حصريا على 🖤⚜️ ملتقــى الجـوريـات 🖤⚜️
بأنـاملي جيلينا✨💘
⛔ممنوعة من النشر⛔
هو يقول:ورأيتُ في عينيكِ وطنا يملأني
هي تقول:عيناهُ حقا بالجمال تفردت وتمردت
_________________...
ناضت واقفة خرجت من البيت ومشات لواحد الصالون صغير كانو جالسين واحد المرأة زعرة عينيها زورق وحريفاتها زوينين لابسة سروال جين و طوب قصيرة فالبيض وسبادغي فالبيض وراجلها حداها حتى هو زعر وعينيه ماغون لابس شورط وشوميز صيفية مع سبادغي بيضة ساعة روليكس فيديه قدامهوم واحد المرأة لابسة جلابة خضرا و شربيل فالكحل دايرة زيف حياتي على راسها وكتمضغ المسكة قدامها راجلها عادل خو مريم ماماها ديال روح كان غليض شوية لابس سروال رياضي وجاكيت ديال الجلد فالكحل قدامو راجل مريم طويل شوية بفوقية بيضة وصباعية ديال الدار جلسات مريم بين راجلها وخوها ديك الزعرة سميتها ايزابيلا وراجلها البرت ايزابيلا وجهات نظراتها لعند سعيدة مرت خال روح ودوات معاها بالايطاليا فوقاش غادي ناخدوها الطيلرة عندنا غذا سعيدة كدوي بالايطاليا حيت كانت خذامة مع واحد العائلة ايطاليا شافت لجيهت مريم ودوات...قتليكن فوقاش تاخذ بنتها غدا عندهم طيارة مريم زيرات على يديها من كلمت بنتها. وبلعات الغصة لي فحلقها بصح مكذباتش بيديها سنات على الوراق صافي ولات بنتهم.. دوات بصوت مخنوق.. فوقاش مبغاو. سعيدة..فوقاش مابغيتو تاخدوها البرت.. صافي مكينش لاش نتعطلو جيبوها دابة سعيدة شرحات ليهم شنو قالو ومريم صافي مقدراتش ناضت لبيتها كتبكي اما سعيدة ناضت لبيت روح تبدل ليها حوايجها برا البرت عطا الشيك لمحمد راجل مريم كان واحد المبلغ كبير سلمو على بعضهم وناضو واقفين حتى كتم خارجة سعيدة وفيديها روح روح لي كانت كضور عينيها عليهم كتقلب على ماماها ملقاتهاش
قربات عندها تيزابيلا وحنات عندها مبتاسمة ليها بحنية سعيدة طلقات من يديها ورجعات بخطاويها قرب البرت قرب لعند ايزابيلا شدليها فيديها وحط يدو على شعرها الحريري كيمرر اطراف اصابعو عليه وقف ايزابيلا وشدو فيدين روح خارجين بيها وهي كضور عينيها عليهم وصلو معاهم لحد الباب محمد عطا لالبت واحد الصاك صغير فيه اشيائها روح:خالي فين غاديين بيا فين ماما سعيدة:سيري معاهم مكيناش ماماك بغيت ماماا عمو محمد عفاك خليني معاكم ماماااا ايزابيلا كتعكل بلهجتها لي تحت الصفر.. يالا اروه طلقو مني بغيت ماما ماااااماا فينك طلقات من يديهم وسعيدة ومحمد وقفو ليها فطريق باش مدخلش لدار بقات كضرب فيهم وهي كتبكي بعدو من الطريق بغيت ماما... سعيدة شداتها بكل قوة ودفعاتها لجيهت ايزابيلا سيري بحالك موك باعتك سيري معاهم الحمقة راهم لاباس عليهم غادي يعيشك فالجنة روح نزلت راسها من كلمة موك باعتك حطات يديها على عينيها كتبكي جا البت هزها وهي مدارت حتى حركة لداخل عند مريم كانت فالبيت هازة بيسان وكتبكي بصوت مرتافع مقدراش تخرج سعيدة شدات عليها الباب بالساروت اه كانت باغيا تعطيها ولاكن ماشي تبيعها هي عارفة بلي لمدارتش هكذا غادي يتشرذو كاملين كل ما سمعاتها كتغوت بسميتها كتزير على بيسان حتى فيقاتها وناضت تبكي معاها عير سمعات الطموبيل ديمارات ناضت لشرجم طل كانت طموبيل كحلة كبيرة سايقها شيفور روح لي غير دخلو لطموبيل بانت ليها ماماها واقفة فالشرجم وبدات كتبكي ودق فالزاج ديال الطموبيل قلعت الطموبيل سعيدة نزلات مع الحيط مزيرة على عينيها كتبكي و ازابيلا لي بقات فيها روح حضناتها لعندها كتمسح على شعرها وآلبت كيشوف فيهم مبتاسم هوما ازواج باقين صغار ولاكن مكيولدوش جاو زيارة لمغريب حتى كيطلقاو بسعيدة لي كدوي الايطاليا عاودات ليهم على البنت وهوما يرحبو بالفكرة منها يعاونوها منها تكون عندهم بنت واخا جاتهوم كبيرة ولاكن حيث عجباتهم قالو ماشي مشكل بقاو فالمغريب داك النهار مدواتش معاهم حيث لاهوما كيفهمو لغتها ولاهي كتفهمهم نهار وهي يا باكيا ولا ناعسة لحاضر🔙 روح لي كانت كتباكا وهي كتعاود ليها وعايدة لي حضناها لعندها وحتى هي كتبكي مقدراتش تخايل دير هكذا بولادها واخا تخ رج طلب ومتبيعهمش روح بغات تكمل ليها شنو وقع من بعد ولاكن مقدراتش تخنقات بالبكا بقات كتشهق حتى صافي سخفات بين يديها عايدة لي كيحسابليها نعسات حتى كطل عليها لقاتها فاقدة الوعي تخلعات بقات غير كترعد غوتات بسميتها كان واقف فالباب مزير على يديه سمع كلامها كامل يالله داير يمشي فحالو حتى كيسمع مو غوتات داك الساع رجع وفتح الباب بالزربة عايدة: ولدي آسر.. كتشهق.. عيط لطبيب ممعرفتش مالها قرب لعندها قصليها النبض ديالها لقاه منخافض.. متخافيش الواليدة تهدني.. هزها لعندو وهي مرخية محاسة بوالو خرج غادي بيها وعايدة ناضت تبعاتو نزلو من الدروج كيجريو فهاد الاثناء كانت داخلة ايسل وحالتها حتى هي شافتهم ماما فين غاديين مالها هادي عوتاني عايدة تابعا آسر حتى كتوقعها ايسل ايسل حتى لمنبعد ابنتي روح سخفات لاجا باك قوليه بلا ميتخلع ايسل طلقات منها قالبة عينيها.. هادشي لي ناقص غير مشاكيل هاد البرهوشة تمات طالعة وهي كتخبط رجليها كلما تفكرات كونطها لي مشاليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
