"သားသား ဘယ်မှာလဲ"
"အန်တီချယ်ရီ စိတ်အေးအေးထားပါ။ Jake က အခု အချုပ်ခန်းထဲမှာ ခေတ္တ ထိန်းသိမ်းထားခံရတယ်"
"ဟင်"
ကေဒင်ဇိုင်း စကားအဆုံးမှာ အန်တီ Cherry က အရုပ်ကြိုးပြတ် လဲကျတော့မလို ဖြစ်သွားသည်။ ဘေးနားမှာ သူ့မ ယော်ကျာ်း Daniel Frenzo ပါလာလို့သာ တော်ပေတော့သည်။
"ဘာ ... ဘာတွေ ဖြစ်ကုန်တာလဲ ကွယ်"
"..."
"သား Kayden ... မင်း ညီလေး အကြောင်း မင်း အသိဆုံးပါ။ သူ ... သူက ခုမှ ကလေးဘဲ ရှိသေးတယ်။ မူး .. မူးယစ်ဆေး သုံးဖို့ဆိုတာက ဒီကလေးနဲ့ အဝေးကြီး။ ခုချိန်ထိ မားမားတို့အနားမှာဘဲ နေပြီး၊ လောကကြီးအကြောင်း ဘာမှန်းတောင် မသိသေးတဲ့ ကလေးပါကွယ်"
ဆာခရာမန်တိုမြို့ထဲရှိ ရဲစခန်းတွင် အတန်ကြာအောင် ဒေါ်ချယ်ရီရဲ့ ငိုယိုသံများက ပြည့်နှက်နေသည်။ ကေဒင်ဇိုင်း အန်တီချယ်ရီကို နှစ်သိမ့်ဖို့ ကြိုးစားကြည့်တယ်။ သို့သော် လျင်မြန်စွာဖြင့် ဖြစ်ပွါးသွားတဲ့ ကိစ္စရပ်များက သူကိုယ်တိုင်ပင် လက်ခံပေးဖို့ ခက်ခဲနေတဲ့ အခြေအနေ။
Jake Frenzo ဆီမှ အလောတကြီး ဖုန်းအဝင်ကောတစ်ခုကို လက်ခံရပြီးတဲ့နောက်၊ ကေဒင်ဇိုင်း လုပ်လက်စ အလုပ်တွေကို ရပ်ကာ ချက်ချင်းပင် ဤရဲစခန်းသို့ ရောက်လာခဲ့သည်။ အဝင်ဝမှာပင် စခန်းထဲမှ ထွက်လာတဲ့ 'ရဲသွေး' နဲ့ အကြည့်ချင်းဆိုင်၊ စကားပြောခဲ့ကြသည်။
မိဘတွေကို ဖုန်းဆက်,မပြောဖို့ Jake တောင်းဆိုထားခဲ့သော်ငြား ...
အန်တီချယ်ရီတို့ကို အကျိုးအကြောင်းပြောပြဖို့ ကေဒင်ဇိုင်း ဖုန်းဆက်ခဲ့သည်။
ထိုအကြောင်းအရာမှာ လူငယ်တွေရဲ့အသက်ကို များစွာ နှုတ်ယူခဲ့တဲ့ မူးယစ်ဆေးမှုန့်လို့ ထင်ရတဲ့ အထုပ်တွေက Jake Frenzo ရဲ့ ကျောပိုးအိတ်ထဲမှ ထွက်ပေါ်လာခဲ့တယ် ဆိုတာရယ်။ ဓာတ်ခွဲရလဒ်အရ ထိုအရာက တားမြစ်ထားတဲ့ မူးယစ်ဆေးမှုန့် ဖြစ်ပြီး၊ လက်ဝယ်ပိုင်ဆိုင်ထားသူက ထောင်နန်းစံရဖို့ ရှိတယ်ဆိုတာရယ်။ အကြောင်းစုံကို ကေဒင်ဇိုင်း ရှင်းပြခဲ့သည်။
.
.
.
ဘာလို့လဲ သိလား။ သူ မျှော်လင့်ထားတာက ဒီအမှုကို ကြီးသထက် ကြီးစေချင်လို့ဘဲ။
VOUS LISEZ
𝓔𝓿𝓮𝓷 𝔀𝓱𝓮𝓷 𝓽𝓱𝓮 𝓝𝓲𝓰𝓱𝓽 𝓒𝓱𝓪𝓷𝓰𝓮𝓼
Roman d'amour"My favorite Song is ......" "NIGHT CHANGES" "Yes" "Baby, you know what?" " ? " "Even when the night changes, it will never change me and you" (( MC )) Jake Frenzo (သန့်သုတ) (( ML )) Frank Lucas (မင်းအမိန့်) Kayden Lucas (ကေဒင်ဇိုင်း) (( SC )) ရဲသွေ...
