دخلت بعد مادلتها نجد على قسمهم دخلت تستكشفه وكان هادي وديكوره جميل توجهت لاحدى الغرف وواضح انها غرفة نومهم دخلت وقشعر جسمها من برودتها كشرت تطفي المكيف وشافت مازن الي منسدح بسابع نومة وهو عاري الصدر صدت عنه بغيض واخذت الشنطة تطلع لها ملابس خفيفة ودخلت الحمام تغير خلصت وتأملت نفسها ثواني بمراية الحمام وزفرت تطلع وفتحت شنطة مكياجها واخذت مزيل المكياج وقعدت على كرسي التسريحة بعد ماشغلت النور تمسحها متجاهلة مازن الي منزعج من طفت المكيف شالت اكسسوارتها وفزت بخوف من سمعت مازن الي نطق ببحة: وعمى ليه طفيتي المكيف وقفت تتوجه لقدام السرير تناظره ونطقت: من قلك انك بتنام هنا انقلع برا نام على الكنبة
ناظرها باستحقار: طرار ويتشرط اقول انقلعي بس خلينا انام
سحبت مخدته من تحته: يبوي انقلع تخسي انام على الكنبة يلا اطلع
زفر بغضب منها ومد بحركة سريعة وسحبها له شهقت تحاول توقف وحاوطها ياخذ مخدته يرجع ينسدح عليها وهي بحضنه: نشوف عنادك الحين بتنامي هنا غصب عنك
ناهد وهب تحاول تتفلت من يدينه الي محاوطة خصرها: الله ياخذك انقلع عني وجع
تجاهلها يشد عليها استلمت تزفر بتعب وعضت شفتها بألم من اسفل بطنها دمعت عيونها من قبضته الي على خصرها وتزيدها الم فز من حس بدموعها على صدره العاري وجلس يناظر عيونها ومسكته على بطنها: شفيك كل ذا عشان ابي انام خلاص بقوم
هزت راسها بالنفي: لا
مازن: طيب شفيك
تجاهلت سؤاله: ابي كمادات حارة
عقد حواجبه باستغراب وقام يلبس تيشيرته ويطلع من الغرفة وهو مو عارف اصلا ليه طيب معها كذا ويسمع لها توجه للمطبخ الي امه فيه قاعده تسوي بسبوستها الي ما تتقاوم تقدم يبوس راسها ونطق: يمه ابي كمادة حارة؟
خلود باستغراب:ليه يوليدي
حك رقبته من ورا: مادري ناهد تتلوى بطنها تعورها وتقول تبيها
فهمت خلود وش فيها وصدت وهي تبتسم: وانت ماتدري وش فيها؟
مازن: لا والله
هزت راسها وهي متقصده تحرجه: ادخل جوالك ابحث
استغراب من امه بس اكتفى بهز راسه وجت العاملة تسوي الكمادة بعد ماطلبت منها خلود طلعت خلود اعشاب وبدت تسوي مشروب لناهد؛ خلود تحبها كانها بنتها بس الظروف فرقتهم، خلصت وحطته بصينيه وحطت الكمادة له ومدت له ياهم اخذهم لقسمه وشاف ناهد الي منسدحة ومغطيه عيونها بايدها تقدم يحطه على الطاوله: بنت قومي
بعدت يدها تناظره بهدوء واعتدلت بجلستها تناظر المشروب مع الكمادة وعقدت حواجبها: وش ذا
مازن: امي سوته تقول يفيدك
هزت راسها واخذت الكمادة تحطها على اسفل بطنها وتغمض عيونها تسترخي
طلع مازن جواله بفضول ودخل قوقل يبدا يبحث بعد وقت قليل عرف وش تعني امه وحك رقبته باحراج من السالفه اخذ بطانيته بكرامته ومخدة وطلع للكنبة ينام ناظرته ناهد بعدم اهتمام واخذت المشروب تشرب منه.
