بعد يومين ~
الشرقيه وتحديدا الخبر ببيت مازن
طلعت من الحمام(الله يكرمكم) بعد مااخذت شاور ارتاحت فيه كثير مشت لغرفة التبديل وطلعت فستانها الاحمر تطلعه حطته على جنب وهي لابسه روب الاستحمام مشت للتسريحة تطلع مكياجها وطلعت كريم الكيرلي تبدا تلف شعرها خلصت تبدا تحط مكياجها والي خلته حاد وثقيل يبرز عيونه الواسعة الى شفتيها المليانة والي تتلون باللون الاحمر الخمري اخذت فستانها تلبسه وناظرت نفسهاا بالمراية تتأمل نفسها بحب بدت تلف حول نفسها على دخول مازن للغرفة حس الدم يتجمد بعروقه وهو يناظر الموت الاحمر الي قدامه خصرها المنحوت وشعرها الكيرلي الي ينساب على ظهرها بارياحية يكاد يحلف انه صوت نبضات قلبه يمديها تسمعه لفت له من انتبهت له وسفهته تاخذ المسك وتمرره على اماكن النبض حطت عطورها الي تجذب الشخص غصب عنه والي تتميز فيه واخذت المبخرة الالكترونية تبخر شعرها ونفسها متجاهلة مازن الي دخل يغير ملابسه وهو يحلف انه قلبه معها خلصوا الاثنين وكان كل واحد يقول الزين عندي والتناسب فيهم مو طبيعي نزلوا لتحت مع بعض وشافوا التجهيزات والعاملات الي بكل البيت يجهزون وريخة العود الي توصل لاخر الفله طلع مازن لمجلس الرجال وشافت ناهد نجد وجوري الي نزلوا وكل واحدة احلى من الثانية صفرت جوري باعجاب: ياويلي من هاد الحلو اااه يقلبي
ضحكت ناهد بخجل وكملت نجد بخبث: وش صار على اخوي؟ اشوفه مو موجود
ضربت كتفها ناهد: ياوصخة
ضحكت وتوجهوا يوقفون جنب خلود من سمعوا صوت مازن الي بدا يرحب شوي ودخلوا الحريم والي كان عددهم4 بدا السلام بينهم وخلود الي تعرفهم على ناهد بكل فخر وحب وحنان لها وكانت النظرات تتبدل فيها من اعجاب وحقد وحسد
وصلت لاخر حرمة وكان معها بنتين كاشفين وطرحهم على اكتافهم سلمت عليهم خلود ولفت لناهد: زوجة ولدي ناهد، ولفت انظارها لهم تكمل: اختي ريف وبناتها، اشرت على الاولى: إيمان والثانية ترف
سلمت عليهم ناهد ونظرات الثقه بعيونها وإيمان الي تطلع عيونها شرار وتحلف لو النظرات تقتل لكانت قتلتها
خلصوا السلام يقعدون مع بعض وبرا الرجال الي قلطهم مازن وبدا يقويهم كونه مايتأمن بالقهوجين ويفضل يقهوي ضيوفه بنفسه بعد وقت اخذ الدلة ودخل المطبخ من الباب الخلفي ودق على جوري: اطلعي لي للمطبخ جددوا الدلة
ابتسمت جوري بخبث: ابشر
سكرت منه تلف على البنات الي قاعدين بدون الحريم وتعمدت ترفع صوتها: نهود زوجك يبيك بالمطبخ روحي له
ناظرتها باستغراب بس وقفت تطلع للمطبخ نزلت انظارها إيمان بقهر وقامت لفت لها نجد: وين رايحة؟
إيمان: ابي الحمام تجي معي؟
تجاهلتها ومن حظها انه الحمام باتجاه المطبخ
بالمطبخ~
دخلت ناهد وشافت مازن: وش بغيت يالصعلوك؟
رفع انظاره لها بذهول يقرب منها ونسى الدلال: نعم؟ مين الصعلوك
كانت بترد ناهد لو لا الظل الي شافته عند باب المطبخ قربت منه بعمد تحط يدينها على كتوفه تضحك بضحكة تذوب الصخر وكان مازن مصدوم فعلا منها: حبيبي انت امداك تشتاق
رفع حاجبه بيرد بس سكتته من حاوطت عنقه بيدينها تقرب وتهمس: اسكت في احد عند الباب
ابتسم بمكر يستغل الوضع وحاوط خصرها بيدينه يقربها له يهمس: مين عند الباب؟
ناظرته بارتباك من قربه بنفس الهمس: مادري
نزل انظاره لنحرها المكشوف الي يلمع ونعومته تهلك الواحد وكان شكلها بالاحمر الي يشلع القلب ويبزر مفاتنها مغرية وكثير بالنسبة لمازن وابتسم بخبث بهمس: مين الصعلوك قلتي لي؟
