المخيم~الفجر
صحى عبد الرحمن مع الكبار وتوجه لخيمة العيال والي كانوا منسدحين نايمين كل واحد فوق الثاني ضحك بخفوت من شكلهم اخذ عكازه وبدا يهبدهم: قم قم انت وياه صلاه نايمن كانكم حمير
فزوا العيال الي هبدهم بألم وناظروا زياد الي ريان منسدح على بطنه ونايمين ضحكوا ولف لهم عبد الرحمن واخذ عصاه يهبدهم: قممم لا بارك الله بالعدو
فز زياد بالم: والله ماسويت شي
فز ريان معه وطقوا روؤس بعض والعيال كاتمين الضحكة عشان عبد الرحمن لا يهبدهم هم بعد صحوا الكل وراحوا يتوضون ودخلوا الخيمة بيصلون وكبر فيهم عبدالله وبدا يصلون الفجر وعند الحريم صحت عليا وسلمى والعنود الي صحت معهم بدون مااحد يصحيها راحت تسوي لهم شاي يروقون عليه وراحت لعند البنات تصحيهم كشرت من ولا قامت وحدة منهم: انا اروايتس انتِ وياها
اخذت عكاز جدتها سلمى وابتسمت تروح للبنات بدت تضرب الب قدامها وصحوا البنات على صراخ بعض من الوجع
هاجر: الله ياخذتس ياحيوانة اححح
رهف الي شوي وتبكي: خيرر يعور ترا
ضحكت تهرب عندهم وقاموا البنات يتوضون ويصلون خلصوا وراحوا للمطبخ الي بالمخيم بعد ماحلفت هذه المرة حور على الحريم مايمسكون شي
عليا: اي تسذا خليتس سنعة
اشرت على خشمها: على خشمي
ابتسمت: عليه الشحم
بدوا يطبخون الفطور ورهف الي متربعة هي وريتال بالارض ومايسوون معهم شي خلصوا ونادت فيّ: عاصفف تعال
جاء لها عاصف ومدت له الصحون وجاء سلطان يساعده بعد مادخلت فيّ وقدموا البنات الفطور للحريم وقعدوا يفطرون مع بعض
بعد ماخلصوا طلعوا الرجال مع حريمهم يتمشون وبقوا العيال والبنات
ابتسمت رهف بمكر: بناتتتتتت بسرعة خطة
تجمعوا الكل حولها وكملت: جبت معي بوالين موية كثير نروح نبلل العيال
ضحكوا البنات بقوة من عجبتهم الفكرة
هِتان: جوي جويي امشوا يلا
بدوا يعبو البوالين موية وحطوها بسطل وكانو كثار قربوا البنات من تجمع العيال الي كانوا ورا خيمة الرجال بمسافة بسيطة وعدت فيّ بهمس واحد...... اثنين..... ثلاثةةةة
كل وحدة اخذت بوالين وبدت ترمي عليهممم
فزوا العيال بخوف من الموية والي كانت باردة انكتب عليهم استمروا البنات الي كانوا متفرقين باتجهات يقذفون عليهم
وصرخ فيصل: يابزراننن خلاصص
فهد بحدة: خلاصص انتِ وياها
ضحكوا البنات وهم مستمرين
ورفع ثوبة إياد: عيال هجوممم
فزوا كل العيال للبنات ووشهقوا البنات يركضون اخذوا العيال السطل الي فيه وبدو يرمون عليهم تحت صراخهم ابتسم يزن بخبث اخذ سطل وراح يعبيه ورجع لهم شاف فيّ الي تركض مع هِتان وركض لهم يصب عليهم كل السطل
صرخت فيّ: يازقققق
هِتان: يويلي الله ياخذ ابليسك!!
انهاروا العياا ضحك على اشكالهم وكانت ملاك تركض وغسان وراها: فيك خير وقفي
وقفت ملاك بشجاعة تلف له: وش بتسوي مثلا بخا...
