🖤⚜️حصريا على 🖤⚜️
🪄✨بأنـاملي:جيلينا
⛔ممنوعة من النشر⛔
تتمة البارت 19✨
سالاو ليهم الماساج وخذاوهم لواحد الجناح فيه بزاف ديال الكراسة واقفين بنات بلباس موحد كانت البلاصة خاوية بحكم حجزو هاد النهار خصيصا ليهوم رحبو بيهم وطلبومنهم يجلسو بداو كيصاوبو ليهم شعرهم و ظفارهم روح غير عاطيا راسها عاجبها الحال حسات براحة من مور الحمام صاوبو ليها شعرها مسرح على طولو وظفارها قادوهوم ليها سامبل فلون البيض
نفس الشيء مع البقية ودعوهوم بالزغاريت وكل المتمنيات وركبو فالطموبيلات راجعين لفيلا رقية مشات لدارها توجد راسها باش ترجع لعندهم هاد النهار غادي يدوزوه مع بعضهم غيديرو حنة و فالعشية العرس
وصلو لمدخل القصر كاريس وامايا حلو فامهم من ضخامة وروعة القصر شكل ديالو خيالي وزوين ضحكت عليهم روح دارو نفس ردت فعلها اول مرة حطات رجليها فيه، ايسل جلسات جنب عايدة وحنات على تيليفونها قررات متبقاش دخل فيهم وغادي تحسب روح بحاليلا مكبناش حبت كتستفزها بلطافتها كتجيها غير كتصطانع
وقفت الطموبيل حدا باب الداخلية ديال القصر وجا الكارد لاخور كيجري يحل الباب، نزلت عايدة وايسل هي اللولة عاد تبعاتها روح والبنات من اللور
امايا نقزات بحماس:روووح واش كنحلم.. كاريس قرصيني هادي راها جنة ميمكنش
كاريس:امايا تبتي متشوهيناش مع الناس
امايا: غير سكتي هاديك ايسل ولا معرت شكون من الصباح وهي طلع وتنزل فينا غير مخنزرة ياربي السلامة قلبات شفايفها كتقلدها :ايي غير بشوية بشرتي حساسة لا لا مديريش ليا هاد الماسك ماشي طبيعي نينيني
ضحكو البنات حتى شدو على كرشهم واخيرا روح حسات براسها حرة آه كانت مرتاحة مع عايدة ابدا محساتش براسها بوحدها ولاكن كاريس وامايا كثر من خوتها لي دوزو ماشي قليل، تمشاو مع واحد الدخلة لي كتوصل لباب ديال القصر كانت الباب مفتوحة حيت ايسل وعايدة زبقوهوم دخلو وغير مزادو نباهرو بجمالية المكان من الصالونات المغربية والاوروبية لطابلة الكبيرة ديال الماكلة لواحات ومزهريات ديكور مخلط بين العصري والكلاسيكي واللمسة المغربية اكيد حاضرة
باب ديال الجردة كانت مفتوحة وباين منها الناس فالخارج كيصاوبو الجردة حيت تما غادي يكون العرس الدنيا مرونة السلوكة ديال الضو والطوابل الكراسا الورد فكل بلاصة كل واحد مقابل شغلو باش يساليو فالوقت
خرجات عايدة هي واحد المراة فعمر أربعين من الصالون هازة فيديها ورقة وكضرب على الحاجات لي صاوبو باش متنقس تاحاجا :بنتي روح طلعي لبيتك رتاحيلك شوية هاهي غطلع معاك البنت تصاوب ليك شعرك ولبسة ديال الحنة
شافت جيهت البنات ودوات بالايطالية بحكم ملي كتكون مع روح غالبا كدوي بالداريجة: البنات بيتكم غادي توصلكم ليه وحدة من البنات خوذو راحتكم تما غتلقاو لباسيكم وارني منسيتكمش ملي قالهاليا آسر لبارح ملي غادي تجيو وصيت عليهم نتمنا يعجبوكوم و متحشموش حسبو الدار داركم
كاريس بتاسمات ليها بلطف وامايا عنقات روح من جنب غادي تموت من شدة الحماس
أنت تقرأ
روح آسر
Любовные романыحصريا على 🖤⚜️ ملتقــى الجـوريـات 🖤⚜️ بأنـاملي جيلينا✨💘 ⛔ممنوعة من النشر⛔ هو يقول:ورأيتُ في عينيكِ وطنا يملأني هي تقول:عيناهُ حقا بالجمال تفردت وتمردت _________________...
