روح آسر

Chapter 16

حصريا على🖤⚜️ ملتقــى  الجـوريــات 🖤⚜️

🪄✨بأنـاملي:جيلينا

                  ⛔ممنوعة من النشر⛔

                                Part15

فجيهة خرا⚜️

داخل واحد بناية ضخمة لازياء كانو بزااف ديال المكاتب فاصل بيناتهم زجاج ابيض جالسين عليهم  عاملين عينيهم على شاشة الحاسوب ويديهم من الكلافي ل لاسوغي كانو مكلفين بمواقع الشراء
فجيهة خرا  بزااف ديال البنات لي طوال وزوعر لابسين شورط وتيشورط كحلة قصيرة  وطالون  زادهم طولة على طولتهم معلقين واحد البادج فيها سميتهم  ورقم  ديال المتسابقين دخلو بالواحدات بحال شي عرض كانت قاعة واسعة وكلها بيضة جالسين فيها لجنة لي غادي تختار العارضات الجدد لي غادي يقدمو الكوليكشن الجديدة من بينهم كان جالس بهيبتو
ووسامتو العربية حاط يديه لي فيها الساعة على طابلة ويدو تانية على فمو  مركز مع العارضات لي دخلو مصافين  كيهموه يكونو العارضات زوينين حيث هوما الوجه ديال كل قطعة صممها كلهم زوينين ومحتارفين كاين لي غير داخلة جبهة حيث زوينة وكاين لي بصح كتفهم تمشى دوزو ليهم الكاستينغ  وخرجو فحالهم بقاو غير المختصين وهو. كيدرسو كل وحدة في الاخير ختارو  عشرة من بينهم والباقي صيفطوه بحالو
خرج من ديك الغرفة  متاجه للاسانسوغ  كانت بناية فيها بزاف ديال الطبقات وكل طبقة فيها تخصص كاين ديال التصميم ديال الاشهارات ديال التقنيين ديال الشوتينغ   ديال العارضات وبزااف  تفتح الباب ودخل لمكتبو لي كان  غالب عليه اللون الاسود و البني  معلقين طابلوات  عندهم علاقة بالازياء وبالجوائز لي خدات الماركة ديالو  فوق المكتب مكتوب crown او التاج باللون الذهبي خارج منها اينارة... هادي هي الماركة الرقم واحد فايطاليا ومن بين الاكثر مبيعا في العالم خذات شعبية بسبب تصاميمها المتميزة لي كتناسب جميع الاذواق والاجناس محلاتها فجميع المولات والمدن وكلشي كينتاظر الكوليكشن الجديدة  طبعا ثائر خدم على شركتو بعقلو وموهبتو  حتى نجحها  ودارليها قيمة فالسوق... جلس على مكتبو فتح المجر وخدا شي وراق  بيضين   وقلم رصاص خدم موسيقى كلاسيكية وبدا فالرسم  كيرسم بثقالة وكلو تركيز ملي كيبدا يرسم عقلو كيسافر لعالمو فيه غير هو وازيائو  
بعد مدة كانت الورقة مرسوم فيها مانكا بفستان اسود مزير من الخصر هو نازل وكيوساع واصل حتى الارض   شادينها خيوط رقاق باين كتيفاتها العريانيين لسدرها الضاهر كان راضي على التصميم كتب سميتو والماركا ديالو مع علامتو التجارية  التاج♛ ودار امضائو وخبا الورقة مع باقي التصاميم فواحد الملف وحشاهم فخزانتو شاف فساعتو كانت  وقيتا ديال الغذا شد عنقو كيديه ويجيبو حتى كيتسمع طراق طراق
هز تيليفيونو وناض خارج ولي داز من حداه يحييه البنات دايبين فيه كيتمشى بكل كاريزما  وتخنزيرتو مرسومة على وجهو خرج برا كان الجو  زوين تنفس   بشوية حتى كتوقف قدامو طموبيلتو BMW الكحلة  كان جابهاليه  الكارد ركب فيها  وتحرك بشوية عليه مع طريقو مكيجريش خاتر حتى فسياقتو حاط يد على الفولون ويد  على اطراف الزاج  طالق موسيقتو الكلاسيكية لي كترخي اعصابو وكتخليه يسافر فمخليتو