ماكملت كلامها من شالها وصرخت: نزلنيي يمهه
غسان: مين عمك؟
كشرت: تخس اقول انقلع بس
نزلها وهو يضحك وضمها لجناحه: وش ذا الي سويتوه
ملاك ببراءة: مو فكرتي فكرة رهف
شهقت رهف الي سمعتها: اوريتس رجعتيها علي طيب
ابتسم من سمع صوتها وناظرته ملاك تهمس: اقول لا تتبوسم يامفضوح
صد يضحك ووصلوا الرجال بذي اللحظة انصدموا من شكلهم وكان الكل معبى موية والبنات الي بجلالتهم ومبلولين
ابو البندري بصدمة: الحين ذول كم اعمارهم؟
ضحك عبد الرحمن بصدمة مثله: الله يخلف عليكم بس
مسك ناصر اذن رهف: يبه هي ام المصايب والفكرة
رهف وهي تمثل الحزن: يبه شفت يتهمون بنتك ووخرت ناصر تتجه لعبد الرحيم تتصنع البراءة وحضنته على جنب: بنتك تسوي كذا؟ اكيد لا العيال بدوا صح بنات؟
البنات بصوت واحد: صححح
سلطان: اعنبوتس بترجعيها علينا
شهقت حور بتمثيل الصدمة: شفت يبههه يلعنك ولدك!!
فز سلطان لها بورطة: يبه ماقصدك انت يعني هي هي وقرص حور: وعمىىى وخر
ضحكوا عليهم ونطق عبدالله بتمثيل الحدة: رح انت وياه غير ملابسكم لا تمرضون
الكل: سمم
راحو البنات بغيرون وهم منهلكين ضحك والعيال مثلهم ورجعوا يقعدون بكل جهة لحالهم
________••_________
بموسكو~
بعد ماخلصوا اجراءات الدفن راح مازن لشقته الي فيها ناهد ومعه اكل دخل غرفتها وشافها منسدحه على سريرها تقدم لها يحط الاكل على الطاوله: تعالي كلي
ناهد بصوت تعبان: مابي
توجه مازن يجلس على السرير جنبها: ناهد خلاص تعالي كلي هذا قدرها ونصيبها
لفت له بوجه باكي:طيب انا حبيتها ماقلت شي
رجعت تنسدح وهي اساسا ماتدري ليه زعلانة كذا يمكن حبتها بدون ماتدري بيوم وليلة وراحت منها بيوم وليلة مسك مازن يدها يسحبها له وحاوطت عنقه بقلة حيله تبكي بسبب حياتها والصدفة الي رجعتها لمازن وموت اليسكا لقت شي تنهار عليه حاوط ظهرها بيدينه وانسدح على جنبه وهي بحضنه بدا يمسح على شعرها بحنية ويشم ريحة الكريم فيه ابتسم بخفوت وتعب: طيب قومي كلي شوي
ماردت وهي حاضنته وتحس حضنه لها ملاذ وامان لها ودها تبقى فيه بس تحس القدر يسخر منها اخذها غصب عنها وكره فيه ابوها والحين يحضنه وامانه لها شدت عليه تبي ترتاح بس قاطعها من جلس وبعد وجهها عنه يناظر وجهها الباكي: امشي كلي يلا
سكتت تناظره ومسك يدها يقومها جلسها على الكنبه وجلس جنبها يفتح الاكل تكتفت ترخي جسمها على كتفه اخذ لقمة يمد لها بيده وفتحت فمها تناظر عيونه اكلتها وشافته ماياكل وهمست: كل انت
ابتسم يهز راسه وبدا ياكل ويأكلها معه جمع الاكل بعد مارفضت ناهد تاكل اكثر واخذه للمطبخ يغسل يده ونشفها يرجع للغرفه وشافها منسدحه على السرير توجه لها ينسدح جنبها وفتح لها يدينه ودخلت في حضنه يشد عليها وهي تحاوط ظهره وتغفى.