________••________
بقصر آل زايد~
تحديدا غرفة فيّ طلعت جوالها تدخل القروب الي فيه كل البنات (يقين منيرة جود فرح رهف حور جموح دانة هاجر ميهاف جمان ريتال هِتان مجد البندري ناهد ) وسجلت: عندكم نص ساعة تتجهزون بنطلع طلعة بنات الي ماتجي ياويلها
سجلت البندري لها: ماقدر فوفي الحمل ذا متعبني والله
فيّ: يالبيه الحامل يناس معتس عذرتس يبعدي
يقين: تمم بس كيف بنروح كلنا؟
رهف: كل واحدة تقعد فوق الثانيه😭😭
ريتال: سخيفة وجع
فيّ: بكلم فيصل باخذ حقه الجيب وسيارتي شدعوة والله لو اننا قوم
جود: وفيصل بوافق؟
فيّ بغرور: طبعا
ناهد: ياخونه
يقين: اشتقت لتس نهودي
ميهاف: كيف بنجي؟
فيّ: بنمر لكم
جمان: خلاص انقلعي انتِ وهي تجهزوا
دانة بفضول: فيّ وين بنروح؟
فيّ: سر ويلا انقلعوا تجهزوا🤨
مجد: بنات جنى وين بحطها؟
البندري: خليها معي واطلعي استانسي
مجد: 💋💋
اخر رساله كانت ذي قاموا البنات يتجهزون وبعد نص ساعة كان الكل جاهز تجمعوا البنات بساحة القصر حق آل زايد وكان عددهم ما شاءلله فعلا
توجهت فيّ للعريش الي كانوا قاعدين فيه العيال(فيصل ويزن وزياد وسلمان وناصر وفهد وسلطان وهاشم وعاصف واياد وماهر وعزام والايهم ونياف واسير) وكانوا البنات وراها وقفت تنادي: فيصلل
لفوا كل العيال وضحك زياد بصدمة: اعوذ بالله وش ذا رايحين تحاربون انتم؟
هِتان: ها ها ها! تضحك ياليتك ساكت
ضحكوا العيال على زياد ونطق فيصل لفيّ: سمي
فيّ: ابي مفتاح سيارتك بخطف البنات شوي
رمى لها المفتاح الي جمبه: خذيه
لقطته بابتسامة ولفت لهم: وبعدين زياد انت تطقطق وماشفت عددكم؟
لفوا العيال بعض واصلا صدق كانوا اكثر من البنات كان سلمان يدورها بعيونه ونطقت الدانة وهي تضحك: هدي يالعاشق الولهان ماهي موجودة
سلمان: ليه
فيّ: تقول الحمل متعبها شوي
وقف سلمان بخوف عليها وطلع لقسمهم يطمن عليها جمان: شوفوا الحب الصح اخ مالت علينا
سمعها عاصف وصد يخفي ابتسامته
وتحركت فيّ: يلا بنات
مشوا متجهين لعند السيارات ولفت فيّ: انا بسيارتي وهِتان انتِ بسيارة فيصل
وكان ترتيبهم كالتالي
فيّ الي تسوق ومعها(الدانة جنبها وورا مجد هاجر ورهف ووراهم ريتال حور وبيمرون لميهاف جمبهم
هِتان (جنبها يقين وورا فرح جود منيره ووراهم جمان وجنبها بتكون جموح) تحركوا متجهين لبيت جموح
بسيارة فيّ
فيّ: يلا شتبون احط لنا؟
ردوا البنات بصوت واحد وكانت ردودهم
الدانة: انغام
مجد: اصالة
هاجر: عبد المجيد
رهف وريتال: هيفاء
حور: خالد عبدالرحمن
ضحكت فيّ: ابك عندنا ثنتين غنوجات
وكانت تقصد رهف وريتال واشرت على دانة: وذي عايشه الحب هي وهاجر ومجد اوف جوك البطل بس الي فازت حور تكفين جوي (كانوا البنات منزلين نقابتهم بحكم انهم بالسيارة) اخذت جوالها تشغل اغنيه لخالد عبد الرحمن
بدت تدندن وحور معها والبنات منسجمات لصوتهم:
أنت تقرأ
احلى من العقد لباسه الماسه تلبس الماسة
Actionحاليا «احلى من العقد لباسه الماسه تلبس الماسة» حساب انستا وتيك: i7joo.r
