حصريا على 🖤⚜️ ملتقــى الجـوريـات 🖤⚜️
بأنـاملي جيلينا✨💘
⛔ممنوعة من النشر⛔
هو يقول:ورأيتُ في عينيكِ وطنا يملأني
هي تقول:عيناهُ حقا بالجمال تفردت وتمردت
_________________...
غير خرج من البيت لي الديبو نيت لقا يدو ليمنية واقف غير شافو حنى راسو باحترام نعام اسيدي بغيتيني فشي حاجة آس: هذاك الكارد لي وصيتو عليها تهلاو ليا فيه مزيان خليوه عايش الكارد:واخا اسيدي أوامر خرا آس:وجدو الماكلة وجيبوهاليا نالمكتب الكارد:واخا اسيدي بالنسبة البحث لي بغيتي صيفتوليك فالايمايل وماليه براسو ودخل لواحد الغرفة واسعة كلها بلون الكحل فوسطها بيرو كبير وفوطوي من جلد كاين حيط فيه خريطة كبيرة وشاعل فيها الضو الديبو واخا تحت الارض إلى انو مضوي كامل قد ماهو زوين قد ماهو مهيب ومخيف هنا كيتمو أكبر الصفقات بين مافيات العالم لي البوص هو آس طبعا مشا جلس فوق كرسيه وفتح البيسي ديالو دخل الجيميل كان وصلو واحد التقرير فيه صورة ديال روح والمعلومات عليها بحال سميتها وكنيتها الوالدين فين كبرات فين تزادت شنو قرات شنو كدير واش عندها شي علاقات الأصول ديالها وكانو حتى اراء الناس عليها بحال الأساتذة الجيران وبعض الأصدقاء كلهم كيقولو عليها كلمة زوينة وهو كيقرا وعين كتهرب لصورتها غير كمل داك التقرير سد البسي ودار صبعو على فمو مركز فلاشيء كيفاش بنت تقدر تكون بيرفكت هكذا لا سوابق لمواعدة شي شخص داخلة سوق راسها مجتهدة فحياتها وهو ساهي دخل يد اليمنية ديالو هاز فيديه صينية -سي آس سي آس آس عاد فاق من السهو ديالو وشاف فيه قارن حجبانو : مكتفهمش دق الباب راه اسيدي دقيت شحال من مرة آس شاف فيه وهذاك نزل البلاطو وخرج ساد الباب شاف فالبلاطو كانت بيتزا ديال الجبن وفريت لي صوص ومشروب غازي وقريعة ديال الما هز داكشي وخرج باتجاه البيت لي هي فيه غير دخل ملقهاش فالبيت زاد قرن حجبانو نزل الصينية فوق طبيلة صغيرة وتم خارج حتى كتبان ليه خارجة من واحد الدخيلة كان فيها الطواليط وهي صفرة من وجهها وشادة فكرشها شافتو وهي توقف مقدراش تزيد ووجها حمار شوية آس مستغرب من حركاتها آس:مالك وقفتي زيدي تاكلي واش غادي نبقا مقابلك غير نتي روح:انا احم تقدر تخرج آس:كيفاش نخرج شفتك بحالا كتآمريني زيدي لغتزيدي روح بدأت كتبكي ورجعت حمرا كثر آس:لاحول ولا قوة الا بالله واش تسطيتي كلمة جوج تنزلي داك الدموع زيدي تاكلي روح محساش براسها كتشهق وكتهضر :متغوتش عليا وخرج خليني آسر تم جاي لعندها مزير على يديه وهي غير شافتو جاي سكتت من البكا وبلعت ريقها راجعة لور قربت لصقت مع الحيط مبقالها فين تزيد داكساع هو حاصرها بيد على الحيط واليد لخرى مزير بيها على الخصر ديالها هي ديك الساع طلقت حلوقها حيت كرشها ضراها وهو زاد على مابيها محساتش براسها حتى كانت معنقاه دايرة راسها على صدرو كتبكي هو بشوية بشوية كيرخي عليها ولاكن مدار تاحركة متفاجئ من هاد الحركات