ناهد بنفس الهمس: انت في احد غيرك؟
ضحك بخبث يقربها له وماكان يفصلهم شي فعلا ودفن وجهه بعنقها يقبلها حست الدم يتجمد بعروقها من حركته شدت على اكتافه بارتباك وهو يتعمق فيها وهايم فيها كثير نسى نفسه معها بدون ماينتبه حتى تاركين الي عند الباب المصدومة وتطالع فزت من حست باحد يلمس كتفها من الخلف وكانت جوري راحت إيمان بسرعة وهي ماتبي تتكلم ولف جوري باستغراب للمطبخ توسعت عيونها بخجل تشوف وضعية مازن وناهد واستحت تمشي بسرعة للقعدة قعدت جنب نجد ولفت لها بهمس: وش فيك وجهك مقلوب؟
جوري: تخيلي لقيت إيمان عند باب المطبخ رحت شفت شفيها ومشت بسرعة ولفيت انا الا اشوف مازن قاعد يبوس ناهد برقبتها
شهقت نجد: يمههه يفشل الله يفشلك وهي شعندها تتسمع وكملت بخبث: اخاف ناهد ماعاد تجي الحين
ضحكت جوري بصدمة تقرصها: ياوصخة عمى
ضحكت نجد معها وسكتوا يناظرون إيمان الي تناظرهم
عند مازن وخر عنها بعد ماحس انه طول وناظر كيف مسكرة عيونه بقوة ابتسم على جنب وقبل طرف ثغرها بخفة يبتعد وناظر الباب وماكان في احد: جددي الدلال
فتحت عيونها بصدمة من قبل طرف ثغرها واحمرت خدودها وتجاهلت نظراته تاخذ الدلال وتبدا تجددها خلصت تمد له بدون كلام وتطلع من المطبخ بسرعة جلست جنب جوري
وابتسمت نجد بخبث كبيرر تناظرها: ناهد حبيبتي شفيها رقبتك؟ في شي قرصك
ناظرتها بفهاوة وقامت تخرج للمراية الي بالصاله شهقت تشوف مكان قبلة مازن غطت وججها بخجل واحراج"يويلي الله يفشلك يامازن"توجهت لغرفتها بسرعة واخذت كونسيلر تخفيه
قرصت جوري نجد: الله ياخذ العدو فشلتيها
ضحكت نجد بقوة: ياخي احبهم مع بعض كيوتين
لفوا من جت ناهد وماكانت رقبتها فيها علامة حبست نجد ضحكتها وجلست ناهد جنبهم بهدوء
_________••________
اجتمعوا ببيت فيّ بعد ماقالت لهم ميهاف
كانوا البنات جالسين بالصاله والبندري الي متربعة على طاولة المطبخ الي مطلة على الصاله وتبلع فروالة مع نوتيلا دخلت ميهاف مع جموح وفصخت عبايتها مع جموح تسلم عليهم تربعت على الكنب تحط مخدة بحضنها تنطق بجدية: عندي سالفه ضرورية جدا وطارئة
لفوا البنات لها بانتباه من حسوا الموضوع جدي وكملت: جاني خطاب
صرخوا البنات بحماس وغصت البندري بالفروالة من الفرحة والصدمة ضحكت مجد بقوة تضرب على ظهرها: صحة صحة هدي
صرخت يقين بحماس: يويل حالي صدق من المحظوظ ذا؟ وانا كنت مخططة اخذتس لزياد اوف
حست هِتان بشعور غريب من قالت كذا بداخل صدرها ماتدري وش توصفه غيرة؟ ولا وش ناظرت ميهاف الي تكلمت: ومتزوج بعد
غصت البندري مره ثانيه ضحكت فيّ تخبط على ظهرها: صحة يبنتي خلاص
حور: طيب مين ذا؟ بتوافقي؟
ميهاف: هذا الي مشغلني ياخي وابوي كل شوي يمدحه ويقول انه مو عيب يتزوج مره ثانيه وسعود بالجهة الثانية بس شغال مدح عندي وانا مابي ياخي اخرب بين اثنين وانا السبب
مجد: انتِ اغريتيه؟ لا انتِ نشبتي له؟ لا يعني شوفي انا مقبل حقي ذا ملك على ندى ليه؟ انتِ ماشفتيها كيف تدلع والميكاج الي تارسته قدامه يعني يمكن المشكلة من زوجته
هزت راسها بتأييد: اي قلي انه زوجته ماتتسمى زوجة
هِتان: انتِ استخرتي طيب؟
هزت راسها: اي ومادري ارتحت
غطرفت البندري: اجل نقول على بركة الله
ضحكوا البنات والكل غطرف وميهاف الي مستحية ماتدري وش تقول.
