حصريا على🖤⚜️ ملتقــى الجـوريــات 🖤⚜️
🪄✨بأنـاملي:جيلينا
⛔ممنوعة من النشر⛔
تتمة البارت ✨
عايدة مشافتش فيها جلسات هازة حرشة فيديها
عايدة: بلاتي ينزل خوك ومراتو باش ناكلو مجموعين
شافت فيها وهي كتمضغ... معنديش الوقت خصني نمشي لجامعة زيدي عليها هاديك باقي موْلات مراتو وخويا كيشرب قهوتو وكيخرج يعني معندي لاش نستنى، خالتي ميمونة كبي ليا العصير
عايدة شافت فيها وتنهدات كتساليهم ليها
ثائر شاف فيها مطلعها ومنزلها : معولاش تستري؟؟ شهاد لباس صباح لله
بلعات اللقمة وشافت فيه.. مالي عاوتلني هانتا لابسة مونطو طويل زيد عليها هاد لبسة كاملة من الكوليكشن ديالك
نتا لي مصصممها هااء
من كوليكشن ديالي مصممتهاش ليك صممتها لناس انا مباغيكش تلبسي هكذا
واخويا وثائر لبستي مافيها والو مونطو طويل ليبا ولبسناها شوف الناس شنو كيجيو لابسين تحشم على هاد الكلام لي صبحتي ليا بيه
احمد:هادوك ابنتي معندهم دين يمنعهم معندهوم والدين يدويو معاهم
انا غادا تعطلت صاحبتي كتسايني شااو باستهم فالهوا ومشات خارجة من الباب ديال القصر شافها الكارد وهو يفتحليها الباب ديال الطموبيل كانت من نوع بورش فالغوز بيبي ركبات فيها ومشات عافطة على الكسيراترو حتى تسمع صوت مجهد تبعوها جوج جيبات ديال الكارد من اللور وهي ممسوقاش غادا ودايرة موسيقى مجهدة وكضوبل الطموبيلات حتى كيكلاصونيو عليها حمقت الكارد
ملي خرجت ايسل نزل آسر بلباسو الكلاس سروال ديال التوب فالكحل مع صمطة فنفس اللون وشوميز بيضة مزيرة على العضلات ديالو وفاتحليها صدايف مع سنسلة فدوغي وساعة روليكس فنفس اللون ونضاضر فعينيه غير وصل عندهم داز باس لواليديه راسهم وحيد نضاضرو جر الكرسي وجلس حط يد على فخضو وثانية فوق الطابلة شاف فالمساعدة
طلعي شوفي الآنسة روح واش فاقت بغينا نفطرو.. شاف فثائر.. تابعانا الخذمة.. شافت فيه محركة راسها وظارت طالعة حتى كتوقف ملي كتشوفها نازلة ومهبطة راسها للارض
روح لي فاقت كتمسح على عينيها كتستوعب شكون هي وفين كاينة بقات واحد الدقايق وناضت منزلة رجليها على واحد زريبية دخلات لدوش قدات حاجتها بدلات الفوطة الصحية و غسلت وجهها جمعت شعرها ومشات كتجبد الحوايج من الباليزات لي جابت معاها لبست سروال جينز كارجو ف زرق مفتوح وتريكو فالاخضر ملكي بكول واسع فيه سحاب فاتحاه ظاهر عنقها الابيض مزيناه بسنسلة ذهبية خفيفة مع سبادغي نايكي فالابيض جامعة شعرها ديل حصان ووجهها خالي من اي مستحضرات التجميل نزلات حشمانة كتفرك فيديها حتى سمعت عايدة معيطاليها وهي طلع عينيها شايفا لجيهتهم جات مع عينيه نيشان بقا كيشوف فيها وهي تلبكات وحولت عينيها لعند عايدة وبتاسمات ليها مقربة عندهم
عايدة بابتسامة.. بنتي روح صباح الخير صبحتي مزيان؟
روح وقفات كتفرك يديها مع بعضهم وكدوي بصوت خافت وحنيكاتها حميمرين.صباح الخير اخالتو الحمدالله انا بيخير
عايدة.. جلسي تفطري ابنتي هانتي صاوبتلك كلشي لي تشهيتيه كاين
كانت غادا تجلس فين جالسة عايدة من جيهة لوخرا وهو يشدليها كف يديها مرجعها عندو وهي حمارت كثار وكثر مقدرتش طلع عينيها فيهوم هوما عادي عندهم بالعكس عايدة غطير بالفرحة
آسر:جلسي حداية.. جلسها من جيهتو وهو باقي شاد فيدبها محاسش على راسر وبديه الثانية كان هاز كاس ديال القهوة وكيشرب وروح بالحشمة باقي مطلعت راسها
عايدة مدات ليها مسمنة مدهونة بالفرماج... وشافت فميمونة رئيسة الخذم كيحسبوها من العائلة.. ميمونة كبيليها لي بغات عفاك.. بنتي روح شنو كتشربي اتاي قهوة ولا عصير
روح طلعت راسها ولقات حد ممسوق كلها كيفطر باش ينوض لخذمتو رجعت شافت فعايدة... لي كان اخالتو
عايدة..كبي ليها اتاي.. هاد اتاي مغربي كر فيه النعناع والعشوب يصلح ليك يسخن كرشك
ميمونة مدات ليها كويس ديال اتاي شكراتها ونساحبات الكوزينة
روح عاد حسات بلي باقي شاد فيديها وهي تزيرليه على يديه حس بيها كيلقاها كتوميليه على يديه وهو يحيدها شربات شريبة من اتاي عجبها وعضات من المسمنة لي عطاتها ليها عايدة غير شي عضيضات وهي تنزلها صافي شبعات
عايدة..زيدي كولي ابنتي مكليتي والو
روح.. الله يخلف شبعت
آسر بلا ميدوي قرب ليها الطبسيل حداها وماليها ليه
بلعات ريقها وهزات المسمنة مضاربة عليها مع المسمنة تباركالله كبيرك مقدراتش عليها علين تنوض تبكي حيت بصح شبعات غادي طرطق
عايدة شافتها وعزات عليها.. صافي ابنتي باراكا عليك فوق مجاك الجوع قوليها ليا ولا لخالتك ميمونة صافي
روح ومات ليها براسها بابتسامة على حنانتها معاها كانت خوفانا تكون شي وحدة قبيحة صدق العكس.. قولي ليا ابنتي مشهيا شي حاجة الغذا نصاوبوها
روح حركات راسها بالنفي.. لا اخالتي لي صاوبتوه ناكلو ممشهية والو
ناض ثائر ودعهم وخرج لخدمتو و احمد كان عندو موعد مع طبيب
أنت تقرأ
روح آسر
Romanceحصريا على 🖤⚜️ ملتقــى الجـوريـات 🖤⚜️ بأنـاملي جيلينا✨💘 ⛔ممنوعة من النشر⛔ هو يقول:ورأيتُ في عينيكِ وطنا يملأني هي تقول:عيناهُ حقا بالجمال تفردت وتمردت _________________...
