فتحت عيونها بانزعاج تشوف مازن الي يلبس ملابسه اخذت فستانها المرمي على الارض بعشوائيه ولبسته ناظرها ونطق بابتسامة: اتجهزي بنرجع
هزت راسها بالفهم وهي ماتبي تتكلم من خجلها طلع وحرك اليخت يرجع لليابسه لبست عبايتها وظبطت نقابها واخذت اغراضها تطلع معه ناظرت الجو وكان الفجر نزل من اليخت معها وتوجه لسيارته يحط اغراضهم ويتحرك لبيتهم ركن سيارته ينزل ودخلوا وكان البيت هادي بحكم انهم نايمين طلعوا لقسمهم ودخلت الحمام(الله يكرمكم) تاخذ دش خلصت تلف منشفتها على خصرها وطلعت وشافت مازن الي على السرير توجهت لغرفة الملابس تطلع لها بجامة ولبستها تنشف شعرها وتتركه على راحته دخل مازن واخذ له دش هو بعد وطلع يغير ملابسه انسدحت على السرير تكمل نومتها انسدح جنبها يسحبها لحضنه وينامون ببداية جديدة لهم وحب جديد انخلق لهم.
_________••________
بعد اسبوع وقبل رمضان ب7ايام ماصار شي جديد غير ان عناد سافر مع ميهاف للندن شهر عسل وناهد ومازن الي تحسن وضعهم وبدو قصه حب جديدة وميهاف الي نوعا ما تقبلت عناد وحنيته عليها فقط اما اهله للحين ماتعرف وش منتظرها والباقي نفس الروتين
طلعت من الحمام وهي تنشف شعرها توجهت للتسريحة تطلع مجفف الشعر وتبدا تجففه رفعت عيونها على المراية من دخل عناد ونزلتها تكمل تجفيف انسدح على السرير يحط يدينه ورا راسه: متى تبين نرجع؟
نطقت بدون ماتلف: قبل رمضان احسن
هز راسه بتأييد: نرجع بعد ثلاث ايام يناسبك؟
هزت راسها بـ طيب ووقف: اتجهزي بنطلع
ابتسمت بخفوت تنزل المجفف ووقفت تاخذ جاكيتها الطويل باللون الابيض وحطت الوشاح على رقبتها ولبس عناد واحتضنت ذراعه يطلعون يتمشون بشوارع لندن
توجهت لمكتبها تقعد وناظرت اسمها على المكتب (المديره التنفيذية_مجد حسين) ابتسمت بخفوت ولفت من انطق الباب: ادخل
دخلت ندى الي هي سكرتيرتها ووافقت بسبب مقبل ومدت لها ملفات بدون نفس: من مقبل
رفعت حاجبها كونها منزله نقابها باستفزاز: استاذ مقبل
ندى: زوجي واقول الي ابيه
رجعت ظهرها للخلف: برا الدوام انتِ الحين بالدوام احترمي نفستس
تجاهلها وطلعت من عندها تتوجه لمكتب مقبل تفتح الباب بعصبية: مقبل خلاص عاد انا مارح اتحملها كيف تتأمر!! ماني خدامه عندها وما وافقت الا عشانك ترا!
زفر مقبل: ياندى خلاص خليها تجاهليها ولا تحتكين فيها
تقدم تجلس:طيب متى عرسنا؟
ابتسم يمسك يدها: بعد رمضان عرس بنت عمي وعمتي واحنا بعدهم بنص شهر
هزت راسها بالايجاب بابتسامة ووقفت تطلع من عنده
خلصت اشغالها مجد تطلع من مكتبها نزلت للسواق الي ينتظرها وتوجهت لمدرسه جنى نزلت تدخل للداخل وابتسمت من شافت جنى تركض لها: ماماا
نزلت لها تحضنها: روح الماما
قبلت خدها بلطف ووقفت تمسك يدها وتطلع تتجه للقصر.