_________••________
الديرة~بيت ابو سلسبيل
كانت منهارة بغرفة اختها: انا يتزوج علي! ومن مين؟ بنت مدينة ماتتسمى
قربت اختها تنطق بحدة: خلاص عاد انتِ العبيها صح غيري شوي من شكلك خربي بينهم ياغبيه لا تخلي الزواج ذا يتم واذا تم خربيها بينهم لين يطلقون وتفتكين!
مسحت دموعها تفكر وابتسمت بخبث: ماكون سلسبيل ان ماخربت بينهم
_________••________
تنحنح مازن قبل لا يدخل ولبسوا بنات خالاته بس عبايتهم ناظرتهم ناهد بتقزز كونهم يكشفون قدامه وحست بالغيره مع انها تكرهه
خلود: ادخل يوليدي
دخل مازن وشاف ناهد الي جالسه وتوجه يقبل راس امه وسلم على خالاته وقعد جنب ناهد
ريف: صبي لزوجك قهوة يبنتي
ناظرته يبتسم وصدت باحراج من الي صار بالمطبخ وقفت تنحني للدلة ورفع حاجبه يشوف انحنى خصرها وبروز جسمها وظهور صدرها بسبب من انحنت
همست نجد لجوري: تكفين شوفي كيف يناظرها
ضحكت جوري بهمس: يويلي الله يعين ناهد
سمعتهم إيمان وناظرت شكل ناهد المغري شدت على يدها بقهر ولفت ناهد لمازن تعطيه الكوب اخذ الكوب ورجعت تجلس جنبه بدون ماتناظره ونطق:
بكرة الصباح رحلتنا انا وناهد عندي شغل ومنها شهر عسل
توسعت عيونها تطير نيتها بعيد من نطق شهر عسل
خلود: الله يوفقكم يولدي بس وين بتروحون؟
غمز لها مازن: سر نخليه
إيمان بقهر تحاول ماتبينه بصوتها: كيفك يمازن؟
مازن بدون مايناظرها: الحمدلله
ناظرتها ناهد باستحقار ووقفت: بروح انام ياخاله عشان الصباح باست راسها وسلمت على اهل مازن الباقيين لانهم بيرحون بعد شوي واتجهت لغرفتها تدخل غرفة الملابس قعدت على التسريحة تطلع مزيل المكياج وبدت تزيل مكياجها خلصت تاخذ بجامة حرير وتغير ملابسها طلعت بتعب وانسدحت على سريرها تغفى بسرعة.
بعد ماودعوا بعض دخل مازن لقسمهم وراح غرفتهم يناظر ناهد الي نايمة اتأملها لثواني وشكلها وبجامتها الي حبال خفيفة بس وتبين نحرها صد وهو يستغفر وغير ملابسه وكان بيطلع ينام بالصاله بس رجع لعند السرير وشافها كيف نايمة بعمق ابتسم بخفوت يجلس جنبها قعد يتأمل وجهها لثواني وشاف علامته الي برقبتها قرب وبدا يقبل نحرها من جديد تحركت بانزعاج بس ماصحت تكمل نومها باسها عدت مرات باماكن متفرقه بنحرها وانسدح يسحبها لحضنه ويشد على خصرها ينام.