________••_________
بعد اسبوع تقريبا بعد مارجعوا من المخيم وكل العائلات الي كانت موجودة يتجهزون لعرس ميهاف الي مع الملكة والي اتفقوا عليه مع ابو عناد من كلمهم اسبوع كان مليان تجهيزات للفساتين الميكب ارتست الي حجزوها وكل شي تقريبا اختارت ميهاف عرسها يكون بشاليه كبير قسم للرجال وقسم للحريم جاء اليوم المنتظر يوم عقد قلب عناد بقلب ميهافه الي مو متقبلته للحين وجاهلة مصيرها ومستقبلها معه لفت من دخلت جموح بكامل زينتها عليها وكلمة جميلةةةة قليلة عليها دمعت جموح وهي تناظر اختها الصغيرة بالابيض كانت قمة في الجمال ومكياجها الي يبرز ملامحها باناقة ومسكة وردها البيضة اشرت ميهاف لها تجي وتوجهت لها تحضنها بقوة بعدت تقبل خدها وابتسمت لها ميهاف دخلوا البنات كلهم وكل وحدة كانت اية في الجمال بفساتينهم الي يزهونها سلموا على ميهاف بحرارة وقعدوا جنبها يهدون توترها
زفرت يقين بضيق: بناات كنت ابي ناهد معنا
فيّ بحزن: اي والله اشتقت لها
ميهاف: بنات لا تخلوني ابكي الحين
فزوا من انفتح الباب بقوة: سبرايزززززز
صرخوا البنات بحماسس من شافوا ناهد والي كانت تتزين بفستان عاري الاكمام توب بجهة دن الصدر يتزين بالولو وقصير يوصل للركبة والوانه بين البرتقالي الابيض والذهبي وطبعا شعرها كيرلي وتتزين رقبتها بعقد ذهبي بفص اخضر
دخلوا وراها بنتين متزينات ومبتسمات بخجل والي كانوا جوري ونجد
فزت يقين تحضنها بقوة وضحكت ناهد تبادلها دمعت يقين وبعدت عنها: اوف مابي اخرب مكياجي
ضحكت ناهد وحضنت فيّ والبنات بعدها
قبل عرس ميهاف باربع ايام
قرر مازن يرجع للمملكة بعد ماخلص اشغاله حجز ورجعوه للخبر واستقبلتهم طبعا خلود وبناتها ويوم درت ناهد بعرس ميهاف قررت تكلم مازن كانت بغرفتهم جالسه ودخل مازن الي رجع من شغله وقفت تتوجه له وناظرها بطرف عين يفصخ ثوبه: شفيك؟
ضمت يدينها لبعض: مزونن تكفى لا تردني
رفع حاجبه: مزون؟ وش عندك
ناهد: عرس صديقتي بالرياض بعد اربع ايام ابي اروح تكفى طالبتك لا تردني
زم شفايفه لثواني يفكر وابتسم بخبث من جته فكرة: بشرط
ابتسمت بانتصار: تم وشو؟
مازن: تبوسيني
توسعت عيونها: نعم؟؟؟؟
مازن وهو يروح لغرفة الملابس: هذا شرطي اذا تبين تروحين
عبست وجهها بورطة واخذت نفس بتردد: تمام
ابتسم على جنب يطلع بعد ماغير ملابسه يتوجه يوقف قدامها بابتسامة استفزتها وخجلتها رفعت نفسها على اطراف اصابعها لخده وباسته وبعدت بعد ثواني عقد حواجبه بانزعاج: وش ذي الحين؟
عقدت حواجبها بالمثل: بوسة وش يعني؟
ضحك بسخريه: شايفتني نجد ولا جوري؟ واشر على شفايفه: ابي هنا
غطت وجهها بيدينها بخجل: ياوقح!
مازن بتملل: يلا بسرعه بنام
زفرت تفتح وجهها ورفعت نفسها مره ثانية بس ذي المره لشفايفه باسته بوسه سريعة وجت بتنزل بس مسكها من خصرها بيده يرفعها له ويقبلها هو مسكت كتفيه وكمل مازن تقبيلها بعد عنها بعد مدة يشوف عيونها المغمضة من خجلها وتوجه للسرير ينسدح وهي بحضنه وماحد تكلم وفضلت ناهد الصمت وماتقول له شي عدت ثلاث ايام وكلم مازن اهله وفستان ناهد اشتراه مازن بنفسه لها ومشوا متجهين للرياض وكان ليل يوم الربوع وعرس ميهاف يوم الخميس تجهزوا نجد وجوري معها وام مازن وكانت ام مازن وبناتها بغرفة فندق ومازن وناهد بغرفة خلصت تجيهزها ولبست الفستان الي جابه مازن خصيصا لها طلع مازن من الحمام وناظر الملاك الي قدام المراية لبس ثوبه وهو يناظرها وطلعت ناهد المبخرة الالكترونية تبخر شعرها وخلص مازن يتجه لها لفت له وابتسمت بلطف تبخره وتبخر شماغه خلصت ولبست عبايتها ونزلوا مع بعض يتوجهوا للشاليه بعد مااخذت عنوانه من عاصف الي بس يدري بجيتها