تسمع لمعلمتها بحماس ولهفة كونها تحبها وجدا وتحب مادتها نزلت انظارها لدفترها تبدا تكتب وخلصت درسها تقعد على كرسيها تسمح لهم يتكلمون مع بعض لفت لروان الي جنبها: ياخيي احبهاا تكفين
زفرت روان بملل: وانتِ عندك غيرها؟ ماغير ميّ ميّ مو طبيعية ياخي احد يحب رياضيات؟
بعدت شعرها ريتال لورا: والله سهل وهي تسهله وجهها فيه راحة تحسي متزوجة؟
لفت روان تتأمل الأستاذة لثواني بسيطة ولفت لها ترفع اكتافها: ماادري احسها صغيره اعطيها24
حطت يدها على خدها: ياحظه الي ياخذها بس
نزلت راسها الاستاذة ميّ بابتسامة كونها سمعت اغلب كلامهم_بسبب جلوسهم بالمقدمة_تحب ريتال وجداا من توفقها بمادتها وهدوئها معها دق جرس الحصه الاخيرة ووقفوا الطلاب يتجهزون للطلعة لبست عبايتها ريتال وطرحتها وطلعت مع روان تنتظر ماهر مشت روان لسيارة والدها بعد ماودعت ريتال ووقفا ريتال تنتظر تقدمت لها جوليان وثنتين بنات معها وزفرت بقرف تتجاهلهم مسكت جوليان وجهها تلفه: اوف اوف شفيك تتجاهليني افا عليك بس
وخرت يدها بحدة: لا تلمسين احسن لك ياجوليان واتقي خيري وانقلعي
ضحكت باستفزاز وناظرت وراها تشوف صديقتها الي مخططين على ريتال عقدت حواجبها بألم من الضربة الي على راسها وغمضت عيونها تنزل مغمى عليها كل ذا تحت انظار استاذة ميّ الي كانت طالعة لسيارتها وتجمدت تناظرهم نزلت جوليان بسرعة لها وطلعت ولاعة من جيبها: عشان تعرفي مره ثانيه من تضربين
سحبت معصمها وبدت تحرقها بان الالم بوجه ريتال المغمى وتقدمت ميّ بسرعة لهم تصرخ: خيرر!!!!
فزت جوليان تركض وصديقاتها معها ونزلت ميّ بخوف على ريتال: ريتالل اصحي!
مسكت يدها تشوف الحرق وحملتها بصعوبة لسيارتها دخلتها وركبت تحرك للمستشفى بسرعة طلعت جوالها تتصل على الاداريه: عطيني رقم ولي امر الطالبة ريتال
ارسلت لها ودقت بسرعة وصلها صوت رجال: السلام عليكم ولي امر الطالبة ريتال؟
عقد حواجبه ماهر من ظن انها سوت مشكلة وهو تأخر بسبب زحمة الطريق: وعليكم السلام وصلتي
ميّ: تعال مستشفى............ ريتال هناك
انقبض قلبه بخوف عليها: شفيها؟؟؟
ميّ: تعال هنا وتعرف
سكرت منه ووصلت تنزل ريتال وجت ممرضه تحملها معها دخلتها لجوا وسجلت بأسمها دخلوها لغرفة الطوارى بسبب حرق يدها صحت ريتال تعقد حواجبها ناظرت الممرضة الي تطهر جرحها: وش صار؟
لفت لها الممرضه: جيتي مغمى عليك وفي وحدة برا جابتك
طلعت الممرضه تنادي ميّ ودخلت بقلق: ريتال انتِ بخير؟
ناظرتها بذهول: استاذة ميّ؟شصار
توجهت تناظر يدها الي عليها الشاش: كنت طالعة وشفت جوليان مع صديقاتها وحدة جتك وضربت راسك من ورا واشرت على يدها: وحرقتك
ريتال بغضب وقهر: انا اوريهاا ماتجي الا بالغدر
وقفت ومسكتها ميّ: اهدي ياريتال مو كلشي ينحل بالعصبيه
اندق الباب ونزلت نقابها ميّ: ادخل
دخل ماهر وشاف الحرمة الي مع ريتال وتوجه لريتال يتفحص وجهها: رتول شفيتس؟
حضنته تطمنه: ولا شي بس انحرقت
بعد عنها يعقد حواجبه: كيف انحرقتي؟؟
لف لميّ الي تكلمت وحكت له كل شي واعتدل بوقفته بغضب: بأي حق تحرقتس وتتعرض لتس بالشارع!!!
ريتال: والله ماخليها بحالها
لف ماهر لميّ: تسلمين ماقصرتي
هزت راسها بابتسامة: ولو
ابتسمت لها ريتال: اسفه لو تعبتس استاذة ميّ
وكملت بتردد: طالبتس لا ترديني
ميّ: ابشري اطلبي
ابتسمت باتساع: بعزمتس وتجين عندنا
فكرت ميّ لثواني وماحبت تردها وهزت راسها: ان شاءلله
اعطتها ريتال رقمها وطلعت ميّ من عندهم لفت ريتال بحماس لماهر: اشكر ام جوليان على كذا
ضحك بذهول: من جدتس؟
هزت راسها: اي والله ياخي احبهاا
ضحك يهز راسه بأسف ومسك كتوفها يطلع لسيارته وهي بجنبه
أنت تقرأ
احلى من العقد لباسه الماسه تلبس الماسة
Actionحاليا «احلى من العقد لباسه الماسه تلبس الماسة» حساب انستا وتيك: i7joo.r
