احلى من العقد لباسه الماسه تلبس الماسة

بارت17

حطت جوالها على التسريحة بعد ماحطته سبيكر وطلعت مزيل المكياج تسمع لهِتان الي تسولف لها ضحكت هِتان بقوة وضحكت معها من ضحكتها: شبلاك انتِ تضحكين كذا
هِتان وخي تمسع دموعها ومكملة ضحك: تخيلي هاجر كانت تطقطق على دانة وناصر عم خطيب دنو خطبها
وسعت عيونها بفرحة: انخطبت؟؟ خير وانا اخر من يدري
اعتدلت بجلستها بحماس: وين لا بس خطوبه اما الملكة بعد 25يوم كذا المهم تراتس معزومة انتِ واهلتس وياويلك بس ماتجين
مسكت الجوال ترفعه لاذنها: ابشري على خشمي اول الحاضرين
ابتسمت تردف: عليه الشحم، وكملت بفضول: الا اقول جموح عندتس خوات؟
دخلت ميهاف على كلمتها وهي ماسكه قهوتها والمكر على شعرها ونطقت بضحكة: اي عندي اذا عندك خطاب تراها مزعجتني
وسعت عيونها تلف وتدور شي تهبدها فيه: قاعدة على قلبك انا على الزق بس
ضحكت هِتان الي سمعتها: عليتس فيها كفو شسمها؟
جموح: ميهاف
هِتان: الله وش ذي الاسماء الحلوة
كملوا سوالفهم وقعدت ميهاف عند جموح تلعب بجوالها
_______••_______

بديرة من ديار الرياض بمكان لاول مره نروحه لشخصية جديدة لروايتي ديرة اغلبها تفكيرهم جاهل ومن تفكير الاولين ومن اهم فكرهم(البنت مكانها بيت زوجها ودراستها ماتنفعها) دخل للبيت بعد ماراح يعلف الابل وتقدم يقبل راس وايد امه: كيف حلوة اللبن؟
ابتسمت امه الي قاعدة وتقرا قران: بخير يروح امك
اتجه لغرفته مع زوجته«سلسبيل» زفر بتعب يتوجه للحمام وياخذ دش لانه من الفجر صاحي والحين الساعة11الظهر خلص وطلع والمنشفه محاوطة خصره وطلع يلبس  بدلته العسكريه وحط شراته وكانت مرتبته(عقيد) وتعطر بالعود يطلع لهم عقد حواجبه  يدخل للمطبخ على اصوات هواش اخته ليلى مع زوجته ونطق بحدة: نعم انتِ وياها وكسر اقصروا حسكم!
لفت له ليلى بغضب: امسك زوجتك المصون ذي فوق مو قايمة متاخرة تهاوش عشان صحونها الي ماغسلتها من قلك اننا خدامين عندها!
سلسبيل بدلع: عناد تراها تكبر السالفه ماسويت شي هي تكبرها
زفر عناد بغضب ورفع صوته: وقسم ان سمعت لكم حس لاجرم فيكم وطلع من البيت للحوش الي قاعدين فيه امه وابوه وباس راسهم: الحين بمشي للمدينة يبه تحتاجون شي؟
هز رأسه بالنفي: روح يولدي بحفظ الله
وطلع يركب سيارته متوجه لمدينه(الرياض)
________••_________

