جعلها تفدى على الارض ماطاك والله بمن هو مثلها يبتلييييها
لكن لعب في .. ياوليفي تغلاك ونفسي غلاك من الصدود يحديها
تبطي علي وانا هنا واتحراك ! وكبدي لواهيب الصبر تشتويها
اجمع علومك من هناك وهناك والله لو انها تنشرى لا اشتريها
وعذرك أنا لاهي يا ويش اللي الهاك لاهي ومره منت لاهي تليها.
رفعت اكتافها في بعدم معرفه بصمت.
____________________________________
ضبط شكله وبدلته العسكرية يطلع من غرفته عقد حواجبه من سمع صوت بكاء يعرفه زين توجه لمكان الصوت وشاف ليلاس الي وجهها أحمر من البكاء نزل لمستواها بخوف: عليها ليلاس شفيتس ؟؟
شهقت من بكاءها تمد يدينها توريه وكانت فيها حبوب ومحمرة مسكها يتفحصها وحملها بين ذراعيه: تعالي يا امي معي، ناداه عمته: عمة
طلعت من المطبخ تتوجه له: هلا يوليدي ونزلت انظارها للبلاس: بسم الله عليتس يبنتي شيلاتس تبستي؟
فهد: ايدها فيها حساسيه باخذها المشفى وارجعلتس
هزت راسها عبير بتفهم: انتبه لها يوليدي
طلع مع ليلاس لسيارته يتوجه للمشفى بعد مده وصل وركن سيارته يحمل ليلاس ويتوجه للداخل
توجه لقسم الاطفال راح للاستقبال وكان دورهم بعد حالتين انتظر على كراسي الاستقبال مع ليلاس الي تبكي من وجعها وقف من جاء دورهم وحمل ليلاس يدخل معها توجه يقعد قدام مكتب الدكتورة الي هي الدانة وكانت منزله راسها على اوراق
قدامها رفعت راسها لهم وابتسمت اول ما شافت ليلاس: ليلاس يماما شفيتس؟
عقد حواجبه من معرفتها فيها وتوجهت انظار ليلاس لها: دنو
راحت عندها تتمسك فيها ببراءة: ايدي تعورني
مسكت ايدينها تشوف الحبوب وكيف محمره: تعالي معي
مسكت ايدها تحطها على الكرسي: وش اكلتي؟
عقدت حواجبها بالم تتذكر: اشتريت حليب بالموز بس
هزت راسها بتفهم ووجهت اناظرها لفهد: خذها للمختبر يسوون تحاليل يمكن عندها حساسيه هز راسه بتفهم يأخذ ليلاس
ويطلعون للمختبر سحبوا لها دم وطلع ينتظر الفحوصات قعد على الكراسي وليلاس جنبه نزل انظاره: لها مين هذه؟
ليلاس: دانة بنت عمو محمد
هز راسه بتفهم من عرف انها من ال زايد
طلع جواله من وصله اتصال وكان من المركز عنده شغل حك حواجبه بوهقة: ليلاس عادي تبقين مع دانة؟ عندي شغل
ابتسمت بسرعة: أي فهود تكفى
ابتسم من ردة فعلها وتوجه لمكتبها ودخل بعد ما سمحت له: تقدري تاخذي ليلاس معتس اذا ما عليتس امر طلبوني من المركز
هزت راسها بتفهم: اكيد
توجهت لها ليلاس وطلع من عندهم مسك جواله يطمن عمته انها مع دانة
خلصوا تحاليل ليلاس وشافتهم وفعلا طلع عندها حساسيه من الموز اخذت لها مرهم ومضادات ورجعت من خلص دوامهامع ليلاس
ودخلت للبيت بعد ما اخذت ليلاس لاهلها واليوم المفروض رايحين يخطبون ويمكلون لمقبل عقدت حواجبها بصدمة وهي تشوف مجد الي متكشخة ونازله اقتربت منها تنطق: وراتس ماتجهزتي؟ بعد المغرب بنمشي امشي اجهزي
هزت راسها بعدم تصديق: انتِ انهبلتي؟ فيتس بلا
زفرت بغضب من كلامهم: مافيني شي اتجهزوا وبتمشون كلكم معي
عضت شفتها بقلة حيله منها وتوجها لغرفتها تتجهز