نرجع للواقع~
صفرت هِتان: اموت على الولو انا صارت بنت الخبر
ضحكت ناهد ونطقت بحماس: بروح اسلم على امي لسا ماتدري
طلعت لصاله المعازيم وشافت ام مازن الي قاعدة مع امها واكيد عرفت انه جت توجهت لها: مامااا
لفت لها ريما بشوق: يروح امتس
حضنتها بشوق وقعدت بينها وبين خلود يسولفون مع بعض
عند ميهاف سلموا على نجد وجوري وعرفو بنفسهم دخلوا بنتين بعد والي كانوا ليلى واسيل
صرخت ليلى: ميهافوو
ضحكت ميهاف كونها حبت ليلى وكثير من يوم الخطوبه تقدموا يسلمون عليها ودخلت ام سعود بالكتاب عشان توقع اخذت القلم وناظرت اسمه ووقعت تعالت غطاريف البنات وام سعود الي دمعت تحضنها بعدت عنها: يلا بنات اطلعوا العريس بيدخل
طلعوا كل البنات الا ليلى واسيل دخل عناد ببشته الابيض وغترته شاف ملاكه الي اسرت قلبه بالابيض كان يتأملها بحب واضح بعيونه تقدم لها يقبل راسها وقبل راس ام سعود وسلم على خواته وطلعوا يدخلون سعود وابوه وابو عناد(عقاب) سلموه عليها وطلعوه يخلون لهم خصوصية ودخلت المصورة تبدا تصورهم وخلصوا تطلع المصورة وعناد بعد عشان الزفة دخلوا عليها البنات يجهزونها عشان الزفة وعند الرجال كانوا العيال يفرون للمعازيم بالقهوة ومسوين واجبهم تجاه عناد كأنه اخوهم اما بجهة اخرى سلسبيل الي كانت بالديرة ببيت اهلها.
ابتدت الزفة والحريم متغطين والمصورة تصور لحضه دخول عناد بالصاله الي مزينه ورود باللون الابيض والكوشة البيضاء طلعت ميهاف بكل رقة وجمال وعيونها الي تسحر الناظر لها مع دخول عناد وقفوا قدام بعض وتقدم عناد يوقف بجانبها كان شكلهم فعلاا جميل تناسبهم لبعض وقفوا قدام المصورة وبدت تصورهم خلصت وساعدها عناد تجلس على الكوشة طلعوا ليلى واسيل يتمايلون على الاغاني تقدمت ليلى لميهاف توقفها وتبدا ترقصها ضحكت بخفه تبدا ترقص معها واسيل راحت لعناد بدا يرقصون مع بعض وطلعت ام سعود معهم تتمايل مع بنتها وام عناد الي سحبتها اسيل انتهت الزفه وطلع عناد ينتظر عروسته وطلع يسلم على الاهل برا طلعت ميهاف بعبايتها البيضاء وابتسمت تحضن سعود الي عند الباب باس راسها ابوها وبعد تصويات عليها مشت هي وعناد للفندق.
خلص العرس بعد ماراحوا ورقص البنات وتعشوا الضيوف وكل شي رجعت ناهد معهم للخبر كون مازن عنده شغل والباقي الكل راح لبيته وراحوا اهل عناد للديرة.
الفندق~
دخلوا الغرفة اما بالسيارة فكان صمت كبير وللحين نفس الشي تنحنح عناد من شاف ارتباكها معه:بنزل اجيب عشاء
هزت راسها بدون رد وطلع بعد ماحط بشته يحط لها مساحة تنهدت بارتياح وراحت تطلع شنطتها الي جهزتها جموح لها بتغيرر لبسها طارت عيونها بصدمة تشوف شكل الملابس وقصرها اطول لبس موجود كان يوصل للفخذ: الله ياخذ العدو يجموح وش ذا!!!
اخذت اطول شي ممكن وكان عبارة عن قميص حرير بحبال وشورت حرير باللون الاسود دخلت الحمام تاخذ شاور لجسمها وخلصت ترطب جسمها ولبست ملابسها تحط مكياج خفيف وتعطرت تطلع ارتاحت من شافته مو موجود وقعدت على كنب الصاله بتوتر
دخل عناد وسكر الباب يلتفت لها: جب..