عمرو شاف شي سلعة بحال هاذي هي رخات منو وطلعات راسها فيه كتبلع ريقها شاف فيها ورفع صبعو فوجهها'' هادي آخر مرة ترفعي عليا صوتك وتآمريني مرة جاية حلقك نجبدو ونوكلو ليك مفهوم هي حركت راسها ونزلت عينيها من عليه كتلعب بصبعانها زيدي قدامي تاكلي روح:عفاك سد عينيك غير حتى نمشي لبلاصتي آس شاف فيها مستغرب واش شميتي شي حاجة ولا نتي ديما هكذا روح :عفاك آس:صبرك يالله عوج راسو فيها'ياكما تكوني عوالة تهربي بلا متحاولي روح حركت راسها بلا آس:واخا هاني غادي ندور حتى تمشي تجلسي روح:مدورش حتى نقولها لك صافي لارد شافت فيه ومشات كتجري وكدور من وراها عندو يكون دار غير وصلت لكنابي وهي تجلس شافت الماكلة والبيتزا كتشهي هذا هو النوع المفضل ديالها كتموت على الجبن عينيها فيهوم القلوبة هزت طرف وبدأت كتاكل حبة ديال الفريت مع الكيتشوب من هنا شربة ديال المشروب من هنا وهو باقي داير نساتو كاع دازت شي 3 دقايق وهو كيسمع السكات قال ياكما ذارتها وهربت مع هاد الفكرة ضار حتى كيوقف مصمر من المنظر كانت كتاكول بشهية وفمها عامر باالماكلة يديها عامرين بالصوص هي طلعت عينيها لقاتو كيشوف فيها ضحكات حتى تسدو عينيها مداتليه حبة ديال الفريت لي كانت فيديها بمعنى واش بغيتي هو حرك راسو ب لاحول وتم خارج ميمكنش يبقا معاها غادي تخرجلو العقل وهذا عاد اليوم لول شافتو خرج هزات كتافها وكملت ماكلتها بشهية بعد مدة تم داخل حتى كيوقف هي سمعت الباب تفتح وضارت بالزربة دايرة يديها وراها وحناكها حمرين بحال مطيشة قرب ليها هي تمشي ليمن هو يمشي شمال هو يمشي ليمن هي تمشي شمال هو عصباتو وضورها عطاتو بضهرها هبط عينيه كيلقا الكسوة البيضة مطبعة بالحمورية وهي ضرب ليه الطن فذماغو عاد عرف مالها مالصباح طلق منها كيستناها ضور والو السيدة تصمرات آس:ضوري بقات كدور بشوية وعينها فالارض مقدراش طلعهوم آس: شوفي فيا... شنو قررتي طلع ليها راسها بابهامو وتلقاو عينهم حركات راسها بالايجاب ونزلت عينيها آس:بغيت نسمعها روح:م موافقة آس:مزيان اجي جلسي نتفاهمو جات دوي وهو يقاطعها'' مغاديش ندور مغنسد عيني صافي شفت وهادشي عادي دابة دوزي تجلسي حيت صبري قريب يتسالا تحركي بلعات ريقها وتحركات غادا وهو موراها حتى جلسات وهو جلس مقابل معاها آس:كيف قلتي كيفما مصلحتك بيا حتى انا مصلحتي بيك غادي نتزوجو حيت الواليدة بغات يعني زواجنا قدام العائلة خصو يكون حقيقي متفكريش تعاودي هاد الشي لي وقع لشي حد نوع خدمتي فين تلاقينا نساي عليك كلشي ولا عائلتك لي غادي تخلص روح:عفاك كلشي إلى عائلتي آس:خليك زوينة باش نكون معاك زوين معنديش مع الكذوب والخيانة بربي حتا نحرك كتسمعي روح:وواخا واش ماماك ضريفة آس:فنظرك روح:معرفتش كنتمنى آسر:دابا تعرفيها آسر:إلى سولاتك فين طلاقينا قولي ليها فشي مطعم ولا اي حاجة نساي عليك الغابة روح:واخا وشنو سميتك انا معرفا عليك والو آس : آسر سميتي