_________••________
كان بغرفته يكلمها وجنون الارض براسه: ولدي وباخذه منتس تفهمي؟ غصب عنتس!
زفرت بقرف: انقلع انت وولدك تبي تعال خذه انا بعيش حياته مابقعد خدامه عند ولدك يالمريض!
سكر منها وجنون الارض براسه اليوم طلع للمقلط الي جالس فيه ابوه وناصر دخل وهو يخفي غضبه: السلام عليكم
ردوا السلام وتقدم يجلس: ابني بيجي اليوم ببيتي يايبه يكفي كيف كان بعيد وامه المحترمة بتتزوج وولدي تخسي يقعد معها
عبد الرحمن بحدة: البيت يوسع لولدك ونحطه بعيوننا ياهاشم
هز راسه يوقف: بروح اجيبه انا
طلع من غندهم يركب سيارته يتذكر حياتهم مع بعض مع بعض وبدايتهم ونهايتهم يتذكر كيف ابوه خلها تاخذ ابنه بحكم انه صغير ويبي احد يربيه وماله الا امه وقف عند بيتهم ينزل طق الباب وطلعت له وهي لابسه عبايتها ومتغطيه وماسكه ايد ولدها وشنطته وراها تقدم له هاشم يحمله وحاوط رقبته ببراءة: انت بابا؟
هز راسه يقبل خده بشوق له: اي ياعيون البابا
مدت له الشنطة وقفلت الباب بعدم اهتمام
تجمعت الدموع بمحاجره: بابا ماما مارح تجي؟
توجه هاشم لسيارته وحط شنطته: لا ياذياب بتقعد معي ومع جدو ما اشتقت لهم؟ وليلاس بعد
عقد حواجبه ببراءه عمره: مين ليلاس؟
ركب وحطه بحضنه: بنت عمتك ياحبيبي والحين بنروح
هز راسه يلف للامام بحماس ولف له بعد مدة: مين اكبر انا ولا هي؟
ضحك هاشم: هي انت عمرك5وهي8
كشر: ليه هي اكبر مني؟
قرص خده بخفه: لانك صغنون يروح بابا
ذياب وهو يحاول يثقل صوته: عيبب! انا رجال
ضحك بعلو صوته وقبل خده بقوة: والنعم بالرجال الكفوو.
________••_________
الديرة~
بعد مارجعت سلسبيل بيتهم وهي ناوية تخرب على عناد
رد عقاب على اتصال وابتسم يرحب فيه
تنحنح ابو سعود: يعقاب البنت استخارت والحمدلله ارتاحت وموافقه بس شرطها تقول ماتبي زواج كبير وتبي حفلة صغيره بس
(اختارت كذا لانها ماتبي تحتفل بشي تعتبر نوعا ما مو حابته وخاصتا انها مو متقبلة عناد)
ابتسم عقاب: ابد حقها والله يكتب لهم الخير
دخل عناد البيت بعد ماسكر ابوه ورفع انظاره له: وافقت البنت بس ماتبي زواج كبير وتبي حفلة صغيره
ابتسم عناد بعدم تصديق وفز يبوس رأس ابوه: تبشر بلي تبيه
هبده عقاب بعصاه: اعنبوك اثقل يولد
ضحك عناد يحك راسه: يبه ينفع الزواج يكون قبل رمضان
رفع حاجبه: رمضان بعد 3اسابيع بكلمه وارد لك خبر
هز راسه ووقف يتجه لغرفته شاف سلسبيل والي كانت متزينه بشكل مبالغ فيه ناظرها لثواني وهو يحس مشاعره جفت ناحيتها من كثر مشاكلها الي تسويها ودلعها الغثيث فعلا ورفالتها تقدمت له تحط يدها على عنقه من ورا وتحط يده الثانيه على خصرها: شفيك حبيبي؟
رفع حاجبه: ابد مافيني شي
ابتسمت بمكر ترفع نفسها وتقبل خده والي خلت عناد يذوب فعلا كونها اساسا انثىى وقدامه بالهشكل الجذاب وحركاتها شد عليها يقبل ثغرها و❗❗❗
_________••________
صحت من النوم تعقد حواجبها تحس بثقل عليها فتحت عيونها بانزعاج وتوسعت عيونها تشوف مازن الي حاضنها من خصرها ونايم دفته تقوم بغضب: خير انت نايم هنا؟؟ تمون انت
فتح عيونه بثقل: شبلاك انتِ على هالصباح
ناهد بعصبيه: ليه نايم على السرير خير ان شاءلله
زفر يسحبها طيحها على السرير يعتليها: تبين مشاكل انتِ؟ بيتي وغرفتي وسريري وانام وين مابي
ناهد بعضب وهي تحاول تدفه وتقوم: مو على كيفك ذا مكاني تبي رح نام الكنب ماعندي غير كذا
ابتسم بخبث يقرب من اذنها: وليه ان شاءلله؟ ترا اذا ابي حقي باخذه غصب عنك
حمرت خدودها بخجل واحراج: كلز..