اتجهت مجد لعليا الي جالسه بالحديقه الخلفية مع الحريم: ترا بنمشي بعد المغرب يمه(تناديها بيمه كاحترام)
عليا وهي تناظر نادية الي فعلا منجلطين من مجد وبرودها: تمام يبنيتي كلنا جاهزين وتراني ماني برايحة الا عشانتس اصريتي علي
ابتسمت بهدوء تقبل راسها: الله يخليتس لي
ومشت من عندهم لداخل
_________________
بغرفة الماسة
هاجر وهي تمشي رايحة جايه: بنات احس مجد انهبلت! شفتوا كيف متكشخة وحالفة الا نروح هذا وحدة طبيعية زوجها بيتزوج عليها؟
فيّ الي قاعدة تبرد اظافرها بهدوء: قاعدة تطبخ الطبخة على نار هادية شدراكم فيها؟
الماسة الي على جوالها: والله انه حقير عنده دُرة وبياخذ غيرها مايقدر النعمة
لفوا من دخلت عليهم الدانة: بنات بتجنني تبيني اتكشخ غصب
ابتسمت يقين توقف: وهي صادزة نروح ونحرق دمها بنت الكلب
ناهد: بنات تعرفون مين هي الي بياخذها؟
منيره: واحدة معاه بالشغل اعتقد
جود: احس عادي من حقه والشرع حلل اربع
فيّ وهي تناظرها بطرف عين: وقسم لو ماتسكتين انتِ لقوم لتوطى فبطنتس
شمقت لها تسكت
ودخلت عليهم مجد المعصبه: نعم انتِ وياها منسدحات كنكم حوامل قوموا تجهزون
قاموا البنات يتجهزون مع هواش مجد لهم
بعد مده خلصوا مكياجهم وشعرهم مجد وهي
تناظرهم: دقيقة انا بجيب الفساتين
يقين: ليه؟
مجد وهي تمشي من عندهم: اعرفكم بتلبسون شي خفيف بس تخسون وانتم بنات آل زايد
صدت فيّ بابتسامة لانه يعجبها تفكير مجد
بعد مده دخلت عليهم
ناظرت دانة تمد لها فستان اسود عاري الاكتاف قصير وشاد من الخصر: امسكي
ولفت لناهد وكان فستان برضوا اسود بس باكتاف نازله وطويلة وطويل ومنفوش من تحت شوي: تفضلي حلوتي
وبدت توزع على البنات
جود: فستان احمر حرير طويل بربطة خفيفة من قدام على الخصر
فيّ: فستان اسود قصير بدون اكتاف بصدر ريش
يقين: فستان ازرق طويل فيه فتحة من الفخذ
هاجر: فستان احمر حرير لين الركبة ومناسب لجسمها بدون اكتاف واكمام قصيرة نازله
الماسة: فستان ابيض انيق وفيه نقوش لطيفة وفيه فتحة صدر
منيره: فستان ابيض مره يهبل! شاد من الخصر وطويل باكتاف طويلة
اما مجد فكان لبسها خيالي فعلا: لابسه فستان ابيض قصير بدون اكتاف ومكسر من عند الفخذ وكانت تطيح الطير من السماء
خلصوا البنات والحريم كذالك اما عند العيال فما قالوا شي بس تجهزوا والرجال عبد الرحمن ماكان راضي بهذا الشي اصلا
بعد المغرب ~
مشوا بعد ماصلوا متجهين لبيت ابو ندى كانوا هيبة
فعلا السيارات كثيرة وكل واحدة افخم من الثانيه
ببيت ابو ندى:
كانت ندى قاعدة تتجهز وهي مبسوطة دخلت امها عليها بالبخور تبخرها: بسم الله عليك يبنتي تهبلي
ندى بابتسامة: تسلمي لي
شافت اختها الي داخلة (رنا):ندى متاكدة انك موافقه؟ ترا توك بشبابك عشان تتزوجي متزوج
كشرت تنطق: انا ابيه شعليك انتِ
ناظرته بأسى تمشي من عندها
أنت تقرأ
احلى من العقد لباسه الماسه تلبس الماسة
Actionحاليا «احلى من العقد لباسه الماسه تلبس الماسة» حساب انستا وتيك: i7joo.r