و الباقي غادي تعرفيه مع الوقت روح: سمعت هذاك كيعيط ليك آس واش مكيفهمش يقول سميتك آس:هنا سميتي آس مع عائلتي سميتي آسر حركات ليه راسها شاف فيها وناض'يالله غادي نشدو الطريق روح: كيفاش الطريق واش مساكنش هنا آسر : لا فميلان روح:ولاكن انا ميمكنش ليا نمشي لتما هنا كاينة قرايتي وصحباتي على قولت صاحباتها شهقت حاطة يديها على فمها روك:اويليييي غادي يكونو مخلوعين عليا عفاك ديني لعندهم آسر:معندناش الوقت روح:عفااك راه ميمكنش نمشي قرايتي و آس:سكتينا ضريتيني فراسي مكاينش القرايا دابة حتا لمنبعد ونلقاوليها الحل وصحباتك سيري عندهم و جمعي حوايجك حيد من عليه الجاكيت وقرب لعندها حزم ليها الجاكيت على نصها وتم غادي وهي موراه قبل متفوت الباب دار ليها إشارة باش توقف خرج ومشا عند الكاردز دوا بتحذير '' يهز شي حد راسو غادي نتقب لمو عينيه ورجع لعندها '' دخل لعندها زيدي .. وصلو لطموبيل هو ركب هي بقات واقفة برا ضرب فالفولون بقلة صبر عاض على شفتو وخرج راسو'' مالكي واش كتسناي لي حل ليك الباب طلعي رح:غادي نوسخ ليك الطموبيل آسر:طلعيي طلعات وسدات الباب وكسيرا والكاردز لاخرين تابعينو ملور بعد مدة من السكات دوات روح:مسولتينيش على العنوان آس:عارفو يالله جات دوي وهو يعلي صوت الموسيقى من طبعو مكيدويش ومعاها دوا بزااف مغاديش يصبر كثر من هكذا ***
فرانات الطموبيل قدام واحد الحي كان زوين قبالت البحر والغابة باش تنزل لداك الحي كاين دريجات مكاينش الطريق لطموبيلات الكاردز نزلو وهوما بقاو لداخل شاف فيها ودوا بتحذير:تعاودي هاد الشي لشي حد متلومي غير راسك بلا متحاولي تهربي رجالي غادي يبقاو واقفين هنا عندك جوج ساعات نلقاك جمعتي حوايجك وجالسة فطيارة سمعتي دار ليها حركة بصبعانو'' جوج ساعات حركات ليه راسها حيدت الصمطة ونزلت ضارت شافت فيه ونزلت مع دوك الدرجات وهو حادي معاها ومع الكاردز ومع الناس لي دايزين كانت نازلة حتى تعرض ليها واحد باينة عليه مدوركّي ديما لاصقها قبل ميآدي فيها كان جا مطيح فالارض وهي راجعة بلور بخلعة نزل شدليه يديه حتى تسمعت طراق قسمليه يديه شاف فواحد الكارد ولاخور فهمو جا هازو حشاه فالطموبيل اما هو ضار شاف فيها كيتفحصها بعينيه وماليها تمشي وهي معودتش ضارت
**قبيلة كان باقي حديها حتى كيشوف هذاك كيشوف فيها وحاديها بحالا عرفو شنو غيدير داكشي لاش نزل غادي لعندو وقع لي وقع.
هو رجل مغربي حر مغيار حيت غادي تكون مراتو وشرفو مستحيل يخلي شي حد يشوف فيها اه مكيبغيهاش عاد تعرف عليها ولاكن غادي تكون ديالو وهو الحاجة ديالو عزيزة متيبغيهاش تقاص
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
________________
بغيتووو أعيباد الله 😭😭😭 هاد آسر يالبنات اححح🙈
البارت طويل كيف واعدتكم كيف جاتكم لقصة لحد الآن هادي غير البداية العافية عاد غاذي تشعل تفاعلكم البنات كيشجعني وخليو لي تعليق 🙏🏻👇🏻⭐❤️🔥