ماسمح لها تكمل من نزل يقبل ثغرها لاول مره يتذوق النبيذ الحلال من حب طفولته والي المفروض مكرهه عيشتها بس للاسف واقع لها بعد عنها بعد مدة يناظر وجهها الي احمر وابتسم يقوم من عليها: ماتهجدين الا كذا
ماردت عليه تهج للحمام بسرعة وتقدمت تغسل وجهها فرشت اسنانها وعقدت حواجبها تناظر رقبتها فتحت عيونها بوسعيها تشوف الاثار الي عليها وصرخت بقوة: ماززززننننننن
ابتسم مازن بورطة من عرف انها اكيد شافت رقبتها فتحت الباب: تعاللل
توجه لها وناظرها بابتسامة براءة: هلا؟
اشرت على رقبتها بغضب: هذا شنو
عقد حواجبه يمثل الاستغراب: يمكن حساسية او قرصه
ضحكت بسخرية: اي ناموسة ملعونة قرصتني
رفع حاجبه: عن الغلط!
عضت شفتها بحنق منه: تعال
دخلت للحمام ودخل وراها باستغراب واخذت دش الاستحمام وبدت ترش عليه صرخ عليها: خلاص يبزرر
مااهتمت تكمل ترش عليه وسكرت باب الحمام ابتسم بخبث يقرب لها واخذ الدش منها بسرعة: سكرتي الباب؟ تبين نتروش مع بعض ولا وش؟
فتحت فمها بصدمة منه: انت وش تحس انقلع برا يبوي
ضحك بعلو صوته وفتحت الباب تدفه وتسكر رفع صوته: تجهزي شوي وبنمشي
ناهد: كلزق
اخذت شاور تخرج وهي لابسه روبها
دخلت غرفة الملابس واختارت ملابس خفيفة تلبسها
خلصت وتطيبت تطلع وشافت مازن الي جاهز شمقت له تطلع شنطتها ولفت له: وش احط ملابس صيفية ولا شتوية؟
مازن: شتوية
شمقت له مره ثانيه وبدت تطلع لها ملابس تدفي
مازن: وش ذي الحركات الي بعيونك؟
لفت له وشمقت مره ثالثة باستفزاز: اي حركات استاذ مازن؟
ضحك بسخريه: عيونك الي شوي وتطير
ناهد: انت ليه ماتتكلم الحين بحرف السين؟
مازن: قصدتس تسذا؟
لفت له تنطق بعفوية: اي تسذا تهبل لهجتك
ابتسم: انتِ الي تهبلي والله
خجلت ترجع تحط ملابسها ومكياجتها ومازن نفس الشي خلصوا وطلعوا لتحت سلموا على خلود والبنات وطلعوا متوجهين لمطار الملك فهد
وصلوا وتقدم لهم عامل ومد له الشنط وطبعا رحلتهم كانت بدرجة رجال الاعمال رفعت انظارها بذهول من سمعت النداء الى الطيارة الي متوجهه لروسيا تحديدا موسكو ومشى مازن وهو ماسك يدها ركبوا وبدو رحلتهم لموسكو.
________________
________________
خلصنا ان شاءلله يعجبكم وقولوا لي شرايكم بعلاقة مازن وناهد وهل تشوفها بتتحسن؟ في صدمة بموسكو لناهد عطوه البارت حقه وان شاءلله اكمل بدري💎💎
أنت تقرأ
احلى من العقد لباسه الماسه تلبس الماسة
Actionحاليا «احلى من العقد لباسه الماسه تلبس الماسة» حساب انستا وتيك: i7joo.r