رفعت من على اللابتوب من دخل وسكرته تنطق بهدوء: ابي نتكلم
لف لها وتقدم يجلس قدامها بالكنبة المقابله: تفضلي ياحرّم مقبل
رجعت ظهرها للكنبه تحط رجل على رجل: كنسلت مابي جامعة والبيت صار طفش وانا ابي اشتغل بشركتك (مجد درست ادارة اعمال بس ماكملت لانه تركته بعد الزواج)
عقد حواجبه: وش تبين انتِ بالشغل انا موفر لتس كل شي ومانا بمقصر
مجد بحدة: والله انا طفشت من البيت ياخي وابي اشتغل براحتي وهذه زوجتك الثانيه تشتغل وانت موفر لها كل شي شمعنى انا؟؟
حك جبهته بوهقة ورفع راسه بعد وقت: طيب ان شاءلله بسجل لتس وتشتغلين
وابتسمت ابتسامة مستفزة: ابي اكون مديرة قسم كامل وسكرتيرتي تكون ندى
رفع حواجبه بذهول: الشرط الاول تم بس شمعنى تبين ندى؟؟
مجد: كيفي وانا ابيها
زفر بقلة حيله: ان شاءلله بكلمها وسكت لثواني ونطق: مجد شفيتس صايرة كذا؟ من يوم ما ملكت وانتِ ماتسمحين اقربتس ولا المستس ماسويت شي غلط انا! الشرع حلل اربع يبنتي
ناظرته باستحقار: كنت فكر كذا قبل ماتفكر تاخذ وحدة علي وانا ماعلي الا اربي بنتي واهتم بنفسي وقفت تتوجه للسرير بس ما سمح لها يوقف سحبها له يناظر عيونها: مجد انتِ الاولى بقلبي وتدرين بذا الشي لا تخلي الزواج الثاني يخرب بيننا اوعدتس بعدل بينكم بس لا تبعدي خلاص
ناظرت عيونه لثواني ونطقت بين نفسها(ليه ما اخربه من اولها بينهم  انا اوريتس يالرخيصه) رفعت يدينها تحاوط عنقه ورفعت نفسها  توقف على اصابعهل تقبل مبسمه شد على خصرها يبادلها و❗❗❗
_______••_______
بعد 25يوم من تجهيزات لملكة ناصر وفهد جاء اليوم المنتظر نزلت بسرعة وبيدها مفتاح سيارتها: بناتتت يلا الي بتجي معي تسرع بمشي انا
كانوا متوجهين للمشغل وبعدها بيمشون للشاليه الي حجزوا بعد مادلتهم عليه جموح نزلوا البنات(هِتان ناهد يقين مجد جنى) والباقي (منيرة جود الدانة وهاجر البندري) بياخذهم سلمان وطبعا آل مترك ومنصور بيجتمعون حريمهم بالمشغل نفسه
تحركوا متجهين له وصلوا ينزلون ودخلوا وكانوا حاجزين المشغل بكبره بحكم عددهم (طبعا الحريم الكبار موجودين وفيصل وعزام الي اخذوهم بس بمشغل ثاني) غمزت فيّ للبنات تنبهههم بالخطة واول مادخلوا دانة وهاجر انفجرت (يبنات نسيت اسمهم بس ذيك الي تطلع قصاصات تلمع ملونه) واشتغلت الاغاني تقدمت لهم وحدة وبيدها الكيكة وكانت كبيرة شوي دمعت الدانة وهي تناظرهم: بنات خلاص كنسلت مابي
ضحكت فيّ تحضنها وهاجر الي دمعت اصلا: يحلوكم ياخي
تقدمت الميكب ارتست لهم وهي مبتسمة: اصوركم؟
هزت راسها الماسة وتجمعوا البنات وكان عددهم مره كبيرة اخذت لهم عدة صور وبدا تجهيزهم
وعند العيال نفس الشي عند الحلاق وكشختهم وطبعا مايستغنون عن هبالهم واخيرا جاء الوقت توجهوا البنات للشاليه والي كان(عبارة عن قسمين كبيرين واحد للنساء والثاني للرجال) وكانت مزينه وفيها كوشه عشان الزفه(زفة للملكة ترا ها مو عرس) وبيدون بهاجر بعدها الدانة دخلوا لاحدى الغرف وكانت الاكبر كانت كل وحدة تقول الزين عندي
بوصف لكم ملابس بناتي(انزل التشبيهات انستا ضيفوني)
هاجر[لبست فستان اسود يبرز خصرها وفيه فتحة فخذ طويلة ويكشف عن نحرها
الدانة: فستان بيبي بينك طويل وفيه ربطة من عند الظهر ويكشف نحرها وكانت اية في الجمال
فيّ: وطبعا فستان احمر بكتف واحد طويل وفيه فتحة فخذ مع كعبها الذهبي واكسسوارات خفيفة
الماسة: فستان احمر (صعب وصفه شوي بنزلكم انستا)
حور: فستان قصير باللون التركوازي واكتافه متعاكسه وكعب ذهبي
يقين وفرح (بتقولوا لين متشابهين الاغلب لانه من بوتيك يقين ويعني حبيت اسهل): فستان كحلي واسود  مزين بالماسات متفرقه وعقد الماس يناسبه وقفازات باللون الاسود لنص كوعها وكانت شفافه
رهف وريتال: طقموا بس اختلافات بسيطة وكان فستان ريتال بدرجات الازرق وبدون اكتاف ورهف ابيض بدون اكتاف انما ريش خفيف على الصدر من فوق
منيرة: فستان برتقالي جميلل عليها وعنده ذيل من ورا منفوش شوي وعقد الماس وكانت مره رهيبة
ناهد: كالعادة شي بسيط بس عليها مو طبيعي تجمله بدل مايجملها كانت لابسه فستان ابيض يوصل لفوق الركب ويتزين بالورد
جموح وميهاف: مطقمين بعد بس اختلاف اللون وكانت ميهاف احمر وجموح بدرجات الوردي والي هو فستان تنزل اكمامه شوي جدا لعند الصدر بس اما نحرها يغطيها شبك مزين بالولو
جمان: فستان ابيض توب ومن عند الخصر يتوسع لتحت ويزينه ريش وطويل من ورا شوي وكعب ابيض
هِتان: فستان كحلي بكتف واحد يوصل لتحت الركبه منفوش شوي وكعب ذهبي
مجد: فستان ابيض باكمام شفافه ويتزين بنهاية معصمها بزينه والخصر نفسه حزام نحيف نفس الزينة
البندري: فستان موف باكمام طويله ويكشف منتثف نحرها وطويل
نكمل......
ابتدا الاحتفال وصوت الاغاني الي يعلو وعند الرجال عرضه نجديه وفيصل الي ماهجد بس يعرض بالسيف ضحك فهد يوقف ويتجه له وبدو الاثنين يعرضون وكان شكلهم تحفه قدام الكل وصارت الانظار عليهم وشاركهم ناصر وزياد والايهم.