سكت من شافها قدامه بهذا الشكل لاحظت نظراته وعدل شورتها بتوتر وانتبه لنفسه يتنحنح ويتقدم يجلس قدامها بالكنبه ويفرش الاكل لهم بدت تاكل مجاملة بس اكلت ثلاث لقمات وخلصت تجلس مكانها خلص عناد واخذت السفرة وراحت تغسل يدها رجعت تجلس بتوتر مكانها ناظر توترها عناد وتنهد يمسك كفينها بيدينه: ميهاف والله ياميهاف اني حبيتك جد واذا بالنسبه لسلسبيل كانت اختيار امي والله ماهي اختياري ومادخلت قلبي كل حياتها مشاكل
ميهاف بهدوء: طيب اذا بيوم امك سوت مشكلة عشانها وصدقتها علي؟
هز راسه بالنفي: اعرف كم امي تحبها واعرف خبث سلسبيل اوعدك مارح اصدقها
هزت راسها بدون رد ووقف عناد يحط يده على خصرها والثانيه بمفصل ركبها ويحملها له توجه لغرفه النوم و❗❗❗
________••_________
بعد يومين~الخبر
دخل يصوت: ناهددد
طلعت له من الغرفه: هلاا
شاف امه الي بالصاله قاعدة وتوجه يقبل راسها ويلتفت لها: تجهزي بنروح اليخت واحسبي حسابك بنقعد يمكن يومين
ابتسمت خلود من شافت بداية تحسن علاقتهم هزت راسها ناهد بحماس: تمامم
دخلت تتجهز وطلعت جوري من غرفتها من سمعتهم: اوف يخت وبحر رومانسيه وحركات
رماها مازن بالمنديل: احترمي اني موجود
ضحكت جوري وتوجهت لغرفة ناهد تطقطق عليها: ها نبي ترجعون وعندنا حفيد
توسعت عيون ناهد تلف لها: الوصاخة وراثه عندكم ولا وش؟
ضكت جوري وتجاهلتها ناهد تكمل تجهيز خلصت وتكشخت تلبس فستان بلون البحر وسوت مكياج خفيف تلبس عبايتها وطلعت له وقف مازن وباست راس خلود وطلعو مع بعض لسيارته مشى متحركين للبحر تحديدا مكان اليخوت وصل ونزلت اغراضها معه وتوجه ليخته استنشقت ريحة البحر بعمق وناظرت يخته باعجاب ركبت معه وحركه يتجهون لوسط البحر فصخت عبايتها من ابتعدوا عن المكان نزع تيشيرته مازن يلف لها: تسبحين؟
هزت راسها بالنفي ولف مازن ينط للبحر وقعدت تتأمل غروب الشمس من اعلاه اليخت دخلت من حست بالبرد تجيب لها جكيت وبذا الوقت طلع مازن وقعد جنب على الكرسي جنب الباب الي يدخل لداخل صعدت ناهد ومانتبهت لوجوده اساسا قعدت على الحافة وعقدت حواجبها تسمع الهدوء وعدم وجود مازن ابتسم مازن من عرف انها تحسبه بالاسفل وقام بهدوء يتوجه لها تأمل فستانها الي يبرز مفاتنها وحاوط ظهرها من الخلف شهقت من حست بالي يحاوط ولفت تلين ملامحها تشوف مازن لفت له ودخل يدينه من جاكيتها المفتوح يحاوط ظهرها العاري وخصرها بيدينه ناظرت عيونه والطرفين ساكتين يتأملون بعض حنى نفسه لثغرها يقبله غمضت عيونها وكان ظهرها الي عليه يدينه ملاصقه للحافه تعمق فيها وناهد بدون ماتشعر بادلته بعد عنها يتأمل وجهها ونطق بهمس: تسمحين لي بقربك؟
ماكان منها الرد غير انها تدفن وجهها بعنقه وتحضنه واعتبرها موافقه يحملها ويدخل لجوا ويعلن ناهد حرمّه وزوجته قولا وفعلا.
_________________
_________________
هاييي كيفكم؟ البارت اليوم حماسسسس لمحبين ناهد ومازن شرايكم فيهم؟ اليوم نزلت بالفجر3000كلمة والحين2000يعني خمس الاف كلمة ان شاءلله تتهنون 💎💎
(ماحلل تقرون بدون نجمة)
أنت تقرأ
احلى من العقد لباسه الماسه تلبس الماسة
Actionحاليا «احلى من العقد لباسه الماسه تلبس الماسة» حساب انستا وتيك: i7joo.r
