.
________••________
طلعت من غرفتها تتوجه للخارج بعد مالبست عبايتها واتفقت تلتقي مع رائد كونها اشتاقت له ركبت سيارتها تتحرك لبيتهم القديم تحس بارتجاف بجسمها من فكرة انها بتشوف ابوها وهي الي دايم تمسك نفسها لا تنهار ماتبي تبين ضعفها لاحد صفت سيارتها قدام البيت ونزلت تدق الباب فتحت لها بنت بعمرها تقريبا وكانت ملامحه هادية ولبسها خفيف ابتسمت وضحى بلطف: نورتيي
بادلتها الابتسام تدخل بارتباك وشافت ابوها الي قاعد على الكنبة قدام التلفزيون وجنبه رائد نزلت نقابها ووقف رائد بابتسامة: ياهلا بلي يخفق لها القلب
ضحكت بخفه وتوجهت له بعد مانزلت عبايتها تحضنه بقوة بادلها الحضن وكانت شوي وتدخل بضلوعه من كثر شوقها له بعدت عنه واحتضن كتافاها بذراعه توجهت لابوها الي يناظرهم بصمت ونظرات الانكسار واضحه بعيونه والندم ترددت لثواني بس فتحت يدينها له وحضنها عبد الحميد بقوة نزلت دموعه؛ دموع اشتياق لبنته ودموع ندم انه صدق ولده عليها بدون دليل بكت معه وكان شكلهم مؤثر لف رائد لوضحى الي تبكي بصمت كونها حساسة وذي المواقف تأثر فيها ضحك بخفه يسحبها لجناحه بعدت عن ابوها تناظره ونطق بانكسار: والله اسف يبنتي اني كنت منعمي واني ندمان اني صدقته والندم ياكلني من يوم ماعرفت
ماكمل كلامه من قاطعته والكلام يطلع منها غصب: عادي يبه عادي الكل يغلط وانت على راسي مسموح يبه
بذا اليوم بالظبط رجعت علاقة هِتان باهلها ابوها الي الندم ياكله واختها الي توقعت انها مثل امها بس طلع العكس كانت فقط تمثل اسمها"حنين"جلست معهم وهي اشتاقت لجسلتهم فعلا ورسلت لفيّ انها مارح تجي وبتنام عندهم اليوم.
________••_________
فتحت رسالة هِتان وابتسمت بخفوت ترد لها ب"تتهنوا ياحياتي"طلعت لغرفة ملاكمتها بعد ماغيرت ملابسها واخذت جلالها احتياط استغربت انه انوار الغرفة مفتوحة ودخلت عليها وسكنت ملامحها تشوف حب حياتها الي للحين ماتعرف انه هو بنفسه ماتفهم نفسها ولا مشاعرها، تظن مجرد اعجاب وتظن حب تفضل السكوت وتسلم امورها لقدرها ماتعرف حقيقة مشاعره وهل هو يبادلها؟
لف لها من انفتح الباب وكان شكله بالمعنى الحرفي "مغري" عروق وجهه البارزة وملابسه الشاده عليه وقفازات الملاكمة الي باللون الاحمر وقاعد يفرغ طاقته بالكيس قدامه
ابتسم يرجع انظاره للكيس: غرفتس؟
هزت راسها تتوجه للداخل: اي
لف لها: تتحدين؟
رفعت حاجبها بتحدي: ماقول لا
فيصل: الي يخسر ينفذ للثاني طلب
تقدمت تلبس القفازات الثانيه والي كانت باللون الازرق وقفت قدامه بمسافه بسيطة تفصلهم
ونطق: اخاف اعورتس
ضحكت بسخرية: لا تخاف العب بس
هز راسه يعد: 1...، 2.... 3...
بدت هي بالضربة الاولى وتفداها بخفه وتقدم يلكمها وتفادتها بدت منافسه بينهم وكل واحد يقول القوة عندي باغتته بلكمة من عند انفه ومسك انفه بألم يبتسم حس بالدم الي ينزل وشهقت تشوف الدم نزلت قفازتها بسرعة وهي خافت عليه وكثيررر بعد مع انه شي طبيعي انه ينزف من ضربه ومو اول مره تشوف احد ينزف بس ذي المره غير توجهت لعنده بدون تفكير ومدت يدها تاخذ مناديل من على الطاولة وضحكت بخفة: يعور؟
هز راسه ينطق وهو يتأمل عيونها: يعور بس مو هو
عقدت حواجبها بعدم فهم وكمل: هذا الي يعورني
واشر على قلبه
ارتبكت تناظر عيونه كل واحد يتأمل الثاني وفيصل الي هايم فيها ووده لو هي الحين حلاله يحضنها ويضمها لضلوعه ويتذوق شهد ثغرها نطق وهو يتأملها: